1
. Di ekodet mejo dedede oko yai, di oko tere but Pilato.
2
. Dido gin kiko geno pide digi iyamo be wan owudo ioni di etie rwenyo iwak di koko etie gengo culo esolo but Kaesari, di en eyamo be en ikome en kame Kuristo Abaka.
3
. Dido pitato oko penye di eyamo be, Benyo in ibedo Abaka me Iyudayan? Di en eko dwokone be, di ewaco be, in en iwaco kamanono.
4
. Didodo Pilato oko waco ne josasirodotin adongo kede but jo be, ango awudo raco li kikom ioni
5
. Dido gin kiko doko ger itek digin kiwaco be en erubo jo di epwonyo Iyudayan dedede geno igalilaya pakana tuno ikabedo ni.
6
. Kakame Pilate owinyo kede nying Galilaya en eko penyo kamedi icuo nono owudo obedo dano me Galilaya.
7
. Dokon gwaka awaka, kakame en eko ngieno kede be en owudo ebedo dano me Erode pugo, en eko cwano en but Erode, ame ikome da owuda tie Iyerusalem ikare nono.
8
. Dokon kakame Erode oko neno kede Yesu, cunye oko bedo yom, twatwal. Piento en owudo etie kede gen me neno tangu moro kame en etimo.
9
. Dido en eko pepenyo en kede kope atot do en likame eko dwoko ne gimoro.
10
. Dokon Isaseredotin kede jo iwandik oko cungo di kiko pide itek twatwal.
11
. Dido Erode karacel kede jo yii mege eko timo tim me acae ikome diki inyware diki ingapo ne igwen kabeco di kiko dwoko dokon but pilato.
12
. Dokon iceng acel nono Pilato karacel kede Erode oko doko Adiereson. Pi dipwodi kop ni gin owudo gi tie jokwor.
13
. Kakame do Pilato oko lwongo kede Josaseredoti adongo, jo pug kede jo karacel.
14
. En eko waco ne gi be, wun ikelunu danoni butango balan ngat ame rwenyo jo, do nenunu, ango dido apepenyo en inyimun, ango likame awudo raco moro ikom danoni ame mako gigo kame wun ipidenu iye.
15
. Akadi paka Erodeda, pien ango acuao wu bute, do nenunu likame tie gimoro kame mako too kame oko timone.
16
. Pimano ango ayaro dane ako gonye.
17
. (Pien owudo pore ne en gonyo ngat acel ikare me ebaga)
18
. Dido gin kiko lelemo karacel diki waco be, ot tenge kede danoni, iko gonyo ne wan Barrabus.
19
. (Ame pi kop me supo jo piem kede apugan kede ko me nek kame bin otimere ibomba, okomino okete ijera.
20
. Pimano Pilato pimito gonyo Yesu emedo dokon yamo kede gi.
21
. Do gin kiiko mede lelemo digin kiwaco be gurenu ,gurenu.
22
. dokon en eko yamo negi me tien adek,mere be pinyo,balmene en ame en etimo? Ango likame awudo gika akelo ne too.pimano ango abino daane diako weke eoto.
23
. dokon gin kiko susunyo redokede dwan amalo digin kitie kwano be poore gure.didi dwangikede dwan jpo sasirodotin oko lono.
24
. Di pilato oko ngolo kop be pore ebed bala kita gin ki mito kede.
25
. dien eko gonyo negi ngat kame awudo owuco ijera pi kop me supo jo piem kede apugan kede nek,ame gin owudo kimito be ogonyi do en eko mino yesu imitagi.
26
. Dido gin owudo kitie tere tenge,gin kiko mako simoni dano me sirene dien etie bino ipiny nono di kiko mine yat aria be en miero eyei di elubo yesu.
27
.Di ikunono awututu mejo kede me mon owudo lube ameda owudo tie koko kede bako dog pire.
28
. Di yesu oko lokere butgi di eko waco negi be wun anyira me Yerusalem kuikokunu pirango, do kokunu piru kede pir idue wu.
