¹ Lafa tapaky fa tokony hiantsambo ho agny Italia rahay, la napetrakin-drozy i Paoly voho reo gadra hafa ho eo ambanin'ny fiahian'ny kapiteny raiky kinaiky hoe Jolio zay an'ny rezimantan'ny Amperora. ² Nilitsy tagnaty sambo raiky bakagny Adramytena rahay, zay hiondra magnaraky gny sisin-tanin'ny Asia. Ka la nandeha an-dranomasy rahay. Arisrtarko bakagny Tesalonika agny Makedonia la nandeha niaraky tagnaminay. ³ Gny andro magnaraky la avy tao amin'ny tanan'ny Sidona rahay, zay nitondran'i Jolio gnan'i Paoly tamin'ny hatsaram-pagnahy sady nagnenga gnazy handeha ho agny amin'ireo namany handramby gny fikarakaran-drozy. ⁴ Bakagny rahay ro nandeha an-dranomasy sady niantsambo nagnaraky gny moron'ny Kyprosy, nagnariny gny nosy, fotony nanohitsy gnanay gny tsioky. ⁵ Bakeo niantsambo namakivaky gny ranomasy rahay sady nagnariny gny sisin-tanin'ny Kilikia voho Pamfilia, bakao Myra rahay, tanan'ny Lykia. ⁶ Tagny, gny kapiteny la nahajery sambo raiky bakagny Aleksandria zay hiantsambo ho agny Italia. Napetrany tao amin'izay rahay. ⁷ Lafa niantsambo niada tagnaty gny andro maro rahay sady gny farany la avy tam-pahasakia teo agnilan'ny Kinidio, la tsy nagnenga gnanay andeha tamin'izay lalagna izay sasy gny tsioky, ka la niantsambo nagnaraky gny ilany takon-tsioky gny Kreta rahay, mifanandrify amin'ny Salmona. ⁸ Nagnara-moro tam-pahasakia rahay, nandra-pahavianay tagny amin'ny toera raiky kinaiky hoe soa-fitodian-tsambo, zay agnilan'ny tanan'ny Lasea. ⁹ Sady nandany fotoa maro rahay, fa dila avao koa gny fotoa fifadian-kanin'ireo Jiosy, sady fa nanjary nampidi-doza gny miondra an-tsambo. Ka la nampitandry gnan-drozy Paoly, ¹⁰ sady nivola hoe: " Ry johary, jeriko fa toy la zay ho ataontsika toy la hisy faharatra voho fatiantoky maro, tsy an'ny enta voho gny sambo avao, fa ho an'ny aintsika koa." ¹¹ Fa gny kapiteny nagnome lanja koa gny mpitondra voho gny tompon'ny sambo noho reo raha zay voalazan'i Paoly. ¹² Fotony ao amin'ny serana la tsy mora laha hijanogna mandrintra gny ririnina, la maro tamin'ireo mpiantsambo ro nanoro hevitsy gny hiondra hiala teo, fa hay mba afaky hitandraky gny tanann'ny Foiniksa amin'ny fomba iaby rahay, mba hitoetry agny mandritra gny ririnina.Foiniksa la serana agny Kreta, sady magnatriky gny mianavaratsy-andrefa voho gny mianatsimo-andrefa izay. ¹³ Lafa nanomboky nitsoky malefaky gny tsioky bakagny atsimo, la nihevitsy reo tantsambo fa nana zay nilan-drozy. Ka la nampakatsy gny vatofantsiky sady niondra nagnaraky gnan'i Kreta rozy, nagnariny gny moron-dranomasy. ¹⁴ Fa afaky fotoa kelikely la nisy tafio-tsioky mahery, kinaiky hoe Eorakly-dona, nanomboky namango mare bakagny amin'ny nosy. ¹⁵ Lafa tratry gny tafiotsy gny sambo sady tsy afaky nanohitsy gny tsioky avao, la tsy nanohitsy nagnome lala gny tafiotsy rahay sady nandesin'ny tsioky tegny iaby tegny. ¹⁶ Niantsambo nagnaraky gny moron'ny nosy kely raiky kinaiky hoe Kaoda rahay, sady tamim-pahasakia ro nahafahanay niaro gny laka famonjea ay. ¹⁷ Lafa nampiakarin-drozy gny laka famonjea ay, la nampiasan-drozy gny talin'izay mba hameheza gny vatan'ny sambo. Natahotsy rozy fa tokony handeha ambonin'ny fasiky mandrevon'ny Syrtiso, ka la nalatsakin-drozy gny vatofantsiky gny ranomasy sady nandeha ho gnazy tegny. ¹⁸ Tratran'ny fameleza mahery vaikan'ny tafiotsy rahay hany ka gny andro magnaraky io la nanomboky narary reo enta tagny ivelan'ny sambo rozy. ¹⁹ Tamin'ny andro fahatelo reo tantsambo la nanoraky gny entan'ny sambo tagny ivelan'ny sambo tamin'ny tanan-drozy manoka. ²⁰ Lafa tsy namiratsy tagnaminay tagnaty gny andro maro gny masoandro voho gny kintana, sady mbo namango gnanay gny tafiotsy bevata, la tsobo iaby gny fanantena gny hahavoavonjy