1
.Nan wan obako dog wa butu imiegu kede amiegu pi kare medwogo karwot wa Yesu Kuristo kede cokere wa karacel bute
2
. Bekur imiumu tamwu totolun awakawaka, arabo peko moro, amotoko ki tipo kacel, cemogo iyamo, amotoko ibaluwan kame wan owandiko, kawaco be ceng me dwogo ka rwot oteko tuno
3
. Kur ngatamoro ngal wu iepone moro ni, pien ceng no likame bino tuno, tuno kede kame jo ojemo nerubanga en kogeo, dido ngadubo nono koneno, ngat kame otieko iiko ne pi ywenyo atwal.
4
. Ngat kame nga piem, di etingere malo kene pi mito kalemo gi kame kolwongo be Rubanga, arabo gi kame koworo, tetekeny en ebed bala Rubanga itempulo ka Rubanga.
5
. Mam Iyutununu be di pwodi ango atie kede wu, awaco ne wu kop nogi?
6
. genge wu, awaco ne wu ingeunu gikame tie genge tetekeny en bin kame kare mere oromo.
7
. Pie gikame omungere me ngarac nan tie tic, ngat kame nan do twero genge, bino timo tuno kede kare kame obino kwanye kede.
8
. Dido oko bino nyuto ngarac nono kame Rwot bino neko kede wei kame wok kidoge, di eko bino tieke kede meny atek me bino mere.
9
. Aka di eda kame bino mere oyaro bedo icen me tic ka Sitani kame tie kede teko dedede, kede gianena kede gi me isuur me angalo.
10
. Doko ebino tic kede angalo arac but jo kame tie rwenyo Atwal, pien gin kidagi game kop me amara me ateni me wek koto kiud alako.
11
. Do pimano Rubanga bino cwano negi twer kame bilaro gi di komino gi kiyei kop me angalo.
12
. Me wek ngol kop loi gin jo dedede kalikame oyei kop me ateni, do di cuny gi bedo itimo gi kame li kopore.
13
. Do wan pore opwoi Rubanga nakanaka piru, imiegu kede amiegu na kame Rwot maro pien Rubanga oyero wu cako ki agege pi bedo jo kolakere pi lonyere me tipo kacil kede yei me ateni.
14
. Kame en elwongo wu kede ejiri kame wan otuco pi wudo deyo ka Rwotwa Yesu Kuristo.
15
. Pi mano imiegu kede AMiegu na, cungunu di itekunu di ikonu mako kop kame wan opwonyo wu, arabo kede dog wa amotoko kede baluwa.
16
. Nan Rwotwa Yesu Kuristo ikome kede Rubanga kede papa wa kame omaro wa, di eko mino wa kweicuny kame bedo nakanaka kede gen aber pi kisa mere.
17
. Ekwei cunyu du eko mino wu idokunu tek itice kede ikope dedede kame beco.