¹ . Di en eko nyuto na acilet me pi me kuo kame milimili bala akako, di emol elubo ajakanut ka Rubanga kede me atin Roma. ² . Ki cung gudo ki bomb kede ilake ilake me ecilet, oudo tie yat me kuo, kame nyak tien tomokiwie are, di enyak anyakin mere buli duwe, di pote me yat nono otie kede pi cango jo piny nono. ³ . Di likame tie dako ilam noro, do ajakanut ka Rubanga kede me atin Romo bino bedo tie kie, d jo tic mege ko bino wore. ⁴ . Di gin kiko bino neno nyime, di nyinge kobino bedo itur iyim gi. ⁵ . Di iwor ko doko li kikuno, di likame iko mito etala, akadi neny me ceng da, pien Rwot Rubanga mio gi lero, di gin kiko bino pug pi mwaka kede mwaka. ⁶ . Di en eko waco nabe, kop kame owaco gi tie kop me yei kede ateni, di Rwot Rubanga me tipo me inabin ko cwano imalaikan mege pi nyuto ne jo tic mere gi ka poore me atima ki kare kiyapi yapi. ⁷ . Kamano,ango abino awakawaka, etie kede winyo but ngat kame lubo yamo me imurai kame tie i itabu noni. ⁸ . Di ango Yokana aneno gi nogi kede awinyo gi da, di kite kame awinyo di aneno, Ako riebere piny pi wore di pwodi tien malaika kame onyuto na gigo. ⁹ . Do en eko waco na be, "neni kur itimi kamano pien ango da atie ngatic, kre cel kede imiegu kede Amiegu na inabin, kede jo kame lubo kop me itabu ni, wor Rubanga. ¹⁰ . Di en eko waco na be, kur imungi kop me imurai me itabu noni, pien kare otieko tuno. ¹¹ . ngat kame timo gika rac. emeede tim gika rac, di ngat kame opwokere, emeede bedo di epwokere kede ngat kopoore, emeede timo gi kopoore ked ngat kacil, emeede bedo ngat kacil. ¹² . Di kamano, ango abino awakawaka, di giamia tie buta, pi mino ngat kacelacel di lubere kede tic kame etimo. ¹³ . Ango en Alpa kede Omega, me agege kede me ajikini acakini kede atiekini. ¹⁴ . Kitie kede winyo jo kame lubo cik mere, pi koto ibed kede twer ikom yat me juo, di koto kiko ot di kibeo lerute di ki kodonyo ibomba. ¹⁵ . Pien abongo gig ige, igwogin, kede jo jwogi kede jacaro, kede jonek kede jo kame woro cal jwogi kede jo dedede kame maro kede timo tim me angalo. ¹⁶ . Ango Yesu, a cwao imalaikan na pi tuco kop nogi ne wu ikanisan, Ango en alias kede akwar ka Daudi , kede acer aneny me odiko. ¹⁷ . Di Tipo kede Ateran waco be, Bia di wek ngat kame winyo wac be, Bia di iko weko ngat kame orio oneko bin, di ngat kame mito egam pii me kuo abango cul moro. ¹⁸ . Pi ango akwenyaro jo dedede kame winyo kop me imurai me itabu noni kame ngatamoro omedo kop moro iye, Rubanga bino medo ne can kame otatamo kie itabu noni. ¹⁹ . Di ka ngatamoro di kokwanyo tenge ikom kop me itabu ni kame omurao, Rubanga bino kwanyo tenge iner mere kie itabu me kuo kede kwanye tenge ki bomba kacil, kede ki kom jame kame kowandiko kie itabu noni. ²⁰ . Ngat kame omio ijura meginogi waco be, Ateteni ango atie bino awakawaka, Amen! Akadi, amano bia Rwot Yesu. ²¹ . Kisa ka Rwot wa Yesu Kristo bed kede wu dedede. Amen.