¹ Sady lafa avy tagny Ziklaga i Davida voho reo olony tamin'ny andro fahatel, la nanafiky teo amin'ny Negeva teo amin'i Ziklaga reo Amalekita. Nanafiky gnan'i Ziklaga rozy, sady nagnoro gnan'io, ² Sady nanambotsy reo ampela voho gny olo iaby zay tao amin'io, ndra kely ndra bevata. Tsy namono na ia ia rozy, fa nanday gnan-drozy la nandeha tamin'ny lalany. ³ Lafa nagnagny amin'ilay tana i Davida voho reo olony, la fa ma io, sady reo valiny, reo anaky lahiny, voho reo anaky ampelany la nala ho babo. ⁴ Bakeo la nampiaka-peo i davida voho reo olo niaraky taminy sady nitagnymandra-paha-tsy nisian'ny hery hitagnia sasy. ⁵ Voababo reo valin'i Davida roe, Ahinoama Jezerelita, voho Abigaila valin'i Nabala Karmelita. ⁶ Ory tanteraky i Davida , fotony niresaky momba gny hitoraham-bato gnazy gny vahoaky, fotony mafaitsy ara-pagnahy gny vahoaky manontolo, gny olo kirakiraiky noho gny amin'ireo anaky lahiny voho reo anaky ampelany; fa Davida nagnatanjaky gny vatany tamin'i Yaveh, Ndranagnahariny. ⁷ Hoy i davida tamin'i Abiatara aak'i Ahimeleka, lay mpisoro;' Miangavy aminao aho, andeso atoy amiko lay efoda." La nandesin'i Abiatara teo amin'i davida lay efoda. ⁸ Nangataky torolala tamin'i Yaveh i davida, nanao hoe:' Laha magnenjiky io antoko io aho, ho azoko va rozy?' Sady Yaveh namaly gnazy:' Ihagno, fa azo antoky fa ho azonao tokoa rozy, sady azo antoky fa hampimpoly raha iaby iha." ⁹ La nandeha i Davida , ie voho reo eninjato lahy zay nisondry taminy;sady avy tagny main'ny reniranon'i Besora rozy, zay nijanognan'ireo tariky tagny afara. ¹⁰ Fa nanohy gny fagnenjeha i Davida, ie voho reoafajato lahy; fa gny roanjato nijano tafara, zay tena osa ka tsy afaky gny handeha eo amin'ny lohasahan-driakin'i Besora. ¹¹ Nahita Egyptiana raiky tegny an-tsaha rozy sady nanday gnazy tagny amin'i Davida; namean-drozy mofo ie, sady nihina; namean-drozy rono hinomy ie; ¹² sady namean-drozy ampahamofo mamin'aviavy voho sampam-boaloboky roe ie. Lafa nihina ie , la nahazo hery ndraiky, fotony tsy nihina mofo na nino rano nandritsa gny telo andro voho telo haly ie. ¹³ Hoy i davida taminy:Gnan'ia moa iha?Baka aia iha?' La hoy ie:'Tovolahin'i Egypta aho, mpanompon'ny Amalekita raiky; nagnenga gnahy gny tompoko fotony narary aho telo andro lasa zay. ¹⁴ nanafiky gnan'i Negevan'i Keretita rahay, voho zay gnan'i Joda, sady Negevan'i Kaleba, sady noroanay i Ziklaga." ¹⁵ Hoy i davida taminy;" Handay gnahy hizotso agny amin'ny antoko mpanafiky va iha?" Hoy lay Egyptiana:' Mifanta amiko amin-Dranagnahary mba tsy hamonoanao gnahy na hamadihanao gnahy eo am-pelatagnan'ny tompoko; la hanady gnanao hizotso amin'io antoko mpanafiky io aho." ¹⁶ Lafa nanday gnan'i Davida nizotso lay Egptiana, la niparitaky teo amin'ny tany iaby reo mpanafiky, nihina voho