¹ Abakama ba bairu, mwakalyenge mubwenkanya abairu baanywe, nga mumaite nti nyweena mulina omukama waanywe omwiguru. ² Munyinkirenge omukusaba nga mukulindiirya n'okwebalya. ³ Era naiswe mutusabire oNyamwange okutwiguurawo olwige lwakigambo, ekyaama kya Kristo, n'okubbweebwa kwenabbwebweibwe. ⁴ Ndeke nkitegeeze kusai nka nikigwaanire okubazibwa. ⁵ Mutambureenge omumagezi eddi abo abanzai nga mukukolesya kuasi ekiseera kyemulina; ⁶ Ebigambo byanywe bibeenge n'ekisa enaku zoona, nga bikunoga omunyu, mulyoke mumanye nka nikigwaniire okwanukulanga buli muntu yena. ⁷ o Tukiko, owaluganda omugaanzi era omuwereeza omwesigwa aera omwiru omu mukama waiswe, alibategeeza byoona ebikufwaaku. ⁸ Nikyo nzwa mmutuma jemuli olwansoonga eyo, muleke mutegeere ebikuffa jetuli era asanyuse emyoyo jaanywe. ⁹ Amwei no Onnesimo, owaluganda omwesigwa omugaazi, owawaanywe. Baalibategeeza byoona ebikuffa eni. ¹⁰ o Alisutaluuko, omubbwe omwirawange no Makko, omwiwa ba Balunabba, gwebabakobereku niyaaliza jemuli, mumwanirizanga. ¹¹ No Yesu akwetebwa o Yusto babalamuciirye. Abo nibo bakomole boonkai abanyiryaamu amaani, abakozi abaira baange omubukama bya Nyamwanga, abanyiryaamu esuubi. ¹² o Epafula, owaawanywe omwiru wa Yesu Kristo, abalamukiirye, afuba enaku zoona okubasabira omukusaba kwaamwei, muleke mwemeerenge nga muli baikiiri, era nga mukutegeera kaakyimwei omubyoona o Nyamwanga byaakwendya. ¹³ kubanga muweerya obujuurwa, nka bwafuba muno okulwantwe, n'abamu Lawodikiya, n'abamu Kiyerapoli, ¹⁴ o Lukka omusawu omugaanzi no Dema babalamukirye. ¹⁵ Mulamukye abaluganda abamu Lawodikiya, ne Nungfa, nakkanisa eya munyumba gaabwe. ¹⁶ Era ebbaluwa enni nemalaanga ebasomeirwe omunywe, mubone nge' kusomerwa naba mukanisa eyamu Lawodiya, era nyweena musome erizwa e Lawokadiya. ¹⁷ Era mukobe o Alukipo nti bona nga okwikiirya okuwereza kwewabweibwe omukama waiswe. ¹⁸ Njje o Pawulo niinje mpandiikire okulamukya kuni omu mukono gwange. Mwizukireenge okubbwebwa kwange. Ekisa kibbeenge naanywe.