1
. Lesawa nono josiao oko bino but Yesu di kiyamo be, ngai en ame dwong i ajakanut me malo?
2
. Dido Yesu oko iwongo atim atididi bute, di eko keto idiere diere gi,
3
. Di eko yamobe, ateteni ayamone wu, kwanyo di ilokerenu, di ikonu doko bala idwe atino, likame itweronu donyo i ajakanut me malo.
4
. Pimano ngat kame mwolere itiemere bala atirini en manono bedo ngadwong i ajakanut me malo.
5
. Do ngat kame gamo acal bala atin inyinga udo egamo ango.
6
. Do ngat kame dubo cuny aciel ikom jo atino ame oyei ikomango, udo ber tweno kidi me riego di oko liero rimaro ngute, me wek da oko uce inam atut.
7
. Otakwei wi lobo pien gi adubo cuny jo! Pien pore gi adubo cuny jo bin, do atakwi but danono ame gi adubo cuny jo wok kibute!
8
. Pimano kame cingi amoto tieni odubo, ngole tenge, di iko uco gi kibuti tenge, eber kede cungi are amoto tieni are di oko uci imac aliel nakanaka.
9
. Do kame wangi en odubo, gore oko, di iko uce tenge kibute, eber me in dongo ikuo kede wangi aciel, lono bedo kede are di oko uce igeana.
10
. Gwokerenu me wek kur icaunu aciel ikom magi, pien ayamone wu be, imalo imalaikan gi nakanaka neno wang papa na me tie imalo.
11
. Pi wot ka dano obino pien lako mago ame oudo orwenyo.
12
. Wun iparomu benyo? kame dane tie kede mege tol aciel, di aciel ikom gi oko parao tenge, kara likame eweko ot kanyangon iwie ikanyangon, di eko ot iwi mori, di eko mono mano oparao tenge?
13
. Do kame en eudo, ateteni ayamone wu, en elelo kitek pi oromono, lono pi ot kanyangon iwie kanyangon alikame oparao tenge.
14
. Akadi bed bala likame ebedo mit ka papa ni ame tie imalo, be aciel ikom atino gi poore rwenyo.
15
. Do kame omuni okoso ibuti, oti iko yamone kosa mere idiere ni kede en kene, kame en ewinyo in, udo iudo omini.
16
. Do kame li ewinye, iko ot kede ngagt aciel amotoko jo are, pien ijurak are amoto adek moko kop.
17
. Do kame edagi winyo gi, yam ne kanisa; do kame edagi winyo kanisa, mienu ebed kibut wu bala ngat kalikame oyei kede nga rar esolo.
18
. Ateteni ayamone wu be, kame jo are ikom wu owinyere ipiny kom ikom gikame gin ki pore penyo, papanna me imalo bino timo ne gi.
19
.
20
. Pien kakame are amoto adek cokere iye inyinga kanono ango atie idiere gi.
21
. Dido Petero oko bino bute di eko yamo be, Rwot tien adi ame omina pore dubo kede ibuta, di ango asasiro en? tien kanyare?
22
. Yesu di oko yamo be, ango likame ayamo ni be, tien kanyare, do tien ot kanyare tien kanyare.
23
. Pi mano ajakanut me malo opore kede kabaka moro, ame omio sente but jo tic mege.
24
. Kakame en eko geno lwongo gi kede, ngat aciel oko bino bute, audo ogamo sente tutumia tomon.
25
. Do kakame oudo likame etwero calo kede,ngadwong mere oko corakino be pore cate, kede dako mere da, kede idwe mege da, kede jame kame en etie kede, me wek cul timere.
26
. Pi mano ngatic oko poto piny, di ko mine wor, di eko yamo be, rwot, dire keda, di ango ako bino culi gi dedede.
27
. Dido rwot me ngatic nono oko bedo tie kede kisa di eko gonyo en, eko sasiro en kibanya nono.
28
. Do ngatic nono eko ot tenge, eko udo aciel ikom jo tc wad gi, ame okopo sente tol aciel kibute en eko keto cing ikome di eko mako dwane di eyamo be, cul ango banya na ame ikopo.
29
. Do ngatic wadgi oko poto piny tiene, diko ngangao en, di yamo be, dire keda, ango abino culi gi dedede.
30
. Do likame eko yei: do en eko oot paka keto en iot kol, paka tuno di eculo banya.
31
. Aso kakame jotic wad gi oneno kede gi otimere gin kiko winyo kirac twatwal, di kiko oot yamo ne Rwot gi lung otimere.
32
. Do rwot mere, ingei mano oko lwonge, diko yamo ne be, pien in ngatic arac, ango asasiro in ikom banya dedede, pien in ikwao kibuta.
33
. Likame kara ida oudo pore bedo kede kisa ikom ngatic wad wu, bala kite kame ango atimo kede kisa buti?
34
. Dido rwot mere oko doko ger, di oko mine but jo omie alola, tuno kede di eculo banya lung ame tie bute.
35
. Aso i epone nono papa na me tie malo timo kamanono butu, kame i cuny wu likame isasiro ngat aciel ikom imiegu ikom dub gi.