¹ Nolwe kyo ekisubizo kya kwingira mu kiwuumulo kyamwei nka bwakyaaliwo, twekakume, omuntu yeena okuunywe aleeme kubonekanga nga takiikiremu. ² Kubanga iswena twabuliirwe enjiiri, era nka bo, naye ekigambo ekyabuliirwe tekyabagasire nka bo. Kubanga mbacuulire tebakikirize ³ kubanga iswe abaamare okwikiriza twingira omukiwuumulo ekyo, nka neyabazire nti, nka bweyalayire omubusungu bwange, nti tebalingira mukiwuumolo kyange? newakubaire emirimu gyagwanga okuzwa omutodebwa kwansi. ⁴ kubanga waliiwo wabazira okunaku lwamusanju nti," Onyamwanga nawuula okulunaku lwamusanju emirimu jaamwe joona. ⁵ era kini nti, "tebalingira mukiwuulo kyange." ⁶ Kaale kubanga kisigairewo abandi okwirangamu, boona basooke kubulirwa njiiri tebaingira lwa bujeemu. ⁷ Niikyo nzwa ateekawo olunaku olukwetebwa, "leero," nka niiya baziire omu Dawudi oluzwanyuma lwa biiro ebiingi, omubigambo byamwei twiremu okubazira igguru, "eleero, bwe mwawuura iraaka ryamwei temukakanyalya miitima janywe. ⁸ Kubba singa Oyoswa yabawaire ekiwuumulo, Onyamwanga teyakukobere tee kulanakun ludi ⁹ Kaale wakyaliwo ekiwuumulo kya sabbiti edi abautu ba Nnyamwanga ¹⁰ Kubanga buuli aingira omu kiwuumulo kya Nyamwanga era abba akuwuumula emirimu jamwei, nka Onyamwanga niiya wuumwiremu ejamwei. ¹¹ Kaale tulwanisyenge okwingira omukiwuumulo ekyo walime kubbawo muntu yeena aleemwe okwingira olwangeri eyabujeemu. ¹² Kubanga ekigambo kya Nnyamwnga kyoomi era kiikozi, era kisaala okusinga buli kitala kyoona ekyabwogi obubiri era kyakalamu nokwawuula obwoomi nomwoyo, enyingo nemisokoolo, era kyangu okwawuula no kulowooza nokufumitiriza okwamwoyo. ¹³ Naye ndowo kitonde ekitaboneka mumaiso gaamwei, naye ebintu byoona byanukulibwe omumaiso gooyo gwe tuletera ebigambo byaiswe ¹⁴ Kaale tuulina okabona asinga obukulu omukooto, eyakaire omwiiguru, Oyesu omwana wa Nnyamwanga, tugumyenge okwikiriza kwaiswe. ¹⁵ Kubanga tuulina okabona asinga obukulu aluumirwa amwei naiswe omubunaki bwaiswe eyakemeibwe omubyoona nka iswe, naye nga ye taalina kibbi ¹⁶ kaale tusemberenge nobugumu edi ettebe yakiisa, tulyoke tuweebwe okusasirwa, era tuffune ekiisa ekikwiza okutuyambanga omukisera nga tukwendya.