¹ Fa gny vatanareo la mahay , ry rahalahy , fa gny hateanay teto aminareo la tsy foana . ² Hainareo fa taloha la nijaly sady nalam-baraka tagny Filipy rahay. rahay la mahasaky tao amin-Dranagnaharinay hilaza taminareo gny filazantsaran-Dranagnahary tao agnatin'ny fanohera bevata. ³ Fotony gny fagnanaranay la tsy bakamin'ny fahadisoa, na bakamin'ny fahalotoa, na bakamin'ny fitaky . ⁴ Fa koa, araky gny nankatoavan-Dranagnahary gnaay mba hatokisa amin'ny filazantsara , nohon'io la miresaky rahay. Miresaky rahay , tsy hampifaly gny olo, fa hahampiafaly gnan-Dranagahary, Ie izay mahay gny fonay. ⁵ Fotony tsy la nampiasa na mbia mbia reo safa fandokafa rahay, araky gny hainareo, na koa ho fialan-tsiny amin'ny fitsiririta , fotony Ndranagnahary ro vavolombelonay. ⁶ Na koa nila gny voninahitsy bakamin'ny olo rahay, na koa bakaminareo na bakamin'ireo hafa. Rahay la afaky nitaky reo tambotsoa manahaky reo apostolin'i Kristy. ⁷ Fa koa, rahay la tsotsa teo aminareo manahaky gny reny mankahery gnanany naterany.[ Fanamarihana: reo dikan-teny hafa sasany la mivaky manahaky gnan'izao:" Fa koa, rahay la manahaky gny aja kelikely teo aminareo, lafa mankahery gnanany naterany gny reniny."] ⁸ La manahaky gnan'io ro nanagnanay hatea ho gnanareo. Faly rahay mizara aminareo, tsy gny filazan-tasaranDranagnahary avao, fa gny fiaignanay manokana avao koa. Fotony nareo la lasa malalanay tokoa. ⁹ Fotony tiaronay, ry rahalahy , gny asanay voho gny fisasaranay. Andro amagn'aly ro niasanay mba tsy ahafahanay mampanday mavesatsy gny raiky aminareo. Nandritsa gnan'io fotoa io, la nitory gny filazantsaran-Dranagnahary taminareo rahay. ¹⁰ Nareo ro vavolombelo , sady Ndranagnahary avao koa , fa masina, voho marina, sady tsy manan-tsiny gny fiton-tenanay teo aminareo zay mino. ¹¹ Manahakay gnanio koa la hainareo manahaky gny akory ro nataonay taminareo kirakiraiky manahaky gny ataon'ny raiky amin'ny gnanany naterany, ¹² niangavy voho nankahery sady nandrisiky gnanareo rahay mba handeha amin'ny fomba zay mendriky gnan-Dranagnahary, zay mikaiky gnanareo ho ao amin'ny fanjakay voho gny voninahiny manokana. ¹³ Fa io antony io ro isaoranay avao koa gnan-Dranagnahary mandrakariva. Fa nareo lafa nandramby bakaminay gny hafatrin-Dranagnahary zay renareo, lanirambesinareo io tsy hanahaky gny safan'olo. Fa koa , nirambrsinareo io araky zay to, la gny safan-Dranagnahary. Io safa io avao koa ro miasa eo aminareo zay mino. ¹⁴ Fotony nareo, ry rahalahy, la lasa manahaky reo fiangonan-Dranagnahary agny Jodia zay amin'i Jesosy Kristy. Fa nareo avao koa la nijaly tamin'ireo raha reo avao noho gny nataon'ireo mpiaray tanindraza aminareo, sahala gny nanjo gnan-drozy koa noho gny nataon'ny Jiosy taminy. ¹⁵ Reo jiosy ro namono na gnan'i Jesosy Kristy na reo mpaminany. Reo Jiosy ro nandroaky gnanay. Tsy nankasitraky gnan-Dranagnahary rozy. Fa koa, rozy la fahavalon'ny olo iaby. ¹⁶ Rozy la nandrara gnanay tsy hiresaky amin'ireo jentilisa mba tsy hamonjea gnan-drozy regny. Vokatrin'io la mamen gny fahotan'ny vatanay mandrakariva rozy. Gny fahatezera la tsy maintsy avy eo amin-drozy amin'ny farany. ¹⁷ Tafasaraky taminareo rahay, ry rahalahy, nandritsy gny fotoa fohy, tamin'ny fagnatreha fa tsy tamin'ny fo. Tena nazoto fatratry rahay, nagniry mare, gny hahita gny tarehinareo. ¹⁸ Fotony nagniry gny ho agny aminareo rahay, Zaho , Paoly, matetiky , nefa nanakaa gnanay Satana. ¹⁹ Fa ino moa gny fanantenanay gny ho avy, na fifalia, na satro-boninahitsy gny fandresea eo agnatrehan'i Jesosy Tompontsika amin'ny fihaviany? Moa tsy nareo manahaky reo sasany hafa koa va? ²⁰ Fa nareo ro voninahitsy voho fifalianay.