1
Kakame oko yabo kede kame omwono me kanyaare malo diko ling pi kare make romo dul esawa.
2
Di ako neno imalaikan kanyaare diki tie cungo inyim Rubanga di omio gi agwara kanyaare.
3
Di malaika ace diko bino di eko cungo iye alutari. Di amako gi dunyo odok ame ngwece mere kur. Di oko medo mine atot kame gwece kur ame epore yalo kede ilega me jo kacil ikom alutari me sabu kame bin tie inyim kom me ongolo kop.
4
Di iiro me odok kangwece kur kede ilega me jo acil kame oudo tie icung malaika oko duny malo karacel inyim Rubanga.
5
Di malaika diko kwanyo gi keto odok angwece kur di eko pongo iye mac me alutari, di eko uco iwii lobo di dwan diko wok, kede mwocu mwocun kede menyu menyu kede yangere me piny.
6
Di imalaikan kanyaare kame bin tie kede agware icingi oko ikere me kuto gi.
7
Di malaika me oko kuto di akako konyale kede remo diko lubo koko me agwara. Di oko uco gi iwi lobo. Di acel ikom adek me yen oko wang di lum dedede anumu diko wang.
8
Di malaika me are oko kuto bala kame moru adwong oudo tie wang kede mac di oko uce inam di acel me adek nam diko doko reno.
9
Di acel me adek me gia cwea akuo ame oudo tie inam oko too, di acel me adek me imerin diko dudubun.
10
Di malaika me adek diko kuto agwara di acer adwong imalo diko poto di eliel bala etala di eko poto ikom acel me adek me icileta kede ikom atamoko me pii.
11
Nying malaika nono yat kac, di acel me adek me pii oko doko yat akec. Di jo atot omato pii nono oko too pien oudo edoko kec.
12
Di malaika me ongwon oko kuto agwara di gimoro oko dipo acel me adek me ceng kede acel me adek me dwe kede acel me adek me acerin. Di acel me adek me gigi dedede oko doko col, di acel me adek me lero me iceng oko doko li kede me iwor da komanono.
13
Di ango ako neno di ako winyo malaika di tie por di ebeo idiere diere me malo di eyamo kede dwan amalo be can can can but jo ame bedo iwi lobo pi kop me dwan me agwara me imalaika adek ame pwodi likame okuto.