¹ Bakeo Solomona nanomboky nagnamboatsy gny tragnon'i Yaveh tagny, nisehoan'i Yaveh tagnamin'i Davida rainy. Nagnoma gny polasy fa nifinilin'i Davida ho agnaminy zay ie, tao ami-gny famoloan'i Ornana gny Jebosita. ² Nanomoka nagnamboatsy tamin-gn'andro faharoany gny vola faharoa ie, tami-gny fahefatsy tao nan jakany. ³ Ndreto iaby gny refiny gny fototsy nataon'i Solomona ho gnany gny tragnon-Dranagnahary. Nampiasa gny hakiho taloha, enim-polo hakiho gny halavany, voho roapolo hakio gny sakany. ⁴ Roa polo hakiho gny halavany gny lavaranga agntrehany gny tragno eo, mifagnaraky ami-gny sakany tragno. Roapolo hakiho avao koa gny ahabony, voho nipetahan'i Solomona petam-bolamena ao. ⁵ Nirinavakiny Kypreso gny valin-drihany gny efirsiny tragno bavata, nipetahany petam-bolamena soa, voho nanovany sikotsy tami-gny hazo palma ndraiky rojo. ⁶ Nirinavakiny tami-gny vato lafo vily gny tragno, gny petam-bolamena la volamena baka Parvaima agny. ⁷ Nipetahany petam-bolamena avao koa gny reo andriny, reo tokognam-baravara, rondry, voho reo varavara, nasiany sary kerobima ami-gny reo rindriny eo zay. ⁸ Nagnamboatsy gny fipetraha masy mare ie. Gny halavagnany la mifagnaraky ami-gny sakany gny tragno, roapolo hakiho, voho roa polo hakiho avao koa gny sakany. Nipinetakiny petam-bolamena malio zay, ze talenta enin-jato. ⁹ Gny lanjany gny reo fantsiky la sekely volamena limam-polo. Nipinetakiny takelam-bolamena gny faritsy agnabo. ¹⁰ Nagnamboatsy sary kerobima roa ami-gny fipetraha masy mare ao ie; mipetahany gny mpanao asa-tagna takelam-bolamena reo. ¹¹ Roapolo hakiho gny halavany gny elatsiny reo horobima miaraky; limy hakiho gny halavagnany gny elatsiny gny kerobima raiky manakatsy gny rindriny efatsiny tragno, limy hakiho manahaky gnany zay avao koa gny elatsy raiky hafa, manakatsy gny rindriny gny efatsy tragno, limy hakiho avao koa gny elany hafa, mikasiky gny elatsiny gny kerobima voalohany. ¹³ Roa polo hakiho gny fitambarany gny etsiny reo kerobima reo. Nijoro reo Kerobima, gny tarehin-drozy manandrify efitragno bavata. ¹⁴ Nataony tami-gny manga, volomparasy, ndraiky volon'aondry mena voho rongony foty maliniky gny lamba, voho nipoziny kerobima tagnaminy zay eo. ¹⁵ Nanao andry roa avao koa Solomona, telopolo hakiho gny ahabony gny kiraidraiky, tagnatrehany gny tragno; limy hakiho gny ahabony reo kapiteny tagnabony reo. ¹⁶ Nanao rojo ho gnany reo andry ie voho nametraky gnany reo tangnabony reo; nanao ampongaben-dagnitsy zato avao koa ie voho nampifandramby gny reo tami-gny reo rojo. ¹⁷ Nataony tagnatrehany gny tempoly reo andry, raiky tan-kavagna, voho gny raiky hafa tan-kavia; nikinaikiny hoe Jakina gny andry tan-kavagna, voho Boaza gny andry tan-kavia.