¹ Kubanga buuli kabona asinga obukulu alundebwa kuzwa omu bantu, ateebwawo kuwereza kulwa bantu edi Onnyamwanga, okuwangayo ebisembo ne sadaaka olwa bibbi byabwe ² Ayiiza akwata mpoola bamaite nabakyamire, kubanga yeena omwenyini yetulweirwe obunaki ³ Era olwa bunaki obwoo, kimusanire okuwangayo esadaaka okulwamwei yenkai nokulwa bautu ⁴ Ndowo muntu yeena ayiina okwetwara omukitinisya ekyo. Wabula nga ayeeteibwe Nnyamwanga, era nka 'Alooni bweyayiteibwe. ⁵ No kurisito atyo, teeyeggulumizanga yenkai okuffuka okabona akusinga obukulu. Wabula yaloondeibwe oyo eya mukobere nti "wee oli mwana wange eleero nkubyaire wee. ⁶ Era nka bwakubaza ewandi nti," oli kabona emirembe joona, mulubyalo lwa Merukizeddeki ⁷ Oyesu omukisera kyamwei yabanga mumubiri yasabanga neyegayiranga nga'akunga omwiraka ryammani na maliga, oyo eyasoboire okumulokola omu kuffa, yawuulirwe olwa kutiina kwa Nnyamwanga. ⁸ Nebwakubaire nga yaali mwana wa Nnyamwanga yayegere okugonda olwe'byo biyaboineboine ⁹ Bweyamaare okwikirya, nafuuka nsubuuko yabulokozi obutawawo edi abo boona abamugondera ¹⁰ Era bweyelondaibwe Onnyamwanga oubba okabona asinga obukulu omulubyalo lwa'merukizeddeki. ¹¹ Waaliwo bingi byetwalyenderye oku mubazaku naye ateenga kizibu okubinyonyola kubanga temwega mangu ¹² Nebuwakubaire atti mwandibaire mukusobola okwegesya abandi kikyetagisya okwiramu okubegesya ebikusokerwaku ebya kigambo Nnyamwanga, mukwendya maatai ttimere jjigumu ¹³ Kubanga buuli anywa amaatai nga akyaali kumanya kigambo kya'bwikiiri, oba okyaali mwana muto ¹⁴ Naye emmere ejjigumu yabakulu, abamare okwetendeka ne'beega okwawuula ebisaai oku bibbi