1
. Ekiarao wange malo di eko neno jo ko baro di tie uco sente gi i sau me kano lim.
2
. Dokon en eko neno apuserut moro da anga can di tie uco ogap are.
3
. Di en eko yamo be, iye ateni ango amito waco ne wu be apuserut anga can ni ouco sente atot lono jogo dedede.
4
. Pien jogi dedede ouco irabu gi ne Rubanga di ki kwanyo ikom atot kame ki tie kede do en ikom rem kame etie kede eko yco gi dedede iton kame en oudo etie kuo kede.
5
. Dokon kakame jo mogo oko geno yamo kede kope kame mako cilo me ingarui kame kolilingo kede Tempulo kede irabu kame oudo tie iye, en eko waco be,
6
. Kope kame mako jamuno bala magi kame un itie nu neno gi kare bino tuno kame likame tie engaru moro oyaro bino dong di odokere ikom ocelu di likame kouce piny.
7
. Gin kiko penye di ki waco be, Nga dwong do ber awene en kame gigi oyaro timere kede? Dokon nyo en oyaro bedo anyut kame moko be gigi do oyaro cobere?
8
. Di en eko waco be gwokere nu tetekeny kur ngalu: pien jo atot oyaro bino inyinga di ki waco be; Ango en Kuristo kare do udo tie doko iyapi do kur ilubunu gi.
9
. Do kakame ibinunu winyo kede kope kamako yi kede aruba ruba, kur iworo mak u: Pien gigi dedede miero timere, do udo ajikini pwodi liko tuno.
10
. Di dokon en eko waco ne gi be, piny bino suro piny ocelu dokon Ajakanut bino suro Ajakanut ocelu.
11
. Dokon ayayangun me piny bino timere ii ka bedere atot, kede kec, kede aumpulin; kede jamini mogo kame kello iworo kede gi anena adongo bino nyutere ki malo.
12
. Do di pwodi gigi dedede, gin kiyaro keto cing gi ikomu, di kiko tidilou, di kijalakino u cing jo me sinagogan kede jo pug pi kop ka mako nyinga.
13
. Dokon ginono oyaro lokere ko doko caden butu.
14
. Mokunu tamu di ikounu neno be liki ibedunu nyakao gi kame iyarunu dwoko ne gi.
15
. Pien ango amito minou dog kede rieko kame jo kworu dedede liko oyaro karun cungo me piem kede u.
16
. Dokon jo nywal u karacel kede imiegu wu, kede jo awade u kede jo awotino u; oyaro rupao u paka tuno duparo ne u tuno itoda.
17
. Jo dedede oyaro dagi u pi kop me nyinga.
18
. Do likame tie yer moro me wiu koyaro bino rwenyo.
19
. Ki ingirikin u en kame ibino unu mano kede Tipo u.
20
. Dokon kakame ibinunu neno kede Yerusalem di ekearin Oluko, ngeunu do be adudubun mere do onoko.
21
. Jo kame tie i Judea do pore ringi iwi mori dokon jo kame tie idiere mere pore yai tenge kede jo kame tie oko mere pore donyi iye.
22
. Pien magonogi udo obedo cengeren me culo kwor kame gi dedede kame kowandiko pore cobere kede.
23
. Do can adwon bino bedo but jogo kame tie kede idue kede but mon kame idue pien icengere go peko adwong oyaro poto iwi lobo dokon lilo oyaro poto ikom jogi.
24
. Koyaro bino neko gi kede pala dioko tero gi oot bedo ipasoi i pinye ace dokon Abilere ace oyaro bino nyonyono Yerusalem piny tuno kede kakame krae kame komio Abilere go bino cobere kede.
25
. Di gi anena kobino neno iwang ceng kede idue kede acerin dokon peko atek bino poto ne atekerin kame tie iwi lobo kede iworo da bino mako gi pi mor me ebuka kame tie buko inam.
26
. Cuo bino wile kede iworo kame di ki ngingico jamini atek kame tie bino ilobo pien twer kame tie malo bino yayangun.
27
. Di gin kiko bino neno wot ka dano di tie bino kede idoun kede deyo ka dwong
28
. Kakame do igeunu neno kede gigi dido tie cobere, tingunu do wangu malo, pien alakou do udo tie do nonoko.
29
. En dokon eko yamo negi agole be, Nenunu yat kame kolwongo be epigi karacel kede yen dedede.
30
. Kame gin do ki geo iot, uda ikomu kame inenunu kamano ikounu ngeno be oro do tie nonoko.
31
. Aso kamanono da, kame inenunu do gigi dedede tie cobere ngeunu do be Ajakanut ka Rubanga do iyapi iyapi.
32
. Ateteni ango awaco neu be, Atur ni liko oyaro kato tenge di gigi dedede liko cobere kakare.
33
. Malo kede lobo oyaro kato tenge, do kope nango liko oyaro kato tenge.
34
. Dokon gwokere nu itek twatwal tetekeny kur cunyu cak bedo kede ajajabun ikom mulem me lobo ni kede amera kede par me kuo ni di ceng no ko bino ngole neu angola.
35
. Pien bala owic, en eyaro bino poto ikom jo kame bedo iwi lobo.
36
. Pi mano kiu nu piny di ilegunu didik tetekeny maru obe pi bwot ikom gigi ko yaro bino timere ilobo kede wek itwerunu cungo inyim wot ka dano.
37
. Dokon en oudo iye isawan me iceng ebedo pwony itempulo, do kame piny odoko iwor en eyai eko oot oko me bomba di eko ito bedo imoru kame ko lwongo be Olibeti.
38
. Jo dedede do oko donyo dilo odikino sek itempulo pi bino winye.