1
. Nan kakame en etieko kede yamo mere dedede but jo ame tie winye en eko donyo Kaperenamu.
2
. Di ngatic angadwong me isirikalen ame oudo tie amara ibute, oudo tuo di etie tuno ito.
3
. Kakame en eko winyo kede kop ikom Yesu en eko cwano joadongo me Iyudayan, pi kwane bino cango ngatic mere.
4
. Dido kakame gin iko bino but Yesu, gin iko ngangao en ikanon di kiyamo be, epore ne in timo amanono.
5
. Pien emaropiny wa, di en eko gero ne wa sinagoga.
6
. Dido Yesu oko oot kede gi kakame en edoko iyapiyapi kede ot ngadwong me sirikale oko cwano jowote bute di gin kiko yamone be, rwot kur iloli koi ango likame apore pi in donyo ioda.
7
. Pimano akadi ango ikoma likame apore bino buti do yami kop kenekene, di ngatic na ko camgo.
8
. Pi angoda atie dano atie piny me akarinikin, di bobo atie kede isirikalen ame abo da ayamone ngat aciel, ooti, di eko oot da but moro, bia di eko bino da but ngatic na, tim man, di eko timo.
9
. Kakame Yesu oko winyo kede kopenogi en eko bedo kede ur ikome, en eko lokere, eko yamone jo alube be, ayamone wu, ango li audo yei adwong, li li akadi Isirael.
10
. Dido jogo jokame oudo ocwao, oko dok iot iko udo ngatic audo tuo ocango.
11
. Dido cobere ingei ceng no, en eko oot ibomba ame olwongo nain, di Josiao kede ekodet me jo atot oko lube.
12
. Nan do, kakme en edoko yapi kede erute me bomba neni, oudo tie icuo oto ame otie tingo, awobi aciel kenekene ame totomere obedo apuserut, da jo atot me bomba oudo tie kede.
13
. Kakame rwot oko nene kede, en eko bedo kede kisa, ikome di eko yamo ne be, kur ikoki.
14
. Di en eko mulo elago, di jo kame tinge oko cungo di en eko yamo be, atin awobi ango ayamoni be yai.
15
. Di en ngat oto nono eko yai bedo di eko geno yamo. Di en eko mino awobinono but totomere.
16
. Di iworo oko bino ikom jo lungi, di gin iko mino deyo but Rubanga, di ki yamo be, enabi adwong owok idiere wa, kede be Rubanga owenao jomege.
17
. Di rwonge nono amake oko sarakin iyudeya kede i adulion ame kio kede lung.
18
. Di jo siao a Yokana oko yamone kopenogi dedede.
19
. Yokana oko lwongo josiao are bute di eko cwano but Yesu, di kiyamo be, in en ngat ame pore bino arabo omoi ngat ace?
20
. Kakame cuo mogo otuno kede bute, gin iko yamobe, Yokana ngaibatis, ocwao wa buti, di eyamobe in en ngatic amepore bino arabo omoi ngat ace?
21
. I esawa nono en eko cango jo atot ikom tuo apapat aumpuli, tipere areco kede but atot ame tie imuduka en eyabo wanggi.
22
. Di Yesu oko dwoko di eyamone gi dokunu di iko nu yamone Yokana jame ame wun inenunu kede ame wun iwinyunu epone ime imuduka oneno kede ingwalasa ooto, jo dobo olonyere, idingoi owunyo jo oto oyaruno, otito ejiri but jo can.
23
. Winyo bed but ngat no ngat ame likame winyo irac ikoma.
24
. Kakame joor a Yokana oyai kede ibute, en eko geno yamo but jo kop amako Yokana wun udo iotunu itela pi neno nyo? Lagara ame yamo yayango?
25
. Do oudo wun oudo iotunu pineno nyo? Icuo ongapere iber? neni jo ame ngapo engape abeco bedo omiere me abakai.
26
. Do kara wun iotunu pi neno nyo? Enabi? Ee, ango ayamo ne wu ngat akalamo enabi en ame iotunu neno.
27
. En ine ngat ame owandiko be neni ango acwao ngaor na inyime ame bino yiko yongayo inyinmu.
28
. Pi mano ango ayamo ne wu, kibut jo kame dako onywalo liame tie enabi adwong kalamo Yokana nga ibatis: do ngat ame titidi yago ka Rubanga dwong kalamo en.
29
. Jo audo tie winye kede jo rar esolo dedede oko yei be Rubanga en opore kede jo obatiso ibatis a Yokana.
30
. Do Iparisayon kede jo ngol kop oko dagi cor a Rubanga idiere diere gi, pi en gin likame ibatiso ibatis a okana.
31
. Di Rwot oko yamo be, abin apor jome ikareni kede nyo? Gin kara kical kede nyo?
32
. Gin ki cal ke idwe ie atale, di ilwongo ekodet ocelu di kiyamobe an okuto ne wu bio, do wun likame ikom miel: wan otwuro ne wu iturur me to, wun ikonu dagi koko.
33
. Pien Yokana nga ibatis obino di liame ecamo amoto amato ebwino, wun ikom yamo be en etie kede jwogi.
34
. Wot kadano obino di ecamo kede di ematoda, wun ikounu yamo be, neni, dano ang oluma kede nga amata atek, ngawot jo rar esolo kede jo dubo.
35
. Do rieko ka Rubanga opore pi idwe mege dedede.
36
. Di ngat aciel ikom iparisayon oko mito ne oot cam iode en eko oot iot me eparisayt di eko bedo piny pi cam.
37
. Neni dako moro ame tie ibomba, ame tie ngadubo kakame en engeo kede be Yesu Obedo pi cam iot me eprisayot, eko kelo ecupa me mo angwe kur.
38
. Di eko cungo itiene cien ngei Yesu di ekok, eko geno iwoko tien Yesu kede pige wange di eweeo gi kede yer me wiye di edoto tiene kede di ewiro tien Yesu kede mio angwe kur.
39
. Kakame eparisayot ogam oneno kede go otimere, eko yamo icunye be, icuomi koto di oudo en enabi oudo koto enge ngai kede epone me dako mene ine omulo en, pien etie ngadubo.
40
. Yesu oko dwokone di eyamobe, Simoni ango atie kede gimoro amito yamoni eneko yamobe ngadwong yamina.
41
. Oud tie ngai moro amekoojo sente ngat aciel emio tol kany, kede ngat aciel emio oot kany.
42
. Dido gin kili kede gimoro me culo banya, en eko sasiro gin jo are, pi mano yamna ngai ikom jo are gi ame bino mare kitek?
43
. Simoni oko dwoko di yamobe, ango agemo be ngai ikom banya adwong. En eko dwokone be in ingolo kop i ateni.
44
. Di en eko lokere but dakonone eko yamone Simoni, ineno dako ni? Ango adonyo iodi, do in likame imia pi me iwoko tiena: do en eko iwoko tiena kede pige wange, di eko weno gi kede yer me wie.
45
. I likame iko doto lema: do dakoni geno esawa ame ango adonyo kede iot kom, likame ejiko doto tiena.
46
. Likame in iwiro wia kede mo: do dakoni oko wiro tiena kede mo angwe kur.
47
. Pimano ango ayamoni dub mege ame etimo atot osasiro en omio amara adwong tie bute do but ngat ame osasiro dub atitdi, danonoda maro atitidi.
48
. En eko yamo ne dako nono be, dub ni osasiro.
49
. Di jo ame oudo obedo cam kede karacel oko geno yamo kengi kengi be, dano mene ine ame sasiro dub?
50
. En eko yamo ne dakonono be, yei ni olaki ooti kede mulem.