1
. Icien ngei kopegi Yesu oko oot Galilaya: en likame eko oot Yudaya, pien Iyudeyan oudo tie mone pi neke.
2
. Ebega me jo Yudeya ame ocamo ikimere oudo odoko iyapi.
3
. Pimano imiegu mege oko yamone be, yai ikane ioti Yudeya me wek josiao ni neni tice ame itimo.
4
. Pien likame tie dano ame timo gimoro imung, di en emo pi ngere ilero. Ame in en itimo ginogi nyut komi iwi lobo.
5
. Akadi imiegu mege da liame odong kede yei ikome.
6
. Dido Yesu oko yamonegi be, kare nango pwodi li otuno do kare wun tie nakanaka.
7
. Wi lobo likame twero dagi wun, do ango kidaga, pi ango amio gin kingeo be ticegi reco.
8
. Wun ootunu i ebega no, ango likame amito oot i ebaga, pien kare na likame pwodi otuno ipony.
9
. Kakame en etieko yamo kede kopegi but gi, eneko dong Galilaya.
10
. Do kakame imiegu mege otieko kede but gi, en eko oot iebaga imungi.
11
. Iyudayan oudo tie mone iebaga, di kiyamobe, an bo en?
12
. Ingungur oudo tie dwong idiere me jo pi kop amake: Pi jo ace yamo be, en etie ico aber jo ace yamo be li en engangalo jo.
13
. Kamano tie da, likame tie ngat ame yamo itek kop amake pi iworo Iyudayan.
14
. Didodo ebaga otuno diere Yesu oko oot itempulo di eko donyo pwony.
15
. Iyudayan oko bedo kede ur, di kiyao be, benya kame icuoni ongeo kede iwandik, di likame esomo?
16
. Yesu oko dwoko negi, di eyamo be, pwony nango likame mega, do obedo me ngat ocwa.
17
. Kae nga amoro otimo gikame en emto ebino ngeno pwony nono ara ebedo me a Rubanga, arabo ango ayamo mega kena.
18
. Ngato ngat ayamo kop amake mo da deyo amake do ngato ngat deyo angat ocwae, danono udo etie dano me ateni da udo raco moro udo likame tie ikome.
19
. Benyo kara Musa liame omio wun iswil di likame tie ngatamoro ikom wu oko iswil? Pinyo imio wun itienu mito neka?
20
. Do gin iko dwoko di iyamo be initie kede jwogi ngai ame mito neko in?
21
. Yesu oko dwoko di yamonegi be, ango atimo gi aciel, do wun dedede ikounu uro.
22
. Pimano Musa omio wun akepo: liame pien ebedo me mea Musa do me ajo papi wun: ame da iceng sabato wun ikepunu dano.
23
. Mam wun omio wun akepo: liame pien ebedo me mea a Musa do me ajo papi wun: ame iceng sabat wun ikepunu dano.
24
. Kur ingolunu lubere kede nen wu, domiunu ngol opore.
25
. Di jo ace me Yerusalem oko yamo be, kara mamen ame gin kitie mono pi eko?
26
. Do neni eyamo di cunye nwany di gin likame kiko twero yamo kop moro ikome, dido jo pug oko ngeno be ateni en ebedo Kristo.
27
. Wan ongeo kakame leno noni owok iye, do kame Kristo obino, likame tie bgat moro ame bino ngeno kakame en ewok iye.
28
. Dido Yesu oko lelemo itempulo di etie pwony di eyamo be, wun lung ingeunu kakame ango awok kiye ango likame abino pira kena do ngat ocwa tie dano me ateni ngat ame wun likame ingeounu.
29
. Do ango angeo, pien ango awok kibute, da en ecwa.
30
. Dido gin kiko mono make do likame tie ngat oko twero keto cing ikome, pien esawa mere oudo pwodi li otuno.
31
. Di jo katot oko yei ikome di ki yamo be, kame Kristo obino kara ebino timo tangu adongo dongo kato ame danoni otimo?
32
. JO Parisayo oko winyo di ekodet ngunguro ikom kop amake, di Iparisayon kede jo dongo me Isaseredotin oko cwano isirikalen pi make.
33
. Yesu oko yamonegi be atie bedo kede wu ikare acecek, ako bino oot but ngat ocwa.
34
. Ibinunu mona do likame ibinunu uda, kakame ango abino tie ie, likame ikarunonu tuno iye.
35
. Iyudayan oko yamo idiere diere gi be ebino oot twai ame wan likame obino twero ude iye? benyo ebino oot idiere me jo Guriki di eko donyo pwonyo jo Gurik?
36
. Epone me yamo mene ine ame en eyamo noni be, ibinonu mona do likame ikom twero uda da bobo be, kakame ango ayaro tie iye, likame ikarunonu tuno iye.
37
. Iceng me atiekeni, icieng adwong me ebaga, Yesu ocungo di ko lelemo di eyamo be kame ngatamoro orio oneko wek en ebin buta di oko mato.
38
. Ngat kame yei ikoma bala kame iwandik kacil yamo kede be, icilete me pii me kuo bino mot wok icunye.
39
. Do man en eyamo kop mako tipo kacil, ame joka yei en pore udo: Pien Tipo kacil likame oudo pwodi omio: da bobo Yesu oudo pwodi likame omio deyo.
40
. Pimano jokatot kakame kiwinyo kede kope nogo, gin kiko yamo be, ateni danoni obedo enabi.
41
. Jo ace oko yamo be danoni obed Kristo, do jo ace yamo be, kara Kristo twero wok ki Galilaya?
42
. Kara likame tie iwandik acil yamo be, Kristo bino wok iye alias a Daudi dibobo ibomba me Betelekemu, kame Daudi owok iye?
43
. Ikanono apokapoka oko wok idiere me jo pi kop amake.
44
. Dido jo ace bedo tie kede mit me make, do likame tie ngatamoro oko twero keto cing ikome.
45
. Dido isirikalen oko dok but jo dongo me Isaseredotin kede jo Parisayo, di oko waco negi be, pinyo omio likame ikounu make?
46
. Isirikalen oko dwokone gi be, likame tie icuo ame yamo bala danoni.
47
. Iparisayon oko dwokone isirikalen be, udo kara ongangalo wu?
48
. Kara ngat moro ikom jo pug arabo eparisayot da oyei ikome?
49
. Do jogi jo kalikame ngeo iswil olamo.
50
. Nikodemu ngat abin ooto but Yesu iwor, obedo ngat aciel ikom oko yamobe,
51
. Iswil wa yei ne wa ngolone ngatamoro kop, di pwodi likame owinye, di oko ngeno gikame etimo?
52
. Gin kiko dwokone kop di iyamo be, ida ibedo nga Galilaya? Nginngico di iko neno, Pien likame tie enabi moro owok i Galilaya.
53
. Dido bul dano aciel aciel oko oot iode.