¹ Ale kiki kye twabaza oku Ibulayiimu ozizza weiswe kyeyabweine omu mubiiri? ² Kubba O Ibulayiimu singa yaweibweibwe obwikiiri lwabikoolwa, singa ata nekimwenyumiriiza, naye tali namumeiso ga Nyamwanga . ³ Kubanga ebyawandilibwe bibaza bityei? Ibulayiimu neikiriiza O' nyamwanga ne kimubalibwa okubba omwikiiri. ⁴ Kale, omuloli empera yamwei temukwatisibwa nkekisembo, naye nga ekyo nikyo atekerwe okuwebwa. ⁵ Naye atokola, kyonkei neikiriza oyo owa bwikiiri abatatina Nyamwanga, okwikirya kwamwei kubarwa okubba obwikiiri. ⁶ Era no Dawuudi alangiira omukiisa oku muntu, Onyamwanga gwabara obwikiiri awanambula bikolwa, nti, ⁷ "Baweireibwe omukisa abayibweku obussissi bwabwe, ebibbi byabwe byaswekereku. ⁸ Aweireibwe Omukiisa omuntu omukama gwatalibaara kibbi" ⁹ Kale omukisa ogwo guli kubakomole bonkei oba kanda nokwaabo abatali bakomole? kuba tukobere nti okwikirya kwamwei kwabalirwe Ibulayiimu okubba omwikiiri. ¹⁰ Kale kwabalibwe kutyei? niyali nga akomoirwe, kanda niyali nga takomoirwe? naye nga akyali kukomolebwa! ¹¹ Nawebwe ekyakuroraku ekya kukomolebwa, akamanyisyo oka bwikiiri obwa kwikiiriiza nga akyali kukomolebwa, alyoke abengw ozizza wa bbona abeikiriize nga tibakomole, babaarwenge obwikiiri. ¹² Era niye zizza wa bakomole, naye tiwaabo abakomole obukomole naye abatambura omumagulu ebya kwikiiriizakwa zizza weiswe Ibulayiimu kwe yalina nga akyali kukomolebwe. ¹³ Kubba okusubiza tekwaweirwe Ibulayiimu kababbe eibyeire lyamwei omu mateka nti alibba muggwetta wansi zoona, wabula omu bwikiiri no kwikiiriiza, ¹⁴ Kubba aba mumateka banga nibo bagwetta, okwikiiriiza banga kudibiire, era nga no kusubirya banga kuyibwewo. ¹⁵ Kubba amateka galeeta obwandi; awatali mateka era tewabawo kusiisa. ¹⁶ Kale ebyo onyamwanga byeyasubiize bisinzira mukwikiiriiza okusubiiza kubange kwakiisa, era kugume edi eibyeire lyonna, naye teddi abamateka bonkei, naye nedi abali omu kwikiiriiza kwa Ibulayiimu ye ozizza weiswe swenna, ¹⁷ Kyawandikibwe nti, "Nkufiire zizza wa mawanga ageingi", omumeiso goyo gweyeikiiriize, niye onyamwanga , eimbokya abaffu, era ayeta ebiriwo nkebiriwo. ¹⁸ Ibulayiimu yeikiriize nasubira awatasuubirikiika, alyoke abbenge zizza owa mawanga ageingi, nke bukyabazibwe nti, "Eibyeire ryamu liribba rityo." ¹⁹ Natabba munaki omu kwikiiriiza niyaloweize omubiri gwamwei nga gukwisana ogufu, kubba eikirye emyaka kikumi (100) , era no Salaa nga mugumba. ²⁰ Tiyalekereyo kwikiiriiza, era tiyabusirebusire omwebyo Onyamwanga bye yamusubiize, naye nafunna amanni olwa kwikiiriiza, nga nga akuramya Onyamwanga. ²¹ Era nga akumanyira kakyarumwei byeyasubiize era ayinza nokubikola . ²² Era nikyo kwekyazwire nekimubarwa okuba obwikiiri. ²³ Naye tikyawandikibwe kulwamwei yeinkei nti, " kwamubalibwe" ²⁴ Naye era nokulweiswe, obakwaba okubarwa, abeikiiriize omuye eyayimboire O' Yesu omukama weiswe omubaffu. ²⁵ Eyaweibweyo olwakusiisa kweiswe neimboka olwakutuwesya obwikiiri