¹ Paoly , voho Silasy, voho Timoty, ho agny amin'ny fiangonan'ireo Tesaloniana ao amin-Dranagnahary Babantsika voho Jesosy Kristy Tompo. ² Ho aminareo anie gny fahasoava voho fiadagna bakamin-Dranagnahary Babantsika voho Jesosy Kristy Tompo. ³ Rahay la tokony hagnome fisaora gnan-Dranagnahary ho gnanareo avao, ry rahalahy. Fa io ro soa atao, fotony tena mitombo mare gny finoanareo, sady gny hateanareo kirakiraiky la mitombo ho gnan'ny hafa. ⁴ Nohon'io la rahay vatanay la miresaky am-pirehareha mikasiky gnanareo eo amin'ireo fiangonan-Dranagnahary. Rahay la miresaky gny mikasikin'ny faharetanareo sady gny finoanareo tamin'ny zay iaby nagnenjeha gnanareo. Miresaky momban'ireo famantara gny fitsara marin-Dranagnahary. Gny vokany la horambesy ho mendriky gny fanjakan-Dranagnahary zay nijalianareo nareo. ⁶ To amin-Dranagnahary gny hamaly fahoria gnan'ireo zay nampahory gnanareo, ⁷ sady hagnome fitsara ho gnanareo zay nampahory niaraky tamiany. Hataony io amin'ny fisehoan'i Jesosy Tompo bakagny an-danitsy miaraky amin'ireo anjelin'ny heriny. ⁸ Ao amin'ny bolo miredareda ro hanaovany gny valifaty amin'ireo zay tsy mahay gnan-Dranagnahary voho amin'ireo zay tsy mamaly gny filazantsaran'i jesosy Tompontsika. ⁹ Rozy la hijaly amin'ny famaizan'ny fandriangana mandrakizay lavitsy gny fagnatrehan'ny Tompo voho gny voninahitsy gny heriny. ¹⁰ hanao gnan'io rozy lafa avy amin'io andro io mba hagnomezan'ny olony voninahitsy gnazy voho higagan'ireo iaby zay nino. Fa gny fijoroanay vavolombelo aminareo la ninoa ¹¹ Nohon'io la mivavaky mandrakariva ho gnanareo avao koa rahay. Mivavaky rahay mba ho mendriky gny ho rambesin-Dranagnaharintsika ain'ny fikahia nareo. Mivavaky rahay mba ho tanterahy amin'ny hery gny fagnirianareo gny hasoa voho gny asan'ny finoa iaby. ¹² Mivavaky ho gnan'ireo raha reo rahay mba amianareo voninahitsy gny agnaran'i Jesosy Tompontsika. Mivavaky rahay mba hagnomezany voninahitsy gnanareo, nohon'ny fahasoavan-Dranagnaharintsika voho Jesosy Kristy Tompo.