gnanay. ²¹ Lafa roso lavitsy tsy nisy hany rozy, la nitsanga teo amin'ireo tantsambo Paoly bakeo sady nivola hoe: " Ry johary, tokony hinjanjy gnahy nareo, sady tsy niondra bakagny Kreta, ho tratran'izao faharatra voho fatiantoky zao. ²² Henanizao la mamporisiky gnanareo aho mba hahery, fa tsy hisy fahatsoboan'ay eo agnivonareo, fa fahatsoboan'ny sambo avao. ²³ Fa tamin'ny haliky la nisy anjelin-Dranagnahary zay tompoko, zay tompoiko avao koa_nitsanga teo agnilako gny anjeliny ²⁴ sady nivola hoe: ' Ka matahotsy, ry Paoly. Tsy maintsy hitsanga eo agnatrehan'i Kaisara iha, sady ingo, Ndranagnahary ao amin'ny hatsaram-pagnahiny ro nagnome gnanao reo iaby miantsambo miaraky agnaminao.' ²⁵ Noho izay mionona, ry johary! Fa mahatoky an-Dranagnahary aho fa hitranga araky izay ambarany tagnamiko izay. ²⁶ Nefa tsy maintsy hidofotsy amina nosy maromaro tsika." ²⁷ Lafa avy gny haliky faha-efatsy ambin'ny folo, laha natoptopa tetsy voho eroa tao amin'ny ranomasin'ny Adrea rahay, tokony ho tamin'ny sasak'aly la nihevitsy reo tantsambo fa nagnariny tany rozy. ²⁸ La nangalaky refin-drano rozy sady nahajery fa efapolo metatsy gny halahiny; tafara kelin'izay, la mbo nangalaky refin-drano avao rozy sady nahajery fa telopolo metatsy gny halaliny. ²⁹ Natahotsy rozy hay ndra hidofotsy amin'ireo vato rahay, ka la nandatsaky vatofantsiky efatsy bakao afara rozy sady nivavaky mba hiavian'ny to tsy ho ela. ³⁰ Reo tantsambo la nila fomba hiala gny sambo sady nandatsaka gny lakany famonjea ay tagny an-dranomasy, sady mody nandatsaky gny vatofantsiky bakeo an-doha-tsambo rozy. ³¹ Fa Paoly nivola tamin'ny kapiteny voho reo miaramila hoe: " Laha tsy mijano agnaty sambo reo johary reo, tsy ho voavonjy nareo." ³² Bakeo reo miaramila nanapaky gny talin'ny laka ka la nagnenga izay ho rendriky. ³³ Lafa nanomboky nihanazava gny andro, la namporisiky gnazy iaby Paoly mba hangalaky hany maromaro. Hoy ie hoe: " Toy andro toy ro andro faha-efatsy ambiny folo zay hiandrasanareo sady tsy hinanareo; tsy nihina na ino na ino nareo. ³⁴ Noho izay la mamporisiky gnanareo aho mba hizara hany, fa ila izay mba hahavelo gnanareo. Fa tsy hisy na raiky aminareo zay ho tsobo na la gny singam-bolon-dohany aza." ³⁵ Lafa baka nivola ie, la nangalaky mofo sady nisaotsy an-Dranagnahary teo imason'ny iaby. Bakeo ie nizarazara gny mofo sady nanomboky nihina. ³⁶ Bakeo la nahery rozy iaby sady nangalaky hany avao koa. ³⁷ Olo 276 rahay ro tao agnaty sambo. ³⁸ Lafa nihina soa rozy, la nihamaivagnin-drozy gny sambo tamin'ny nanarian-drozy vary tagnaty ranomasy. ³⁹ Lafa avy gny andro, la tsy hain-drozy gny tany, fa nahajery helon-drano raiky nisy tora-pasiky rozy, sady nifandiniky rozy laha afaky handay gny sambo teny. ⁴⁰ Ka la nitapahin-drozy vatofantsiky sady nengan-drozy tagny an-dranomasy. Niaraky tamin'izay la nalatsakin-drozy gny taly teo amin'ny familia sady natsangany gny lay ho eo amin'ny tsioky; sady la niroso nagneo amin'ny tora-pasiky rozy. ⁴¹ Fa avy teo amin'ny toera raiky zay nisy ranomasy nifanapaky rozy, ka nidona tamin'ny tany gny sambo. Sady gny loha-sambo la niraikitsy teo sady nijano tsy afa-nihetsiky, fa gny vodi-sambo koa nanomboky vaky nohon'ny hahery vaikan'ny onja. ⁴² Gny tetik'ireo miaramila la gny hamono reo gadra mba tsy hisy amin-drozy ho afaky andeha hilagno ka hitsoaky. ⁴³ Fa gny kapiteny te-hamonjy gnan'i Paoly, ka la najanony gny tetikin-drozy; sady nomeny baiko reo mahay milagno mba hilatsaky ivelan'ny sambo aloha sady ho egny an-tanety. ⁴⁴ Bakeo tokony hagnaraky gny ambin'ireo johary, gny sasany agnabo hazo pisaky, sady sasany agnabo raha hafa bakao amin'ny sambo. Manahaky zay ro nitranga ka gny iaby tagnaminay la avy soa aman-tsara tegny an-tanety.