¹ Di malaika me kany oko kuto agwara mere, di ako neno acer di poto imalo naka piny, ame oudo omie sulimito me dog bur atut wiriwir. ² Di eko yabo dog bur atut wiriwir nono, di yiro kame cal bala yiro kame woko iyi twon mac odop, ceng kede malo diko doko col pi yiro kame owok idog but awiriwir nono. ³ Di obonyo oko wok iyiro nono bino ilobo, dioko mino gi twer acal bala me ekiliton me wi lobo kan. ⁴ Oudo oko ciko gi be kur i dudubo lum me lobo, ara gika me tui amoto yen, do kenekene kimi jo kalikame tie kede alama ka Rubanga itur nyim gi lito ⁵ Oudo likame omio gi akarinikin me neko jo, do oudo oyei nego mino acano pi dwete kany. acano kame imio jo oudo cal bala lito kame ekiliton mio kame ekao dano. ⁶ Ikare nono jo bino mono too, do likame ki bino ude. Ibino mito me koto itoi, do to bino ringo tenge ibut gi. ⁷ Obonyo nogo oudo cal bala asigiran kame otieko iko pi ot yi. Gi kame cal bala ocoro me angosibib kame otimo kede saabo oudo tie iwi gi, kede nyim gi oudo cal bala nyim jo. ⁸ Yer me wigi oudo cal bala yer me wi mon, kede lak gi oudo cal bala lak engu. ⁹ Ikor gi oudo tie iye ebuku me yi kame oudo cal bala ebuku me nyonyo ¹⁰ Oudo gin itie kede yib kame tye kede lak me kakao jo bala ekiliton, twer gi me kakao jo oudo omio gi pi dwete kany. ¹¹ Malaika kame lo bur atut wiriwir en kame oudo obedo abaka gi. Nyinge i leb iburanian en Abaddon, do i leb Gurik olwonge be Apollyon. ¹² Can me agege otieko kato. Do nenunu! can are pwodi odng tie bino icen me gigo nogi. ¹³ Di malaika me kany oko kuto agwara mere, di ako winyo dwan moro wok iye Isondana ongwon kame cal bala tung ie me Saabu kame tie inyim Rubanga. ¹⁴ Dwan nono oudo waco ne malaika me kanyape kame oudo tie kede agwara, "Gony imalaikan ongwon kame otweo iye ecilet adwong me Eupurate." ¹⁵ Imalaikan ongwon nogo, kame oudo otieko iiko gi cuto pi daro esawa, ceng, dwe kede mwaka nono oko gonyo gi pi neko acel ikom adek me jo dedede. ¹⁶ Ango ako winyo wel me isirikalen kame oudo wanano asigiran oudo tie Million tol are. ¹⁷ Epone kame ango oudo aneno kede a sigiran nogo igi anyuta en ine, jo kame wanano gi oudo ongapo ikor gi ibukui kame kwar bala mac, kede kame tie bulubulu kede kame tie bisali bisali bala salupa, wi asigira nogo oudo cal bala wi inguon, di mac yiro kede sulupa wok ki dog gi. ¹⁸ Can adek nogi me mac, yiro kede salupa kame oudo wok i dog gi oko neko acel ikom adek me jo dedede. ¹⁹ Pien twer me asigiran nogo tie i dog kede yib gi, yib gi cal bala twole, di itie kede wigi kame imio kede jo awanon. ²⁰ Jo icegun dedede, kame a umpuli nogi likame oneko, likame oko swilaro igi kame cing gi otimo, amoto weko woro jwogi, cal jwogi kame otimo kede saabu, siliba, nyonyo burons, kidi kede yat kame opao, gi ka likame neno piny, amoto winyo kop, arabo twero ot. ²¹ Doko da likame gin kiko swilaro i nek, kitim gi me jwok, i caro kede itim me kuwo.