¹ Baitu nigwe yayeseryenge ebbisanira okwegesya okwobwoomi. ² Okukubbiringa abasaizza abakulu babeenge bateeki, abwobuvunaanyizibwa, abateegevu, abatta nokwikiiriza, okwendya, era abakakkati. ³ Abakali abakulu nabbo bakubirizenge babenga nempisa ezikusaanira omuntu, nga tebawangirya, era tiibatamiiri, naye abegesya abasai. ⁴ Balyoke batandiike abakaali abbato okwendyanga abayibba babwe, n'abaana baabwe. ⁵ Era babeenga baategeri, nga si abasyani, abakola emiriimo, omu makka gaabwe, abekiisa, era abaakugondeera abayibbabwe, ekigambo kya Kanca kiremenge okuzumibwanga. ⁶ N'abasaiza abasigazzi baakubirizibwenga okubba abakusobola okwefuuga omu byoona. ⁷ Omu bigambo byoona weebba ekyokubeeraku ekisai omu bikolwa, ne omukwegesya kwamu nga okulanga obugolokokii, obumaliiri. ⁸ Nga buli kyokubbaza ndooku kya kunenyezebwa, oyo atali okulwamu alyoke akwatibwenge ensooni, nga talina kibi kyakukibbazaku. ⁹ Okubirizenge abairu okugonderenga abakama baabwe, nga bakusiimibwanga omu byoona;n tebateekwa okubba abajeemu. ¹⁰ Nga tebakubaibba, baitu nga beesigwa munno omu byoona; balyoke bayojenga okwegesya okwomulokozi waiswe Kanca omu byoona. ¹¹ Kubbanga ekisai kya Kanca kibwonekere, nga kikureetera abantu boona obulokozi, ¹² Nga kikutubuulirira okugaananga Kanca n'okwegombanga okwomu nsi, tulyoke tubbenga abateeki, abatuukiriri, era abakutiina Kanca omu nsi eni. ¹³ Nga tukulindirya essubbi ery omukisa o'okubwonekka okwa ekitinisya kya Kanca omukulu era omulokozzi waiswe Yesu Kristo. ¹⁴ Eyeewayireyo oku waiswe, alyoke atununule omu bujeemu boona, era yeerongooseze eyiwanga erye envuma erinyiikirira ebikolwa ebisai. ¹⁵ Bazza ebyo, obibulirenge, wenenyenge n'obuyinza boo omuntu yenna atakunyoomanga.