1
. Dido kakame en owudo elwongo bute josiao mege tomon kiwie Re en eko minogi twero ikom tipere areco, pi riamogi tenge cango tuere me iponeso apapat kede aramo dedede.
2
. Nando nying joor tomon kiwie are en ige; me agege Simoni ame olwongo be Petero kede Anderea omimere; Yakobo wot ka Zebedayo kede Yokana omimere;
3
. Pilipo kede Batalumayo; Tomasi kede Matayo nga rar esolo, Yakobo wot Alipasi kede Lebbaeus, kame nyinge me pene owudo obedo Tadeo.
4
. Simeon me kanan kede Yuda Isikariot ame da oko Rupao en.
5
. Tomon kiwie are gi en kame Yesu oko cwano di eko cikogi di eyamo be otunu likame iyo me imo kede ii bomba me Samaria kur idonyunu iye:
6
. Do otunu but oromini korwenyo me yiot kisirayiri.
7
. Dokon ka iyotunu titunu di iyamunu be Ajakanut me malo otieko tuno.
8
. Cangunu jo tuo lonyunu jodobin yarununu jo koto riamunu jwogini tenge: Igamunu nono wuda miunu nono.
9
. Kur imakunu sabu amotoko pesa arabo sente akaya iisaunwu.
10
. Amotoko ikapu me sapali arabo ikotin are, amotoko amukai arabo ebelame komo ngatic opore kede cam mere.
11
. Dokon iibomba kadwong arabo iiibomba katidi moro kame wun iyarunu donyo iye, pepenyunu ngai en kibecokina iye di ikounu dong kanono pakana kame iyaunu kede.
12
. Dokon kame wun ibinunu iyot moro Motunu jo me yii yot nono.
13
. Dokon kame di iyot nono ibecokina, wekunu mulem wu bin iye do kame di en likame ibecokina wekunu mulem wu dwog butu.
14
. Dokon ka ngatamoro likame ogamo wu arabo winyo kope wu tetengunu adae me tienu kame di itienu yai ipaco nono arabo kiyi bomba nono.
15
. Ateteni ango ayamone wu be, ebin tikatika ne lobome Sodoma kede Gomora ticeng me ngow kop lono ne bomba no.
16
Pimano bedunu riek bala twole, di imwolunu balan aweleko.
17
. Do gwokere wunu kede jo pien gin kibino jalakino wu icing kansulon di gin kiko bino danu wu iyika cokerengi.
18
. Dokon oyaro bino kelowu inyim jo pug karacel kede abakai pi nyinga pi bedo mujura but gi karacel kede but Abilere alikame Iyudayan.
19
. Do kame otero wu kuno kur iparunu epwone arabo gikame wun iyarunu yamo: pien oyaro bino mino wu gime ayama iye esawa nono.
20
. Likame wun en inonono ame yamo pien likame wun en kame iyamunu do cuny kapapawu en kame yamo ii wu.
21
. Dokon omin bino jalakino omin ito kede dokon papa bino jalakino atin dokon idwe bino yai malo pi yii kede jonywalgi di kiko mino onekogi.
22
. Dokon jodedede oyaro dagi wu pi nyinga; do ngat kame kanyakino paka iya ajikini bino lakere.
23
. Do kame otidilowu iibomba ni ringunu ii ace; pi ateteni ango oyamo ne wube wun likame ibinunu rimaro bomban me isirayiri dedede wudo wot kadano otieko dwogo.
24
. Nga siao likame dwong kalamo nga pwony mere arabo ngatic likame dwong kalamo Rwot mere.
25
. Etieko doromo ne ngasiao bedocal kede nga pwony mere kede ngatic bedo bala Rwot mere kame olwongo Ngadwong me ot be Beelzebub, epwone menedo ame oyaro lwongo kede jo me yii ode?
26
. Pimano kur ilworunugi: pi likame tie gika me owumere ame likame oyaro yabo; kede kame okano ame likame bino ngiere.
27
. Gikame ango ayamonewu iicolo manono yamunu ilero kede gikame wun iwinyu nu iyitu manono titunu iwi wude.
28
. Dokon kur ilworunu jo kame neko kom dodi likame kitwero neko tipo: ootikatika lworunu en ngat ame twero dudubo tipo karacel kede kom igiana.
29
. Benyo likame acilagwec are owilo kede kapu acel? Di acel ikomgi likame poto piny abongo ngiec kapapawu.
30
. Do yer me wiwu dede otieko maro.
31
. Pimano kur ilworunu wun piru tek kalamo acilagwec atot.
32
. Pimano dano kame tuco nyinga nyimjo, angoda abino tucoen inyim papana kame tie ii malo.
33
. Do ngat kame dagango inyimjo, angoda amito dage inyim papana kame tie ii malo.
34
. Kur itamunu be ango abino pi kelo mulem iwi lobo. Ango likame abino pikelo mulem do papa.
35
. Pien ango abino piketo adding idiere me icuo kede papa mere, kede ati nyako kede totomere, kede adding idiere, me dako kede totome cware.
36
. Dokon nyakwor adano oyaro bedo jo me yii yode.
37
. Ngat kame maro papamere arabo toto mere kalamo ango likame ibecokina bedo mera. Dokon ngat kame maro wode arabo nyare kalamo ango likame ibeco kina bedo mera.
38
. Ngat kame lika tingo yat aria mere, di eko luba kede likame en ibecokina bedo mera.
39
. Ngat kame wudo ku mere bino rwenye kede ngat kame Rwenyo kuomere pira bino wude.
40
. Ngat kame gamo wu wudo egamo ango, dokon ngat kame gamango, wudo egamo ngat ko cuao ango.
41
. Ngat kame gamo enabi inying me enabi oyaro gamo epera me enabi; kede ngat kame gamo ngat opore inying me ngat kopore eyaro gamo epera me ngat kopore.
42
. Dokon ngat amoro kame mio ikopo me pi angic but jo atino gi inyingme nga siao ateteni ango ayamone wu be, en likame eyaro bino kei epera mere.