¹ Amizao , ry rahalahy , mivavaha ho gnanay, mba ho rengea voho hameam-boninahitsy gny safan'ny Tomp, la manahaky gnan'io koa gny aminareo. ² Mivavaha mba ho afaky amin'ireo raty fagnahy voho olon-draty rahay, fa tsy gny iaby ro manam-pinoa . ³ Fa gny Tompo la mahatoky , zay magnamafy ory voho miamby gnaareo amin'izay raty. ⁴ Mana fahatokia amin'ny Tompo mikasiky gnanareo rahay, mbo sady hanaovanareo ro hanohizanareo reo raha zay nandidia gnanay nareo. ⁵ Gny Tompo anie hitariky gny fonareo ho amin'ny hatean-Dranagnahary voho gny fiaretan'i Kristy. ⁶ Amizao mandidy gnanareo rahay, ry rahalahy, amin'ny agnaran'i Jesosy Kristy Tompontsika, mba hiala amin'ireo rahalahy iaby zay miay ao agnatin'ny hakamoa voho tsy araky reo fomban-draza zay nirambesinareo taminay. ⁷ Fa nareo vatanareo la mahay fa mety aminareo gny mangalaky manahaky gnanay. Tsy niay teo agnivonareo manahaky gnan'ireo zay tsy nana fitsipiky rahay . ⁸ Tsy nihina sakafon'olo tsy naloa drala rahay. Fa koa, niasa andro amagn'aly tamin'ny asa sarotsy voho gny raha sarotsy rahay, mba tsy ho enta mavesatsy ho gnan'ny kirakiraiky aminareo. ⁹ Tsy hoe nohon'ny tsy fanagna fahefa ro nanaovanay gnan'io. Fa koa, nanao gnan'io rahay mba ho fitaratsy ho gnanareo , ka mba hanahaky gnanay nareo. ¹⁰ Lafa niaraky taminareo rahay, la nandidy gnanareo hoe:" Laha misy raiky tsy te hiasa , la tsy tokony hihinana ie." ¹¹ Fa mahajanjy rahay fa miraviravy tagna gny sasany aminareo. Tsy miasa rozy fa mpitsabaky. ¹² Amizao reo olo manahaky gnan'io la didinay voho hanarinay amin'i Jesosy Kristy Tompo, mba hiasa am-pahangina voho hihina gny sakafon-drozy manokana. ¹³ Fa nareo , ry rahalahy, ka mamoy fo amin'ny fanaova zay marina. ¹⁴ Laha misy tsy mankato gny safantsika amy toy taratasy toy, mariho eo imason'ny olo ie sady ka mana fifandraisa aminy, ka mety ho megnatsy ie. ¹⁵ Ka rambesy ho fahavalo ie, fa hagnaro hanahaky gny rahalahy. ¹⁶ Fa gny Tompon'ny fiadagna anie hagnome fiadagna gnanareo amin'ireo fotoa voho amin'ireo fomba iaby . Ho aminareo iaby anie gny Tompo. ¹⁷ Toy ro fanaovako veloma , zaho Paoly , tamin'ny tagnako, zay famantara amin'ny taratasy iaby. Zao ro soratso. ¹⁸ Gny fahasoan'i jesosy Kristy Tompontsika anie ho aminareo iaby.