¹ Bakeo Nahasy Amonita nandeha sady nitoby tagny Jabesi-Gileada. Hoy gny olon'i Jabesy iaby tamin'i nahasy hoe: Manaova fagnenkea miaraky aminay, la hanompo gnanareo rahay." ² La namaly i Nahasy Amonita hoe:" Amin'izo petraky zao hanaovako fifagnenkea aminareo, la gny hipotsirako gny maso ankavanananareo iaby, sady io ro fomba hagnandesa fahafaham-baraka eo amin'Israely manontolo." ³ Sady gny loholon'i Jabesy namaly gnazy hoe:' Engao raiky mandritsa gny fito andro rahay, mba hahafahanay mandefa iraky magnagny amin'ny fari-tanin'Israely manontolo. Sady , laha tsy misy ndra raiky aza hamonjy gnanay, la hitolo-bata aminareo rahay." ⁴ La avy tagny Gibea, zay nipetrahan'i Saoly reo iraky,sady nilaza zay raha nitranga tamin'ny fokonolo manontolo. ⁵ Sady magnaraky reo aomby bakao an-tsaha i Saoly. Hoy i Saoly:' Ino ro mahazo gnan'ireo fokonolo ka mampitagny gnan-drozy?' La noresahan-drozy tamin'i Saoly zay nivolagnin'ny joharin'i Jabesy. ⁶ Lafa ren'i Saoly zay nolazain-drozy, la nilatsaky teo aminy gny Fagnahin-Dranagnahary, ka nasiaky mare ie. ⁷ Nangalaky ziogan'aomby raiky ie, ka nokapakapahiny, sady nalefany nanera gny Israely miaraky tamin'ireo iraky reo. Hoy ie:'Zay iaby tsy hiboaky hagnaraky gnan'i Saoly voho Samoela , la manahaky gnan'iregny fatao aomby." Sady nilatsaky tamin'ny fokonolo gny horohoron'i Yaveh, ka niara-niboaky manaky gny olo raiky rozy. ⁸ Lafa namory gnan-drozy tagny Bezeka ie, la nisy telo hetsy gny fokonolon'Israely, sady gny olon'ny Joda la telo aly. ⁹ Hoy rozy tamin'ireo iraky zay avy: ' Hilaza amin'ny olon'ny Jabesi-Gileada nareo hoe:' hamaray , amin'ny fotoa mampahamay gny masoandro , la ho voavonjy nareo." Ka nandeha reo iraky sady nilaza tamin'ny olon'i Jabesy, sady nazoto rozy. ¹⁰ La hoy gny olon'i Jabesy tamin'i Nahasy:' Hitolo-bata aminao rahay hamaray, la afaky ataonao aminay zay hitanao fa mety aminao." ¹¹ Gny hamaray la napetrak'i Saoly agnaty vondro telo gny fokonolo. La nandeha teo agnivon'ny toby tamin'ny fiambena maray rozy, sady nanafiky rozy ka naharesy reo Amonita manadra-pahamay gny andro. Reo zay mbo velo la naely, mba tsy hisian'ny roe hiara-tavela. ¹² La hoy gny fokonolo tamin'i Samoela:' Zay lay nivola hoe;' Hanjaka eto amintsika va i Saoly? andeso reo olo, mba hahafahantsika mamano gnan-drozy." ¹³ Fa hoy i Saoly:' ao mba tsy hisy ho maty ndra raiky amy toy andro toy, fotony nagnavotsy gnan'Israely Yaveh androany." ¹⁴ Bakeo la hoy i Samoela tamin'ny fokonolo;' Andao , andeha tsika handeha agnny gilgala sady hagnavao gny fanjaka agny ndraiky. ¹⁵ Ka nandeha tagny Gilgala gny folokonolo manontolo sady nanao gnan'i Saoly ho mpanjaka teo agatrehan'i Yaveh tagny gilgala. Tagny ro nanaovan-drozy soro fagnati-pilongoa teo agnatrehan'i Yaveh, sady Saoly voho reo joharin'Israely la feno hazotoa tanteraky.