¹ Obazukiiryanga okugonderanga abafuga nabalina obuyinza, okuwuranga, okubbanga abawoolu okukola omulimu ogusai. ² Nga tebabazzza bibi kumunyu yenna, nti beewale okutongana, abawoolu, era nga baata ekitinisha abantu boona. ³ Kubba era naiswe eirai twali basirusiru, abatawulira, abeegebwa, nti tuli bairu babuli kwegomba okubbi nebinyumu ebitali bimwe, nti tuli baitima era abayiiya, nga tetwendyabwa abantu era nga titwendyangana iswenka naiswenkai. ⁴ Naye obusai no kwendya okwakisa okwa Kanca omucungugiri waiswe ne yakonekere. ⁵ Natulokola, tee lwa bikolwa bye tukola mu bwiikiriri, naye olwakusisira kwamwe, olwa kumabibwa okwa kubyalibwa omurundi ogwakabiri, nokucusibwa abayaaka omumwoyo ogwiikirire. ⁶ Gwe ya tusukireku mubwiingi omu Yesu Kristo. Omucunguli waiswe. ⁷ Leke twenikibwe olwakisa kyamwe, era tufuuke abasika omukusuubira obwoomi obutaliiwaawo. ⁸ Ekigambo kini kyesigwa, nakubuni nkwendya we okukakasanga munno, abayiikiriza okanca abaizukiringe okubatangaku omwoyo kubikolwa ebisai. Ebyo bisai, era bigasa abantu. ⁹ Naye weewalenge emppaka ezabusirusiru enkalala ezendyo, ennyombo no wakana amateeka, kubba tebiriku kye bigasa kale tebiirimu. ¹⁰ Omuntu omubbi, nilimala okumulamba omurundi ogusooka nogwakabiri, omwe balanga. ¹¹ Ongomaite nti ali nkoyo amare okukyusibwa era omusiisi, yeesalire yennkai omusango. ¹² Nnali tuma atema oba tukiko gyoli ofubanga okwiiza gyendi omu nikopoli., kubba nsaarewo okubera eyo mubiro ebya bufuuki. ¹³ Fuba okwanguya ozenna omunnamateeka no Apolo, bona nti balina byona byebendya. ¹⁴ Era fubisa abantu baiswe beege okutangayo omwoyo ku bi kolwa ebisai omubigambo ebyendebwa, baleke okubba nti tebabyala bibala. ¹⁵ Abali nanje bonna bakulamukiirye lamukya abatwendya omu kukirizza. Ekisa kibe nannywe nnywenannywena