¹ Zay hatramin'ny fiandohana-zay fa janjinay, zay fa jerinay tamin'ireo masonay , zay fa nenteanay , voho zay fa nikasahin'ny fiaigna- io la mikasiky gny Safan'ny fiaigna. ² Manahaky gnan'io avao koa, gny fiaigna la nampafantariny, sady fa jerinay io, ka mijoro vavolobelo amin'io rahay. Rahay la magnambara aminareo gny fiaigna mandrakizay , zay tao amin'ny Baba, sady zay fa nampahafatantsy gnanay. ³ Zay fa jerinay voho janjinay la ambaranay aminareo avao koa , mba hanagnanareo fifandraisa amiany avao koa. Gny fifandraisa misy eo aminay la amin'ny Baba voho aminy Gnanany, Jesosy Kristy. ⁴ Manahaky gnan'io avao koa, manoratsy reo raha reo ho gnanareo rahay mba ho tanteraky gny fifaliantsika[ Fanamarihana: Reo dikan-teny taloha sasany la mivaky manahaky gnan'izao:" sady manoratsy reo raha reo rahay mba ho tanteraky gny fifalianareo."] ⁵ Zao ro hafatsy zay fa renay bakaminy ka ambaranay aminareo: Ndranagnahary la fahazava, sady ao Aminy la tsy misy hahiky mihitsy. ⁶ Laha mivola tsika fa mana fifandraisa Aminy sady mandeha ao agnatin'ny hahiky , la mavandy tsika sady tsy manao gny to . ⁷ Kanefa laha mandeha ao amin'ny fahazava tsika manahaky Gnazy ao amin'ny fahazava , la mana fifandraisa amin'ny kirakiraiky iaby tsika, sady gny lion'i Jesosy Anany ro magnalio gnantsika amin'ny fahota iaby. ⁸ Laha milaza tsika fa tsy manam-pahota , la mamitaky gny vatantsika tsika, sady gny fahamarigna la tsy ao amintsika. ⁹ Nefa laha miaiky reo fahotantsika tsika, Ie la mahatoky voho marina amin'ny famela gnan'ireo fahotantsika sady magnalio gnantsika amin'ny tsy fahamarigna iaby. ¹⁰ Laha milaza tsika fa tsy mbo nanota, la manao Gnazy ho mpavandy , sady tsy ao amintsika gny safany.