¹ . Akatomere imiegu wan omitou ibedu nu kede kica ka Rubanga ikom kanisan me ka Rubanga ame emio but jo Kuristayo. ² . Ameda ikom atama kame kibeo iye ametek kame kile li kiye gi oudo adwong twatwal kede iyi tuto me cangi gin kiko mino mic kede cuny gi lung bed balan oudo gi kijocan. ³ . Da ikom twero gi, abedo mujura atek ame ngeo gi kame kowandiko anyuto wic gi da kede kalamo twer gi gin oudo kiwinyo kamanono kengi. ⁴ . Iyi lego macalo kipong da, ikwao be wek wan ogame giamia di oko tero da iye epone me inyiak me tic but jo kacil. ⁵ . Man gin kitimo likame macalo gin ki geno kede dober kong dober kimio kuo gi but Rwot kede but wa iye epone me mit ka Rubanga. ⁶ . Iye epone nono wan oko bedo kede kei but tito be wa calo en egeo kede keto da etieko ibutu iye epone mekica nono bobon. ⁷ . Piwaco wacalo in itweere kede igi dedede iyi yei, kede waco kop, kede ngec ikede keto cunyu kede iye amara but wa, nenunu da be imiirenu iyi kicanida. ⁸ . Ayamo likame kede iswil, do kede ikare ikare me anyim me jo aceda kede moko ateni me jo aceda iye amara ni. ⁹ . Pien in ingeo kica ka Rwot wa Yesu Kuristo be beo kibuten oudo en ebaro dode bobon piru en eko bedo ngacan aweda beo ican mere wek u ibedunu jo kobaro. ¹⁰ . Ikan awio cor na pien man en iliwenyar but jo ame oudo ogeo sek, me weko kenekene pi timo do kenekene da pibedo anyim newaka aciel sek. ¹¹ . Nan do pi mano timunu tim mere kame oudo tie kuno di eyikere pimito me wek tim nono wokun oko me mano ame un en itimenu. ¹² . Pien ame we agege ebedo winy me tam etie gi kame koyei ilub but dano atie kede do weko imit me giame elikede. ¹³ . Pien dwong mere be likame pi jo acebedo kede yot kom do jo ace li. ¹⁴ . Do pi lime rom me nan iye esawani pong ni ituto wek bed giagaba me mit gi me ipong da bobo cenge mogo bed giagaba me mit u me wek cenge mogo ebed rorom. ¹⁵ . Macalo kowandiko kede en ngat kame oudo ocoko atot lii kede gimoro ikalamara dongat kame oudo ocoko atitidi likame tie kede rem. ¹⁶ . Do pwoc bed but Rwot ame oketo winy acacal igwok iy cuny ka Tito pir u. ¹⁷ . Pien iye ateni en eyei akiarikin do twatwal iye anyim me arucakin meren eko ot butu. ¹⁸ v18. Do wan ocwae kede owin ame ipak mere tie iye ejiri rimaro kanisan dedede. ¹⁹ . Do likame mano kenekene do ame da bobon oudo oyero ikom kanisan pi ot kede wa iyi kica mere ame da pi upere kede wa itie kede ideyo acacal meka Rwot kede yamo me tam ni oyikere. ²⁰ . Pi gwoko magi be likame tie dano moro kame pore bunano wa iyi magi ipong a me timere ibut wa. ²¹ . Iminojamini kame genere weko kenekene inyim Rwot do bobon inyim joda. ²² . Bobon ocwae kede ominiwa ame wan tien katot omoko be ewinyo pi timo tice katot, do nan ewinyo twatwal ikom winy katek iye amok ame atie kede butu. ²³ . Amoto tie moro kame epenyo ikom Tito en etinga tic wad wa kede nga kony na ikom kopmakou ara imieguwa, gin kitie joor me kanisan kede deyo ka Kuristo. ²⁴ . Pimano nyutunu gi onyim kanisan awok me amara u kede me ewaka gi akaka in.