¹ Tafaran'ny gny nitragan'ireo raha reo, la nandeha tagny amin'ny Farao Mosesy voho Arona ka nivola hoe: " Izao gny safan'i Yaveh, zay Ndragnararin'ny gny Israely, hoe: " Engao gnoloko handeha mba hanaovan-drozy firavoravoa ho Gnahy andiomonto agny. ² Hoy Farao hoe:' Fa aia moa zao Yaveh zao? Nagnino Zaho ro tokony hijanjy gny volany ka hagnenga an'Israely handeha? Tsy mahay an'i Yaveh zaho, voho fagnampin'izay tsy hagnenga an'Israely handeha zaho." ³ Hoy rozy hoe: " Fanihao taminy gny Ndragnaharin'ireo Hebreo. Engao rahay handeha hateloa agnala agny ka hanao soro ho an'i Yaveh Ndragnaharinay mba tsy hanafihany gnanay amin'ny gny loza na amin'ny gny sabatsy. ⁴ Fa hoy gny mpanjakan'ny tamin-drozy hoe: " Ry Mosesy voho Arona, nagnino nareo ro mangalaky gnolo amin'ny asan-drozy." Mimpoly amin'ny gnasanareo." ⁵ Hoy koa ie hoe: " Henanizao misy vahoaky Hebreo maro aminy eto amin'ny gny taqminay, ka mampiegny an-drozy amin'ny gnasany nareo." ⁶ Tamin'ireo andro avao, la nagnomea lily tamin'ireo mpampiasa voho reo mpiamby Farao. Hoy ie hoe: ⁷ " Tsy manahaky gny taloha ao tsy hagnomea akata hanaovany boriky ho an'ny gnolo koa nareo. Engao rozy handeha ka hila akata ho an-drozy. ⁸ Na izay aza, la tokony mbo hitaky gnisam-bariky mitany tamin'ny gny nataon-drozy taloha avao nareo. Ka nagnenky zay tsy ampy hanomy zay, fotony kamo rozy. Zay ro mahavy an-drozy mikaiky mare voho nivola hoe: " Engao rahay handeha voho hanao soro ho an'ny Ndragnahariny. ⁹ Ampitombo gny fotoa hiasan'ireo lahilahy mba hifantohany amin'izay ka tsy hijanjy vola fitaky sasy." ¹⁰ Ka la nandeha nagnambara gny vahoaky gn'olo mpampiasa voho reo mpiamby. Hoy rozy hoe: " Zao gny nambaran'i Farao hoe: " Tsy hagnomea akata nareo koa zaho. ¹¹ Ao nareo avao ro handeha ka hangalaky akata na aia na aia ahitanareo gnazy, nefa tsy hihena gnasanareo." ¹² Ka la niely nagnenty gny tany Egypta nanontolo gnolo mba hamory fotobary ha tao akata. ¹³ Ka mpampiasareo nanohy nandrisiky an-drozy ka nanao hoe: " Vitao gnanareo, monahaky gny tamin'ny gny fotoa nagnomeza akata anareo." ¹⁴ Namango gny mpiamby Israelita reo mpampiasan'i Farao reo johary zay fa nampiambenin-drozy an'ireo mpiasa avao. Nagnontany an-drozy avao gny mpimpiasa hoe: " Nagnino nareo ro tsy manahaky gny biriky iaby zay tinakinay taminareo, na maly na androany, manahaky gny fataonareo taloha? ¹⁵ Ka la namonjy an'i Farao reo mpiamby Israelita ka nitaray hoe: " Nagnino iha ro nanday reo mpanomponao manahaky an'izao? ¹⁶ Tsy hisy akata hamea reo mpanomponao koa, kanefa rozy mbo mivola aminay hoe: " Magnambara biriky!", Rahay mpanomponao la voambango amin'izao, kanefa fahadisoan'ny gny vahoakinao avao zay. ¹⁷ Fa hoy Farao hoe: " Kanao nareo! Kamo nareo! Hoy nareo hoe:' Engao rahay handeha hanao soro ho an'i Yaveh." ¹⁸ Ka amin'izao mandehana mimpolia amin'ny gnasanareo. Tsy hisy akata hamea anareo koa, fa tsy maintsy manao isam-biriky mitovy avao ndreo". ¹⁹ Hitan'ireo mpiamby Israelita fa tafalatsaky tagnaty kizo lafa vinola hoe: " Tsy mahazo mampihena gny isam-biriky vokary isan'andro nareo. ²⁰ Nihao tamin'i Mosesy voho Arona rozy, zay nitsanga tagny ambohon'ny gny lapa, laha nandeha bak'amin'i Farao rozy. ²¹ Hoy rozy tamin'i Mosesy voho Arona. Hanenty anareo anie Yaveh ka hagnasazy anareo, fotony nataonareo mafaikolitsy teo amason'i Farao voho reo mpanompony rahay. Nasianareo sabatsy gny tagnan-drozy mba hamonoany gnanay." ²² Handeha nimpoly tagny amin'i Yaveh Mosesy ka nanao hoe: " Ry Tompo, nagnino Iha ro mampidi-doza an'ireo olo reo? Nagnino zaho ro nalefanao voalohany? ²³ Isaky gny namonjy an'i Farao handay gny hafatsao zaho, la nanday fikorontagna ho an'ireo olo reo ie, ka tsy nagnafatsy gn'olonao mihitsy Iha."