nino sady nisandraky noho reo babo iaby zay nalan-drozy tamin'ny tanan'ireo Filitsina sady tamin'ny tanin'i Joda. ¹⁷ Nanafiky gnan-drozy i davida nanomboky gny hariva ka hatramin'ny harivan'ny andro magnaraky. Tsy nisy ndra olo raiky aza tafatsoaky afa-tsy reo tovolahy efajato, zay nondra rameva ka nandositsy. ¹⁸ La tafampolin'i Davida zay nalan'ireo Amalekita iaby; sady voavots'i Davida reo valiny roe. ¹⁹ Tsy nisy raha tsy ampy, ndra kely ndra bevata, ndra reo anaky lahiny , ndra reo anaky ampelany, ndra reo babo, ndra gny raha iaby zay nobaboin'ireo mpanafiky ho gnazy. nampoli'i Davida gny raha iaby. ²⁰ Nalan'i davida reo aondry aman'aosy iaby voho gny aomby, zay nandesin'ireo olo nialoha gny biby fihary hafa. Hoy rozy hoe;' Reo ro babon'i Davida." ²¹ Avy tagny amin'ireo olo roanjato zay tena osa laha hagnaraky gnazy i davida, reo zay nataon'ireo hafa nijano tagny amin'ny reniraon'i Besora. Reo johary reo la nandroso mba hihaona amin'i davida voho reo vahoaky niaraky taminy. Lafa avy teo amin'ireo olo reo i Davida, la niarahaba gnazy rozy. ²² Reo olo raty fagnahy voho reo nama tsy misy ila gnazy teo amin'ireo zay fa nandeha niaraky tamin'i Davida nilaza hoe:' Fotony tsy nandeha niaraky tamintsika reo johary reo ,la tsy hagnome gnan-drozy reo babo voho zay fa azontsika tsika. Laha tsy hoe afaky mangalaky valiny voho reo anany reo johary kirakiraiky, ka mitariky gnan-drozy, sady mandeha." ²³ Sady hoy i Davida;' Tsy tokony hanao gnan'io, amin'izay fa namean'i Yaveh gnantsika, nareo ry rahalahiko. Fa narovany tsika sady fa natolony teo an-tagnantsika reo mpanafiky zay avy nanohits gnantsika. ²⁴ Ia ro hihaino gnaao amin'io tranga io? Fa gny fizara la ho gnan'izay mandeha amin'ny aly, voho ho gnan'ny olo zay mandigny enta avao koa; fa hizara mitivy rozy." ²⁵ La manahaky gny tamin'io andro io ka hatramin'izao, fotony nataon'i Davida ho lily voho lalagna ho gnan'ny Israely io. ²⁶ Lafa avy tagny Ziklaga i Davida, la nandefa gy sasany tamin'ireo babo ho gnan'ireo loholon'i Joda, ho gnan'ireo namany ie, nanao hoe:' Ingo, intoy misy fagnomeza ho gnanao bakamin'ilay babo bakamin'ireo fahavalon'i Yaveh." ²⁷ nandefa gny sasany tagny amin'ireo loholo zay agny Betela avao koa ie, sady ho gnan'ireo zay tagny Ramotan'ny antimo, voho ho gnan'ireo zay agny Jatira, ²⁸ sady ho gnan'ireo zay agny Aroera, voho ho gnan'ireo zay agny Sifmota, sady ho gnan'ireo zay agny Estemoa. ²⁹ Nandefa gny sasany tagny amin'ireo loholo zay agny Rakala, voho reo zay agny amin'ny tanan'i jeramelita, sady reo zay agny amin'ny tanan'ireo Kenita, ³⁰ sady ho gnan'ireo zay agny Horma, voho reo zay agny Korsana, sady ho gnan'ireo zay agny Ataka, ³¹ voho reo zay agny Hebrona, sady amin'ireo toera iaby zay nandehanan'i davida voho reo olony matetky ie.