1
. Nan do kare oko tuno, kame Yesu otieko kede yamo kope nogi, di eko waco ne josiao megebe,
2
. "Wun ingeuna be ebaga me bwot bino tie ingei ceng are , di oko mino wot ka done pi gure"
3
. Di jodongo me Jasaseredoti, jo pwony me iswil kede jodongo me jo ok cokere i paco me ngasaseredoti adwong, audo nyinge obedo kayapa.
4
. di kiko iko tam me tero Yesu iyore me angalo di kiko neke.
5
. Do kiko waco be, "LIkame i kare me ebaga, pien jo twero tany.
6
. Do kakame Yesu oudo tie kede Betania i ot me adobo anyinge Simon.
7
. Dako moro oko bino bute di emako icupa me alabasita kame mo tie iye angare mit di wel mere dwong adikinicel, di eko onye itiene di ebedo inyim emesa.
8
. Do kakame josiao mege eneno kede tim noni, kiko udo wang cuny kiko yamo be, "Pinyo komio odube aduba?
9
. Pien oudo kono ocato mo noni pi udo sente atot di oko gabo ne jocan.
10
. Do kakame Yesu oudo aniang kede tim noni, Eko waco negi be, pinyo komio ilolunu dako ni? Pien etimo gi aber pira.
11
. Pien jocan tie kede wun nakanaka, do ango likame atie kede wu nakanaka.
12
. Piento pi onyo mo angwe mit noni ikoma, en etimo amanoni pi aika na.
13
. Ateteni, awaco newu be, ka dedede kame otito iye ejiri i wi lobo dedede, gikama dako ni otimo da obino yame pi yutuno iwie,
14
. Di do acel ikom toman iwie are gi, anyange Yudas Isikariot, oko ot but jotel me josaseredoti.
15
. Eko waco be, "Wun imitunu mina nyo kame ango amie i cing wu? Di gin kiko marone siringi akaya ot adek.
16
. Pimano cako i esawa no en do oudo etie mono winyo me turo ne raco.
17
. Nan do ceng me agege me ebaga me mugati kame arup li iye josiao oko bino but Yesu, di kiyamone be, "Tuai en kame in imito wan oik ni pi camo ebaga me Bwot?
18
. Eko yamo be, "Otunu i Bomba but icuo moro, di ikonu wacone be, Apwony yamo be, "Esawa nango otieko tuno, ayaro bedo i ebaga me Bwot i odi kede josiao na,"
19
. Josiao do oko timo bala kite kame Yesu owaco ne kede gin: dido kiko iiko ebaga me Bwot.
20
. Kakame piny oyuto kede, en eko bedo piny kede jo mege tomon kiwie are.
21
. Nani do kakame kitie kede cam, eko yamo be, "Ateteni awaco ne wu be, ngat acel ikom wu bino rupao ango.
22
. Di kiko bedo kede par adikinicel, di ngat acelacel ikom gi oko cako yamo ne be, "Rwot mam nat ango ino?"
23
. En eko dwoko di ewaco be, "Ngat ko rwako cinge keda i bakuli en oyaro rupao ango.
24
. Wot ka dano ateteni oto do bala kite kame owandiko kede kop kamake, do can tie ikom dano no arupao wot ka dano! oudo kono ebedo ber pi icuo no kono di likame oudo onywale."
25
. Dido Yuda, audo tie rupao en, oko dwoko di ewaco be, "Rabbi ango man inonono?" eko waco ne be, "Iyamo amanono"
26
. Do kame gin oudo itie kede cam, Yesu oko kwanyo mugati, eko lego winyo iye eko tuturo, di eko mino but josiao di ewaco be, "Gamunu, camunu mam en koma.
27
. Di eko kwanyo ikopo, di eko mino pwoc di eko mino gi, di ewaco be matenu, wun dedede.
28
. Pien man obedo remo na me isikan anyen, kame oonyo pi jo atot pi sasiro dub.
29
. Do awaco ne wu be, ango lika abino mato i anyakini noni me yat cako tin paka tuno ceng no kame ango amato kede di enyen kede wun i ajakanut ka papa NA."
30
. Do kakame kiwero kede wer, gin iko ot iwi moru me olibeti.
31
. Di Yesu oko waco negi be, "Oyaro mino wun dedede getar pi ango owor noni, pien owandiko be: "Ango ayaro suro ngakwat, dido oromini me anok ko sarakin."
32
. Do cen ngei ango yaruno, ango abino cako ot anyim wun Galilaya.
33
. Petero oko dwoko di ewaco ne be, "Akadi bed bala omio jo dedede getar pirin, ango lika abino getar.
34
. Yesu oko waco ne be, ateteni awaco newu be iwor ni, di pwodi tong gweno liko akok, in iyaro daga tien adek."
35
. Petero oko dwoko ne be, "Akadi bed bala ango ato kedi, ango lika abino dagi! Di josiao dedede oko yamo amanoni.
36
. Dido Yesu oko upere kede gin i kabedo kame olwongo be Getesemani, di eko waco ne josiao be, "bedunu ber kan di ango ako ot ilega tetu kuno.
37
. Di eko tero Petero kede awobe ka Sebedayo are, di en eko cako wudo cwercuny kede par atek.
38
. Di eko waco negi be, "Cunya tie kede par atek, pako tuno to. Bedun kan di ikiunu piny keda.
39
. Eneko ot anyim momot di eko riebere piny, eko ilega, di ewaco be, o papa na, kame di twerere, wek ikopo ni bei ekati ekalamo ango: do, likame i mit nango, do i mit nin."