29
. Nenun cengere tie bino,ame obino yamo iye be,tie kede winyo mon adongei kede aliliget kame lika me onywal, kede tune kalikame odoto.
30
. Dido ain kiko geno yamo ne moribe,pot ikom wa kede ne imukuran be wumwa,
31
. Pien kame gin kitimo gigi kiiyat anumu,dodo,kiyaro timo benyo kiiyat otuo.
32
. dokon owudo tie jo are apat ko bedon jo ting kop, kame bin ko tere karacel kedegi pi keto gi itoo.
33
. Kakame gin kiko tuno kede kabedo kame ko lwongo be kalbari en kunono kame okogure iiye karacel kede joting kope kada, ngat acel ibade tu cam kede ngat acel ibade tu ngoda.
34
. Dido Yesu oko waco be,papa timgi kisa pien gin kikwiya gikame kitie timo, di gin kiko popoko egwe mere diki wuco epiki.
35
. Jo diko cungo ngice. Dokon jo pug da oko nyware diki waco be,en elako jo apat wekunu elakere keneda, kamedi ebedo Kuristo dano kame Rubanga oyero.
36
. Ikeanda ako nyware dikibino bute,kiko mine kongo akec.
37
.Diki wacone be kamedi in ibedo abaka me Iyudayan lakere keni.
38
. Di oko keto lwandik adongo tukawie kede inyukutan me grik, latin,kede me iburanian be MANEN ABAKA,ME IYUDAYAN.
39
. Dido ngat acel ikom jo ding kop oko geno nyware di ewaco be kame yin ibedo kristo lakere keni di iko lako wada.
40
.Do ngat oceluca oko dwoko di juke di juke di yamo ne be,yin likame liworo Rubanga,itie neno wan di ongolo newa kop acel?
41
. Do wan ateteni ongolo newa kop iye epwone opore,pi wan ogamo epera me tice wa.Do loni likame otimo gimoro oparao.
42
. Dien eko yamo ne ne yesu rwot yutuno angoda kame ibino ii Ajakanut ni.
43
. Dido yesu oko wacone be,Ateteni ango ayamoni be tin in iyaro bedo kedango iparadais.
44
.Dido owudo tie tetu esawa kanayape di colo oko bedo tie iwi lobo lung pakana esawa kanyangon.
45
.Dido ceng oko doko col,di egwe me tempulo oko nyil idiere.
46
. Dido kame yesu oko kok kede dwane amalo en eko waco be, papa iicing ango aketo iye tiponi, kame en eyamo kede amano en eko do jalakino tipo mere.
47
. Nando kakame Ngadwong me ikearin oneno kede giko otimere, en eko mino deyo but Rubanga di ewaco be Ateteni man owudo obedo dano ko opore.
48
. Dido jo ekodet ame oudo obino karacel ikabedo me gino otimere iye digi ki neno jamini kotimere kiko bapo korgi digin kiko dok.
49
. Jo wote dedede kede mon kame owudo bin lube Igalilaya, oko cungo kaka bor digi ingiico.
50
. Dokon neni owudo tie icuo ame olwongo be Yosepu nga cor jo didokon en owudo ebedo dano aber di epore.
51
. (Lonono owudo likame oko yei kede acora kede tim gi) owudo en ebedo dano me Arimatea, bomba me Iyudaya; ame en ikome owudo edaro Ajakanut ka Rubanga.
52
. Icuoni oko ot but Pilato, di en eko kwano kom Yesu.
53
. Di en eko keto piny dieko bone iigwen me yik di eko pwete ii ates ame owudo otongo ikidi ame owudo geno likame ko yiko iye dano moro.
54
. Dokon ceng nono owudo ceng me yikere dido sabato okoko iyapi.
55
. Dokon mon da, ame obino kede Igalilaya oko lubo icen di gin kiko neno Ates kede kite kame koyiko kede kome.
56
. Dido gin kiko dok digin kiko yiko yen me muketo kome kede moe me wir dikiko wei iceng me sabato balaki tame iswil yamo kede.