¹ . Di ako cungo iye asinge medog nam di ako neno di le yai malo wok kiyi nam (pi) di etie kede wie kanyare kede tunge tomon dodi itunge tomon nogo tii ye icoron, dodi iwie nogo tii ye nying me acae. ² . Do le kame ako eno oudo cal balan erisa do tiene cal balan tien edubu do dodge calbala dogengu, do twol kiyiliyili oko mine twermere kede kom were me tweradwong. ³ . Ako neno aciel ikom tung gi nono ineno balan okangaso en tuno ito do, apore were me to nono oudo ocongo, wii lobo lung oko uro kop amako le nono. ⁴ . Digin iko woro twol nono ame omio twer but le da iko woro le nono di kiwaco be, ngai en kamecal balan le, ngai en kame twero yi kede en? ⁵ . Pien kowie doge kame yamo kope (jamini) ka dongodongo kede acae kede twer komio bute pi mede kede pidwete ot ongwon kiwie are. ⁶ . Eko yabo doge iyi caano Rubanga, Picaano nyinge kede tarbanakulo mere kede jogo kame bedo malo. ⁷ . Di oko minen kare we yi kede jo kacil kede pi lonogi, do twero oudo nonie but abila dedede c=(leb dedede kede pinye dedede). ⁸ . Do jo kame bedo iwi lobo dedede bino wore jokame nyingi likame kowandiko iyi itabuwe kuo me katiu romo de poto tenge kigia peta me lobo. ⁹ . Aka ngataworo tie kiyite me winyo weke ewinyi. ¹⁰ . Ngat kame kobino mako wek make, ngat kome kobino neko kede epiwa wek neke kede epima man engire kede eime jo kacil. ¹¹ . Akobobo neno apiu ace di wok kipiny ilobo di etie kede tunge are balan atin romo di eyamo balan twol kiyiliyili. ¹² . Di eteteno twer dedede we apiu me agege inyiwe di eko wino lobo kede gin jo kame bedo iye pi woro le we agege aweda bur ere we toca ocango. ¹³ . Do eko timo kope (jame) we aura me wek etiwi wac wokun piny kimalo iwi lobo inyinwi jo. ¹⁴ . Me wek engal gin jo kame bedo iwi lobo iye epone we tangu gi kame oudo etie kede pi tewo inyim le de eyawo negi jokame bedo iwi lobo me wek tim ne gi cala me kitwero woro ibut le, awe oudo aporedi yai kiyiepima di ekodong di ekuo. ¹⁵ . Da oudo etie kede twer pimino kuo but cal acwea me le, da cal acwea we le me wek gi kitwer yamogin dedede, di eko minogin jogo kame likame bino twero woro cala cwea we le pi twer nekogi. ¹⁶ . Di eko mino jo dedede adongo kede atino jo apirgi tek jo obaro kede jocan joagonyere kede jo kotwere pi udo alama ibad gi tetu cawi emoto ko itar nyingi. ¹⁷ . Ameda wek amotoko dano moro lika twer wil amotoko cat, alako bedo but ngato ngat kame tie kede alama amoto nying le amoto rom (riambo) me nyinge. ¹⁸ . Man en rieko wek ngato kame tie kede nianginar rom (namba) mele ppi enen ame tie rom (namba) me dano, pirom (namba) were tie tol kanyape kiot kanyape kiwie kanyape. (666)