¹ . Ikare kame Apolo oudo tie kede Korinti, Paulo oko wok kitetu malo me piny nono, edi eko bino Epeso. En eko udo jo mogo oudo Yesu Kuristo tie kuno. ² . Di eko benyo gi be geno ikare kame wun iyeunu kede itiekunu pong kede Tipo kacil? Di gin kiko dwokone be li doko cako wan likame owinyo be Tipo kacil tie da. ³ . Paulo oko penyo gi be, bin kobatiso wu batisimu mene? Gin kiko dwoko be, batisimu ka Yokana. ⁴ . Paulo di oko waco ne gi, Yokana ateteni oudo batiso ibatis me iswilar en oudo ewaco ne jo be kiyei ngat kame oyaro bino icen ngee, ngat nono en Yesu. ⁵ . Kakame kiwinyo kede kop noni, oko do batiso gi inying. ⁶ . Kakame Paulo oketo kede cenge iwi gi, Tipo kacil oko bino ikom gi, di iko donyo yamo kileb kede imurai. ⁷ . Gin dedede oudo kiromo jo tomon kiwie are. ⁸ . Di en eko bedo oti isinagoga pi kare me dweteadek di eyamo abongo iworo di epiemo kede gi, ekwaocuny gi pi kop amako Ajakanut ka Rubanga. ⁹ . Do jomogo kikom gi oudo cunyi gi odoko nuwang, omio kiko dagi yei kop ka Paulo yamo kiko donyo yamo kope areco ikom yongayo noni idier jo. Di en eko yai kibut gi, di eko tero jo oudo lubo Yesu ka eoto kede gi di eko donyo piem kede gi isukulu ka Taruno ¹⁰ . Man oko timere pi mwakini are, oko mino jo dedede kame bedo Esia Iyudayan karacel kede jo Gurik oko winyo kop ka Rwot Yesu. ¹¹ . Rubanga oko tic kede cing Paulo pi timo giaura adongo songo. ¹² . Omio do oudo igoen mege kede itabalan kotero ne jo tuo di kiko cango doko tipo are co da ko yai. ¹³ . Iyudayan mogo kame oudo timo tice me jwok oko gida donyo iwongo nying Yesu pi riamo tipo areco kibut jo di ki waco be aciki inying Yesu kame Paulo pwonyo. ¹⁴ . Oudo tie awobe kanyaare idwe ka sikeba obe do Eyudayat di ebedo Ngatel me josaseredoti, oudo tie mo kamanono. . Di tipo arac oko dwoko negi be, Ango angeo Yesu doko angeo Paulo da, do wun enalu? . Di do icuo kame bin tipo arac oudo tie bute nono oko lepun di eko somo ikom gi di eko bwono teko gi, omio kiko wokun kiot kiko ringo nono abongo igooen kede aporeso. . Kope nog oko winyere but jo dedede, Iyudayan kede jo Gurik oudo bedo Epeso iworo oko mako gi omio jo oko mino nying Rwot deyo. ¹⁸ . Omio jo katot kame oye oko bino di kituco tim gi karacel kede tice gi. ¹⁹ . Di jo mogo kibut gi oudo timotangu me jwok oko coko itabun gi dedede karacel di oko wngo gi inyim jo dedede di kiko maro wel gi oko wok ogap me silipa tutumia ot kanyi. ²⁰ . Dido kop ka Rubanga oko medo nyai di tek. ²¹ . Ingei ginogi time Paulo oko tamo icunye pi ot beo make donia kede Akaya, di eko oti Yerusalem. En oudo eyamo be, kame a bedo kuno, miero atuni Roma da. ²² . Di en eko oro jo are kame oudo konye Temeseo kede Erasito pi ot Makedonia do en eko dong bedo Esia pi kare moro. ²³ . Ikare nono alola atek oko bedo pi kop kop kame mako yongayo ka Rwot noni. ²⁴ . Pien icuo moro kame nyinge Demeterio oudo obedo ngatet iroro me siliba ne diana. Kame tic mere oudo kelo sente atot ne jo tet. ²⁵ . En eko coko jo atimo tic noni karacel di eko waco ne gi be wun ingeuni be tic wani en kame wan oudo nu iye abar. ²⁶ . Nan wuda iwinyunu doko ineno be likame iye Epeso do ebuco tieko Esia dedede, Paulo noni otieko supo cuny jo atot, di ewaco ne gi be Rubanga kame kotimo kede cing likame obedo Rubanga. ²⁷ Aso gikame rac en ine be, likame cat wa noni kenekene en kame bino totolun, do kiton tempulo adwong me Rubanga adako kame nyinge diana kobino cano cienge mogo kony mere bino bedo doko da ciengemo kobino kwanyetenge do di en kame koworo iye Esia kede ipiny lung. ²⁸ . Kakame kiwinyo kede kop nogi cuny gi oko wang kiko cako woo be, Diana me Epeso en kame dwong. ²⁹ . Atotolun oko bedo ibomba lung di kiko mako Gaya kede Arisitaku kame obedo jo me Makedonia oudo upere kede Paulo kiko onyare kede gi iot me cokore. ³⁰ . Paulo oudo mito donyo idiere me j do jo kame lubo Yesu Kuristo oko dagi ne. ³¹ . Jo wote adongo mogo me Esia da bin oko cwano ne kop di kingangao en be kur etuni ka cokere tie iye. ³² . Jo oko donyo woo pi kop apapat mogo woo pi gini apat mege pi gica pien oudo cokere ototolun, jo atot kikom gi oudo kwia gikame omio gi icokere karacel. ³³ . Omio jomogo oko tamo be amoto Alekesanda ngat kame bin iyudan okelo inyim gi en obedo won kop. Di Alekesanda oko tingo cinge di edido gi be kilingi pien oudo emito mino pido mere inyim ekodet. ³⁴ . Do kakakme gin kiniang kede be en ebedo Eyudayat gin dedede kiko medo kilelem kede dwan amalo pi kare aromo isawan are be Diana me Peso en kame dwong. ³⁵ . Kakame kalani adwong kame pugo bomba otieko mino kede jo oling en waco negi be, wun jo Epeso ngai kibutu kalikame ngeo be bomba me Epeso en obedo kame koworo kiye Rubanga kame kolwongo be Diana kede cal kabin opoto kibut jupita. ³⁶ . Bala kite kame ineno kede be gigi likame ngatamoro twero pi yamo kop arac iye, poore do wda ilingunu ikounu weko timo gi dedede kere mielkom. ³⁷ . Pien wun ikelunu nani jogi kane jo kalikame obedo jo yak me tempulon, doko likame kicao Rubanga wu da. ³⁸ . Aso ka Demeterio kede jotet mege en kame tie kede tie kede kop ikom ngatamoro iswil tie doko jo tic da tie, doko jo tic da tie wek gin kipidere keri gi. ³⁹ . Do katie kop moro kame wun imitunu ngeno amakokop acie apat mano da wan obino liko icokere wa me bulucieng. ⁴⁰ . Pien wan nan otienu ipeko otwero pi lwongo wa di oko pepenyo wa pi kilelem me cieng atin do di likame otienu kede kop moro kame otwero pi dwoko