¹ Abasaiza Aboluganda ne Bassebo, muwuliirye enso, ngo gye nkubawolezya ati bunu. ² Mbawuliire ngabakobere mu lutimi lwebulaniya, ne be yoongera kya rumwe okusirika ye nabakoba; ³ Ngye ndimuntu Muyudaaya ogeregere, eyabyaaliirwe wanu omu Taluso eky'omu kiirukiya, naye okundera, nalereibwe mpanu omu kibuga munu; oku bigera bya Gamalyeeri omusaiza eya yigiriiziibwe omano empisa n'amateeka ebya bazeiza baiswe era nimbanga n'omwooyo ogulumurwa ate ogulaka omuno OKatonda nga nywe nnyeena bwe muli ati olwa leero. ⁴ Nimpiiganyanga muno abenzira enu era n'okubaita nga mbabowanga nokubatwala omu makomera abasaiza nabakazi. ⁵ Era, n'o'kabona asinga obukulu niye mujuurwa wange ow'ebyo; n'Abakaire boona; era boona bampanga ebaluwa eri Aboluganda nintambula okwaaba e Damasiko abo boona abaliyo mbaleele e Yerusaalemi nga basibe; babonerezebwe. ⁶ Naye! Awo olwayikire naali nkya tambula nga natera okuyika e Damasiko; amangu aga eisana lingi eryazwiire omu iguru niryaaka muno ekimyanso nikinetoola. ⁷ Ninekubbira awansi ekigwo, nimpuura edoboozi nga likunkoba nti Sawulo! Sawulo! Okumpigganirya ki? ⁸ Ngye ninyiramu nti ye nuwe naani, Mukama wange? Nankoba nti Ningye OYesu omunazaleesi gw'oyigganyawwe. ⁹ Abaali awamwe nangye, baboine eisana nekilangaala, naye nibatawuure edoboozi ly'oyo eyasimoire n'angye. ¹⁰ Ninkoba nti Nakola ntyai, mukama wangye? OMukama waiswe ngeyo ebigambo ebyo byoona byolagiirwe okukola. ¹¹ Bwe ntasoboire kubonya; olw'ekityibwa kyeisana lidi, abo benaali nabo, nibankwata ku mukono nimpika e Damasiko. ¹² Omuntu omwe eibara lyaamwe Ananiya, atiina OKatonda omu mateeka, eyasimirwe Abayudaaya boona boona abaikala eyo. ¹³ Naiza gye ndi nayemeera gye ndi, nankoba nti owoluganda OSawulo Ozibule! Omukiseera ekyo ni nzibula okumuloleera. ¹⁴ Nakoba nti OKantonda owa Bazeiza baiswe, yakundere ira; otegeere ebyo by'ataka, era obone omutukirivu odi, era owuure edoboozi erizwa omu kanwa kaamwe. ¹⁵ Kubanga, waabbanga mujuurwa waamwe eri abantu boona ow'ebigambo by'oboine era by'owuliire. ¹⁶ Kale nu, ati ekikukutwisa kiki? imuka obatizibwe onaabye ebibbi byamu nga wegayira eibara lyaaamwe. ¹⁷ Awo olwayikire bwe naire kune eyeusaalimu, naali nkusaba omu yeekalu, Omwooyo gwange niguwanyisibwa. ¹⁸ Nimubona nankoba nli olawukeku ozwe ma ngu omuyerusaalimi, olwo kubba tibaliikkirizakutegeeza kwaamu oku ngye. ¹⁹ Ngyeena ninkoba nti MUkama wange Abo benyini bamaite, nti niingye nabatanga omu makomera, era nga ningye nabakubbira nga omu buli ikumbaaniro, abakwikkiriza. ²⁰ Era nomusayi gwomujuurwa waamu osuteefano gwe basukire, ngyeena oke nyini naali nyemereire awo ngu nsiimire, era nga ningye nkukuuma byabo aba mwiitire. ²¹ nankoba nti oyabe; Olwokubba ngye nkwaaba okukutuma walai muno; omu bamawanga. ²² Nibamuwuliirya kusai; okuyikya okukugambo kinu, nibaimukya amaloboozi gaabwe awaigeeru nti Aloolebwe omu nsi enu, oyo akwesano atyo! kubanga tikisai-abbe mwoomi. ²³ Er mbaali nga bakuwaweigana; abamwe bakasuke engoye zaabwe awaiguru, abandi bakudeedumula cuucu awaiguru! ²⁴ Omwami omukulu ndlagira okumutwala omu (barrades) kigo, nakoba aiza kumukemeerya muno nga ataireku nemiigo! Alyooke ategeere ensonga gye bamulongire okuleekaanira awaiguru baty. ²⁵ Bwebaali nga bamare okumubbuwa enkobba, o Paulo nakoba omwami eyali ayemereire wo awo okumpi nti "Tikyamuzizo nnywe okukubba omuntu nga Muruumi akyaali n'akusaarwa musango?" ²⁶ Omwami niyawuliire ekyo, nayaba eri omwami omukuru namakoba ati, Amaano ago Okweeba kukola ki olwokubba omunti oni omusibe Murumi. ²⁷ Omwami omukuru nayaba omusibe gyeeli namukoba nti Onkobere! Nambu oli Murumi? Namuiromu nti Yee! ²⁸ Omwami omukulu namwiramu ngye nafunire oburuumi bunu, omu bintu bingi; O' Paulo nairamu naye ngye nimwo mabyalibwa. ²⁹ Awo amanyu ago abaiserukale abaali bakwaba okymukemenkeireza, nibamuleka, Era omwami omukulu naliina muno bwe yategeire omusaiza Muruumi ate lyamubbwere, nga yamubuwere. ³⁰ Naye kuu lunaku owekabiri nataka amanyire kyarumwe amazima ensonga Abayudaya gye malangire okumudoopa, namusindabula, nalamgira Abakabona abasinga obukulu, n'olukiiko boona-boona baize bakumbaane.