40
. Di eko dogo but josiao, eko udo gi di itie nino, di eko yamo ne Petero be, nyo ine Wun do oudo lika itwerunu neeno keda pi esawa acel?
41
. Nenonu di ilegunu, tetekeny kur i potunu i atamo, cuny mito do kom nyap.
42
. Tien me are, bobo en eko ot tenge di eko lego di ewaco be, "O papana kame ikopo ni likame twere beno tenge ibuta kwanyo di amate, we mit nin timere.
43
. Di eko dwogo eko udo gi di itie nino bobo, pien wang gi oudo pek.
44
. En do eko weko gi, eko bobo ot tenge, eko ilega tien me adek, di ewaco kope nogo.
45
. Di do eko ot but josiao mege di eko waco negi be, "wun pwodi itienu nino kede wei? Nenunu, esawa otuno, otie do rupao wot ka dono i cing jodubo.
46
. yaunu ootunu. Nenunu, ngat ka rupao cungo otieko tuno.
47
. Do kakame oudo pwodi etie yamo kede, neni Yudas, acel ikom gin tomon kiwie are, di eupere kede ekodet adwong adikinicel di kimako ipimai kede akutai, oko bino di kiwok kibut jodongo me josaseredoti kede kibut joadongo me jo.
48
. Nan ngaerupe mere oudo otieko mino gin anyut, di ewace be, "Ngat kame ango amito en inonono, makenu.
49
. Esawa nono di en eoto but Yesu di eko waco be, "Apwony, amoti" di eko note.
50
. Do Yesu oko waco ne be, "Ngawota, pinyo omio ibino ?" Dido gin iko bino di kiko mako Yesu kede tere.
51
. Dido ikanono, acel ikom jo audo tie kano kede Yesu oko neno cinge di eko woto epima mere eko tongo ngatic me ngatel me saseredoti, di eko ngolo yite tenge.
52
. Do Yesu oko waco ne be, "dwoki epima ni ikabedo mere, pien jo dedede kame tio kede epima bino udo to me epima.
53
. Amoto iparunu be ango do nan likame atwero lego but papano, di en eko cwano na ikodeta me imalaikan akalamo tomon kiwie are.
54
. Dodo banyo kame kop acil kame owandiko bino cobere kede, be poore etimere amanon?
55
. i esawa nono Yesu oko waco ne ekodet be, "Mam wun do ibinunu bala mako ngayak, di imakunu ipimai kede akutai pi tera? Ango lem abedo kede wu buliceng, di apwonyo i tempulo, do wun likame ikonu maka.
56
. Do magi dedede otimere pi mino iwandik kacil me inabin cobere" Dido josiao dedede oko jale di iko ringo.
57
. Dido jo audo omako Yesu oko tere but kayapa ngetel josaseredoti, kame jopwony me iswil kede jodongo oudo ocokere iye.
58
. Do Petero oko bedo lube ika bobor tuno i diakal me ngatel josaseredoti. Di en eko donyo iiye di eko bedo.
59
. Nan do oudo jodongome josaseredoti, joadongo, kede kansulo dedede oko mono kop me abe ikom Yesu pi neke.
60
. do likame iko udo kop moro. Akadi bed bala jo atot kame udo tie mino pido me abe oko bino likame iko udo kop moro. Do i ajikini do jo are ayamo kop me angalo oko bino.
61
. iko waco be, "Loni owaco be, 'Ango atwero dudubo tempulo ka Rubanga di ako gero iwi ceng adek.
62
. Di ngatel me josaseredoti oko yai di eko waco ne be, "In do likame idwoko kop moro? Nyo ine kame jogi tie yamo kamaki?"
63
. Do Yesu oko ling alinga. Dingatel me josaseredoti oko dwoko di ewaco ne be, "Ango apenyi kede iliar inying Rubanga akuo: Waco wa kame in en Kristo wot ka Rubanga!"
64
. Yesu oko waco ne be, "it is as you said. Do kamago tie da awaco ni be, cake tin ibinunu neno wot ka Dano di bedo bad tetu cam me twer, di ebino i idouon me i malo.
65
. Di ngatel me josaseredoti oko nyilo igoen mege di ewaco be, "Eyamo kop acao Rubanga!Pinyo kamio wan pwodi omito ijurak? Nenunu, nan do wun itiekunu winyo acae mere!
66
. Itamunu benyo? Gin iko dwoko di iwaco be, "En epoore to"
67
. Dido kiko ngungulo ne lau di kiko bunge di jomogo babapo en kede dier cing gi.
68
. di iyamo be, "Muraw newa, Kristo! Ngai en obapi?"
69
. Nan do Petero oko bedo oko i diakal di nyako ngatic acel oko bino bute di ewaco be, "ida oudo ibedo kede Yesu me Galilaya.
70
. Do en eko dagi kop gi inyim gin dedede, di ewaco be, "Ango likame angeo gikame wun itienu Yamo."
71
. Kakame do eoto kede oko idog erute, nyako ace bobo oko nene di eko waco ne jo audo tie kanono be, "Lo noni da oudo tie kede Yesu me Nasaret.
72
. Do en bobo eko dagi kop nono di elairo be, "Ango lika angeo loni!"
73
. Ingei esawa acecek jo kaudo tie cungo i kanono oko bino di iko waco ne Petero be, "Ateteni ida i bedo acel ikom gi, pien Yamo ni nyuti.
74
. Dido en eko cako lamere kede lairo di ewaco be, "Ango lika angeo icuo n! "Cucuto nono di tongweno kok.
75
. Di do Petero Yutuno kop kame Yesu oudo oyamo ne be, :di pwodi tongweno lika okok in iyaro daga tien adek. "En do eko donyo oko di eko kok itek.