¹ Elia lay Tista,bakagny Gileada,nivola tamin'i Ahaba hoe: "Laha mbo velo koa i Iaveh,lay Ndranagnahariny gny Israely,zay ijoroako eo anoloany,la tsy hisy ando na ora aminy toy tao toy laha tsy milaza io aho ² Avy tamin'i Elia gny safan'i Iaveh,nanao hoe: ³ "Mialaeto sady mandehana magnantignana;mietaha ao amin'ny lohasahan-driaky Kerita,antignanan'i Jordana. ⁴ Sady hino rano bakao amin'ny lohasan-driaky iha,sady fa nandidy reo goaika aho hamaha gnanao agny. ⁵ Ka nandeha i Elia sady nanao araky zay nandidian'ny safan' Iaveh. Nandeha ie mba hipetraky eo amin'ny lohasahan-driky Kerita,antignanan'i Jordana. ⁶ Nanday mofo voho hena ho gnazy reo goaika gny maray sady mofo voho hena gny hariva,sady nino tamin'ilay lohasahan-driaky ie. ⁷ Fa lafa afaky kelikely la ritsy lay lohasahan-driaky fotony tsy nisy ora tamin'ny tany. ⁸ Avy taminy reo safan'i Iaveh,milaza hoe: " ⁹ MItsangàna,mandehana agny Zarefata,zay gnan'i Sidona,sady mipetraha agny.Ingo,fa nandidy mpitondratena tagny aho mba hampisakafo anao." ¹⁰ Ka nitsanga ie sady nandeha tagny Zarefata,sady lafa avy teo am-bavahadin'ny tanà ie la nisy mpitondratena raiky namory tapa-kazo teo.La nikaiky azy ie sady nanao hoe: "Mba agnandeso rano kely bagnaty siny lahy aho mba hahafahako mino." ¹¹ Lafa nandeha hangalaky rano ie la nikaiky azy ie,sady hoy ie: "Mba agnandeso mofo raiky an-tagnanao lahy aho" ¹² La namaly ie hoe: " Laha mbo velo koa Iaveh Ndranagnaharinao,la tsy mana mofo aho,fa sakafo eran'ny tanana agnaty siny voho menaky kelikely agnaty tavoara avao.Ingo mamory tapa-kazo roe aho mba hahafahako militsy ao la miketriky io ho ahy voho ho gnan'ny anako,mba hihinanany io,sady ho maty. ¹³ Hoy Elia taminy: " Ka matahotsy. Nandeha sady ataovo araky zay fa novolagninao,nefa anavo mofo kely tseky aho voalohany sady andeso miboaky agnamiko eto io.Sady lafa vita io la manaova ho gnanao voho ho gnan'ny anakao. ¹⁴ Fa Iaveh lay Ndranagnahary gny Israely,mivola hoe: " Tsy ho foana gny sinin-tsakafo,na hijano hikoria gny tavoaran'ny menaky,mandra-piavian'ny andro handatsahan'i Iaveh gny ora eto an-tany ." ¹⁵ Voho Elia,niaraky tamin'ny avorohotany la nihina nandritra gny andro maro. ¹⁶ Tsy foana gny sinin-tsakafo,na nijano nikoria gny tavoaran'ny menaky,araky zay fa nolazain'ny safan'i Iaveh araky zay voalazany tamin'i Elia. ¹⁷ Tafaran'ireo raha reo,la narary gny anaky ampela igny,zay tompon'ny tragno.Tegna nahery vaika tokoa gny arety ka tsy niay sasy ie. ¹⁸ Ka hoy gny reniny tamin'i Elia: "Ino no olonao amiko,ry lehilahin-Ndranagnahary? Avy eto amiko mba hampahatiaro ahy gny fahotako sady hamono gny anako va iha? " ¹⁹ La namaly azy Elia hor: "Omeo ahy gny anakao lahy".Nalany tami'ny sandriny lay zazalahy sady nandesiny niakatsy tao amin'ny efitsy zay nijanognany,sady nampandriany teo amin'ny fandreany lay zaza. ²⁰ Niaiky tamin'i Iaveh ie sady nivola hoe: " Iaveh ndranagnahariko o,moa va nanday loza teo amin'ilay mpitondratena zay hijanognako koa iha,tamin'ny famonoa gnanany? ²¹ Bakeo la naninjitra gny vatany intelo teo amin'ilay zaza i Elia;nihiaka mare tamin'i Iaveh ie sady nivola hoe: " Iaveh Ndranagnahary o,misoloho Aminao aho,engao lahy hipoly ao aminy gny ainy toy zazatoy." ²² Nijanjy gny feon'i Elia Iaveh;ka nimpoly taminy gny ain'ilay zaza,sady velo ndraiky ie. ²³ Nalan'i Elia lay zaza sady nandesiny niboaky tao amin'ny efitragnony hijotro ho ao an-tragno;la natolony an-dreniny lay zaza sady hoy ie: " Ingo,velo gnananao". ²⁴ Hoy ampela igny tamin'i Elia: " Amizao haiko fa lehilahin-ndranagnahary iha,sady gny tenin'i Iaveh ao am-bavanao la to."