¹ O' Pawuulo no Timosewo, abeiru ba Kurisito Yesu, edi abeikiiri bonna omu Kurisito Yesu abali omu Firipi amwei nabakabnonna na baweereza. ² Ekisa kibbenge gyemuli nemirembe ebizzwa edi O'nyamwanga oito weiswe no Mukama weiswe Yesui Kurisito. ³ Nkwebalya O'nyamwanga wange buli ni mbeizukiira ⁴ Buli lwembasabiira nywenna nsaba nga nyizwire okusemerwa, ⁵ Olwakubba nga okuzwa omukusoka nokwikya ati bunni muli amwei nangye omu mulimu gwa kusasanya enjjiiri. ⁶ Era nkakasiire kacarumwei nga oyo eyatandikiire omulimu ogusei omunywe aligwikiirya okwikya okulunakku olwa Yesu Kurisito. ⁷ Kisei munno njje okubalowooza ntyo nywenna, kubba mundi mu mutima gwange, kubba nywenna mugabaniira amwei nangye omu kisa , omu kusibibwa kwange era no mu kuwolerezeranga enjjiiri no kugigumyanga. ⁸ Kubba O'nyamwnga niye mujjurwa wange, kubba abonna nke bwe mbayayaaniira nokwendya kwa Kurisito Yesu. ⁹ Era kinni nikyo nkusabba okwendya kwanywe kweyongerenge nga kulimu okutegeera no kwawuula kwona, ¹⁰ Leke musiimenge ebikusinga obusei, mubbenge abalongokki era abataliikku kyakunenyebwa okwikya oku lunaku lwa Yesu Kurisito. ¹¹ Nga mwiizwiire ebibala ebyabwiikiiri ebyakala omu Yesu Kurisito olwa kitinisya no kutenderezebwa okwa Nyamwanga. ¹² Naye nkwendya nnywe okutegeera, abaluganda nga ebyambeirekku byeyongeire mbbe okubunyisa bunyisa njjiiri. ¹³ Era kinni kireiteire abasirikaale abakuuma Okabaka, amwwei nabandi bonna okutegeera nti nasibiibwe olwa Kurisito. ¹⁴ Nabalugaanda beingi olwa kusibibwa kwange kwongeire okubagumya, era beiyongeire okuffuna obuvuumu okubuliira ekigambo cca Nyamwanga nga tibakutiina. ¹⁵ Abandi babuuliira O'krurisito olwa bwiiiya nokuvuganya, naye abandi babuuliira lwa busei. ¹⁶ Banni ababuukiira olwa kwendya, nga bakumanya nga natekeibwewo lwa kuwolerezangga njjiiri. ¹⁷ Naye badi ababuuliira O'kurisito olwa kwawuula, ti mu bwesiigga, nga beyongeranga okundeteera enakku oum busibe bwange. ¹⁸ Naye nekyo kyansonga? Omungeri zoona oba zabubeyeggi, obba za mazima, O'kurisito abuliirwa , njje nomwekyo nkusemerwa mbbe, ¹⁹ Ddala ntekwa okusemerwa kubba mmeite nti olwa kusabba kwanywe, no lwa mwoyo waa Kurisito ndisindabuliibwa. ²⁰ Kini nikyo ndubiriira era nikyo nkusubiira nti tindikwatiibwa nssoni omukigambo kyonna, naye nkwiizza kuba mumaliiri nka buliizo, Kurisito, ogulumizuubwe omu mubiri gwange. ²¹ Kubba njje mbba mwommi olwa Kurisito ate nebwenffa niggo magoba. ²² Naye okubba omwommi omu mubiiri, nikyo ekibala ekya kuffuba kwange, kale timeite kye nkuloowooza . ²³ Naye nkunyiigiiriiziibwa oluda no noludda, nga nkwegomba okwabba okubba no Kurisito, kubba ekyo nikyo ekikusiinga obunyakasei. ²⁴ Naye okubba omu mubiiri nikyo ekisiinga okwendyebwa oku lwa nnywe. ²⁵ Kinni nkikakaasa kubba ntegereire kuccarumwei nga nkwizza kubba nkyaliiwo mbbe nnaywe, leke mweyongerenge okukola, no kusemererwa omu kwiikiiriiza, ²⁶ Nendiira mwona ate jjemuli, leke mweyongere okwenyumiriiza O'kurisito Yesu oku lwange. ²⁷ Naye kyonkei embeera eza bwommi bwanywe ziibbe nke bukikusaaniira enjjiiri ya Yesu Kurisito, nendiiza okubabonakku oba nga tinddiwo, ale leke mpuure ebikuuffa jjemuli, nga mugumiire omu mwoyo gumwi nga mukulwaniranga okwikiiriiza kwa njjiiri no mwoyo gumwi. ²⁸ Era nga temukukangiibwa baziggu omu kigambo kyona, kubbe akamanyisyo jjebali aka kuzikiiriira, naye edi nywe kabulokoozzi, obuzzwa edi O'nyamwanga. ²⁹ Kubba mwaweireibwe oku lwa Kurisito ekisa, ti kya kumwikiiriiza kwonkei, era naye nokubonabonaanga oku lwamwei. ³⁰ Muli mu lutaalo lwe mwabweine nga nkulwaana, era lwe mwawuuliire nga nkyaluliikku.