1
. Di en eko donyo i emery en eko ngolo tetuca, di eko tuno ibomba gi.
2
. Neni, dido oko kelo bute icuo atuwo oneko kome, di buto ika buto: di Yesu oko neno yei gi eko yamo ne ngat atuwo oneko kome be, woda bed kede gen dub ni otieko sasaro in.
3
. Neni dido jo iwandik mogo oko donyo yamo idiere dieregi be, icuo ni nga acae.
4
. Kakame Yesu ongeo kede tam gi eko yamo be, pinyo omio wun iparo nu gi arac icunyu?
5
. Mene en ayot yamo be, dub ni osasiro in ara bo, yamo be yai i oti.
6
. Do me wek wun ingeuni be wot ka dano tie kede twer ilobo pi sasaro dub ( di eko yamone ngat atuwo oneko kome) yai kwany kabuto ai di iko ot iodi.
7
. En eko yai di eko ot iode.
8
. Do kakame iwak jo oko neno kede gin kiko uro, di kiko mino deyo but Rubanga ngat komio twer acal amano but jo.
9
. Kame Yesu oko yai kede ikuno eko neno icuo anyinge Matayo, tie nedo iot me raro esolo, en eko yanio ne be, luba. Di en eko yai di eko lube.
10
. Kakame Yesu oko bedo kede piny pi cam iot neni jo ra esolo kede jodubo obino di ko bedo piny kede josiao mege.
11
. Kame Iparisayon oko neno kede amano, kiko yamone josiao mege, pinyo omio Ngadwong wun camo kede jo rar esolo kede jodubo.
12
. Do kame Yesu owinyo kede amano, en eko yamo ne gi jogo jo ame tie iber liame mito emuron do jogo ame tuwo.
13
. Do otunu ipwonyunu dwong kop noni abino bedo kede kisa do liame gia yala: pien liame ango abino pi lwongo jo opoore do jo dubo pi swilaro.
14
. Dido jo siao a Yokana oko bino bute, di yamo be, pinyo omio wan kede Iparisayon ori kec, do josiao ni liame ri kec?
15
. Dido Yesu oko yamo negi be, kara iduwe me eteran twero tururo tek di eteran tie kede gi? Do ceng bino tuno kame okwanyo kede eteran tenge ki but gi, di gida iko ri kec.
16
. Liame tie dano aketo ecapa me egoe anyen ikom oti, pi wek mano ame oketo kur med nyilo oti di nyil mere ko bedo rac kalamo.
17
. Doko liama jo keto ebwini anyen icupa otii me wek kur ecupa bele, di ebwini ko mol oko di ecupo ko too; do gin ki keto ebwini anyen icupa anyen me wek gin ki gwokere.
18
. Kakame en etieko yamo kede kopegi but gi neni ngapug moro aciel obino oko mino wor bute di eyamo be, nyarango nan oto do bia di iko keto cingi ikome di en eko kuo.
19
. Di Yesu oko yai oko lube dido josiao mege da oko lube.
20
. Neni dako ame oudo tie kede tuwo ame omie onyo remo pi mwakini tomon iwie are, oko bino icien nge, di eko mulo lak egoe mere.
21
. Pi en eyamo ibte kene be, kame ango atwero mulo egoe mere ango abino cango.
22
. Do Yesu oko lokere kame en oko neno kede dako nono eko yamo be, Nyara bed kede kuwei yei ni otieko cangi. Di do dako noni oko cango geno i esawa nono.
23
. Kakame Yesu oko oot kede iot me bgatel di eko neno jo kut bilo kede jo di tie lelemo,
24
. En eko yamo ne gi be, Wekunu kare, pien nyakoni likame oto, do enino, do gin iko nyere di icae.
25
. Do kakame jo oto kede oko en eko donyo iot, di eko mako nyako noni icinge en eko yai.
26
. Di do rwonge noni oko sarakini ilobo noni lung.
27
. Kakame Yesu oko yai kede ikano imeduka wot ka Daudi, kisa maki ikom wa.
28
. Do kakame en edonyo kede iot imuduka gi oko bino bute: di Yesu oko yamo negi be, iyeunu be ango atwero timo gigi? Gin kiko dwoko ne be, oyei Rwot.
29
. En eko mulo wang gi, di eyamo be, bala ayei wu tie kede etimere ne wu amanono.
30
. Dido wang gi oko yabere di Yesu oko corakino gi di eyamo be, neni kur ngatamoro ngei kop ni.
31
. Do gin kakame gin ki yai kede kiko sarakino kop noni ipiny noni dedede.
32
. Kakame gin ioto kede oko, neni gin kiko kelo bute icuo alebe oto ajwogi oleo.
33
. Do kakame oriamo kede jwogi tenge dano alebe oto oko yamo: di iwak jo oko iero, di kiyamo be, geno liame etimere Isirael.
34
. Do Iparisayon oko yamo be en eriamo jwogi kede twer me Ngadwong me jwogi.
35
. Di Yesu oko ot di beo ibomban kede adulio di epwonyo isingogon di etito jiri me jago me ipolo, di ecango tuwo kede goro me kom apapat.
36
. Do kakame en eko neno kede iwak jo, en eko bedo kede kisa ikom gi, pien oudo kidong atatai, di kisarar, bala oromini ali kede akwat.
37
. Di en eko yamo ne josiao mege be, kac ateteni dwong, do jo tic nonok.
38
. Pi mano kuwai nu Ngadwong me kac me wek ecwai jo tic bin kac.