1
. Bobo icen ngei magi, ako winyo dwan alik me jo atot kame tie malo di ki waco be, Aleluya alako kede deyo kede woro ki twer bed but Rwot Rubanga wa.
2
. Pien ngolo kop me ateni kede poore obedo mere pien bin engolo kop ne joo tim areco.
3
. Di doko gin kiko medo waco be Aleluya giro me wang mere duny medo mwakini dedede.
4
. Doko joadongo ot are kiwic ongwon kede giabedp ot are kiwie ongwon akuo oko riebere piny di iko woro Rubanga kame oudo tie bedo ikom me ajakanut.
5
. Di dwan oko wok ikom me ajakanut di ki waco be, pakanu Rubanga wa, wan dedede jotic mege kede wan jo kame wore jo atimo kede adongo.
6
. Di ako winyo gikame ineno bala dwan me twon ekodet me jo doko ineno bala mor me twon pii atot kede ineno bala mor mor me kot atek di waco be Aleluya pi Rwot Rubanga kame tie kede twer dedede.
7
. Mito obedunu kede yom cuny kede kicel di okounu mino wor bute pien nyom me icutin Roma otieko tuno pien eteran mere otieko ikere.
8
. Pien nute kotieko mino be ngape kede egoe kacil di etar pien egoe kacil nono en tim kopore me jo kacie.
9
. Do malaika non oko waco na be wandiko kitie kede winyo jo kame kolwongo iebaga me nyom me katin romo doko eko waco na be magi en kope me ateni ka Rubanga.
10
. Do ango ako riebere itiene pi wore do en eko waco ne be neni kur itim kamano pien ango da abedo ngatic wad kede imiegu kede amiegu ni kame tie kede ijura ka Yesu wor Rubanga pien ijura kame Yesu omio en kame omurao bin.
11
. Di ako neno di malo ayabere di ako neno asigia atar doko ngat kae udo obedo ingeo kolwongo be egenere kede ateni doko engolo kop kede yii beo ipoore.
12
. Wange oudo cal bala leb mac doko oudo iwie tie ie ocoron kitot di etie kede inying kame kowandiko kame lika tie ngat kame oudo ngeo kwanyo en kene.
13
. Oudo kongape kede ekaniso kere korwako iremo kede di nyinye olwongo be kop ka Rubanga.
14
. Di isirikalen kame tie malo oko cako lube kede asigiran katar di kingapo igwen acil atar di meny.
15
. Oudo epima abit wok idogo kame ebino tie kede me bwono atekerin doko ebino pugo gi kede ebela me lilim doko ebino nyonyono olok ibur me obio iye bwini kede lilo ka Rubanga.
16
. Bobo i ekaniso kede amuro mere etie kede inying kame kowandiko be Abaka me abakai kame Rwot me Rwode.
17
. Di ako neno malaika di tie ango iceng di etie lelemo kede dwan amalo di eyei mo ne winy dedede kame por imalo bia icokerenu karacel tie baga ka Rubanga adwong.
18
. Me wek icamunu ringo kom abakai kede ringo kom jo dongo me isirikalen kede ringo kom jo acek yii ringo kom asigiran kede jo kame wanano gi ringo komjo dedede ko gonyere kede ipasoi jo atino kede adongo.
19
. Di ako neno lee kede abakai me lobo kede isirikalen gi di ki cokere karacel pi cweno gii ikom ngat kame oud tie bedo iwi asigira kede ikom isirikalen mege.
20
. Di oko mako lee nono en karacel kede enabi me angalo kame oudo timio tangu inyime kame oudo engalo kede jo kame oudo ogamo alama me lee nono, kede jo kame oudo bedo woro cal mere. di jogi dedede oko uco inam me mac di ikuo.
21
. Doko jo apak kodong oko neko kede pala epima kame wok kibut ngat kame oudo tie bedo i asigira kame oudo pala wok idogi.