1
. Me ajikini mere imiegu na legunu pir wa me wek kop ka Rwot oti kiber di oketo deyo iye iepone kame etie kede idiere u.
2
. Dokon me wek iak wan icing me tie atatai di kite gi reco: pien likame jo dedede tie kede yei.
3
. Do Rwot genere en kame ebino sipakinou di eko gwoko u ikom gi arac.
4
. Dokon wan otie kede gen but Rwot pi kop ka mako u be un pore itimunu dokon ibinunu bedo timo gi kame wan ocikou iye nakanaka.
5
. Dokon be, Rwot pore telo cunyu ii amara ka Rubanga kede ii dire daro Kristo.
6
. Nan do wan ocikakino u imiegu wa ki nying Rwot wa Yesu Kristo be, yaunu tenge ki but omin moro no kenekene kame lia oto iber odai lubo itok kame en egamo ki but wan.
7
. Pien un ikomu ingeunu epone kame ibedunu lubo wa kede wan likame obedo timere atatai ikare kame oudo otie kede idiere u.
8
. Amotoko unneno wan di ocamo cam ka dano iwor kede iceng tetekeny wek kur ojarama wa bed ikom ngatamoro ikomu.
9
. Liame pien twero oudo li kibut wa, do pi wan bedo anen kame un ipore nu lubo.
10
. Dokon akadi di bin wan oudo otie kede u, ocikakino u be kame ngatamoro dagi tic kur ecami.
11
. Pien wan owinyo be tie jo mogo ikomu kame oto i epone aac odagi tic atwal do gin ki bedo jo opotar.
12
. Kop no mio wan ocorakino u di beo ki but Rwot wa Yesu Kristo be jo me epone no pore tii kede anapakin dikiko camo cam gi ikom gi.
13
. Do butun imiegu wa, kur i olunu timo gi aber.
14
. Dokon kame dano moro dagi winyo kop wan kame tie i baluwa ni cikunu wangu ikome dili ikounu upere kede atwal tetekeny wek lewic make.
15
. Di liki itere nu bala nga kwo do icore nu bala ominu.
16
. Pore do Rwot me anapakin ikokome mi u anapakin ii epone dedede. Rwot bed kede u.
17
. Amot ko wok i but Paulo di beo kii wandik me cinga ngo kame idelelei kii baluwan dedede: Aso ango awandiko.
18
. Kisa ka Rwot wa Yesu Kristo bed kede un dedede. Amano. (Baluwa me are but jo Tesalonika bin owandiko kii Asene).