¹ . Di ango ako winyo dwan adwong kame wok ki Tempelo di yamo ne imalaikan kanyaare be, otunu iyote wu, di ikounu onyu bukulin me lilo ka Rubanga iwi lobe. ² . Me agege oko oti di eko oonyo gikame tie iboku li mere iwi lobe, di koko, kede tuo me buge alit oko mako jo kame oudo tie kede alama me le, kede but jjo kame woro calmere. ³ . Di malaika me are oko onyo gikame tie ibakuli mere inam, to menam oko doko cal kede remo me ngat otoi di gi dedede akuo inam okoto. ⁴ . Di malaika me adek oko onyo gikame tie ibakuli mere i icileta kede ikuli me pii, di kiko do remo. ⁵ . Di ako winyo malaika me pii di eyamo be, in ipoore okwe Rwot ngat ametie nataman, di oudo itie sek, di bobo ibino tie pien in itimo ngol aber. ⁶ . Piento gin kionye remo me jo kacil kede me inabin do nan in imio gi remo pi mato manono poore kede gi. ⁷ . Di ako winyo acie di yamo iye Alutari be, ebo Rwot Rubanga won twer ngolo kop nitie me ateni di epore. ⁸ . Di malaika me ongwon oko onyo giame tie ibak uli mere ikom cieng, dioko minetwer me wango jo kede mac. ⁹ . Di lieto kodop oko wango jo, di gin kiko cano nying Rubanga ngat kame tie kede twer ican no gi, Do likame kiko swilaro pi mino en deyo. ¹⁰ . Di malaika me kany oko onyo gikame tie ibakuli mere iwii kom me le, di jago mere oko doko col di gin kiko donyo kakao lebi lito. ¹¹ . Di kiko cano nying Rubanga me malo pi aramo kede buge gi do likame kiko swiliro itice gi areco. ¹² . Di malaika me kanyaape oko onyo gikame tie ibakuli mere i ecilet adwong me Euparete, di pii mere okotuo, pi iko yangayo ne Abakai me kide. ¹³ . Di ako neno cuny mogo adek aliamecil acal kede ogwalegwalen di wok ido apiu kede idogle, kede idog enabi me angalo. ¹⁴ . Gin cuny me jwogi kame timo gianena, gin kioto but Abakai me piny kede me wii lobo dedede pi coko gi karacel pi yi iceng adwong ka Rubanga won twer. ¹⁵ . Nenunu ango abino bala ngakuo. Winyo bino be do but ngat adong di neno wek kur eoti nono di gin kiko neno ieuc mere. ¹⁶ . Di en eko coko gi karaceil i kabedo kame kol wongo ileb iburanian be armagedon. ¹⁷ . Di malaika me kanyaare oko onyo ajikame tie ibakuli mere iwii yamo di dwan atek oko wok itempulo me malo di eyamo be kotieko time. ¹⁸ . Do dwan mogo kede amwocumwocun ked me menyi kede yangere atek me piny apwodi lem liotimere cako jo bedo iwii lobo alem li pwodi otimere yangere me piny noni otimere kede twer adwong di etek. ¹⁹ . Di bomba adwong oko pokere tien adek, di bomban me pinye oko popoto, di Rubanga oko yutuno Babilon, eko mine mato ikope me bwino me lilo kede me gero mere. ²⁰ . Di cula dede okomol tenge do liame moru ame oko udo. ²¹ . Di akako adongodongo, oko popoto ikom jo di kiwok imalo peko me acelacel rom kede atalanta, di jo oko bedo kede acae but Rubanga pi peko ni obedo dwong twatwal.