1
. Wan do bala jo kame tio karacel kede en, obako dogwa butuu be kur igamunu kisa ka Rubanga me nono.
2
. (Pien ewaco be, ango atieko winyi ikare kame oyei kede, dokon ikare me alako ango akanyo neni, nataman en ceng me alako).
3
. Di likame oguikino jo igimoro dedede, me wek ikur ronikino tic.
4
. Do igi dedede wan onyutere bala jo tic ka Rubanga ki diire adwong, ki can, ki rem me jame, ki peko.
5
. Kiiaboteto, kiiatwea, arubaruba, ki tic katek, ki kiino piny, kii kaanyo kec, kede icilo kede ngec, kede ikanyakin, kede mwolo, kede tipo kacil, kede amara kalikame ool.
6
. KI icilo, kiingec, ki ikanyakin, kiimwolo, kii tipo kacil, kii amara kalikame ool.
7
. Kede kop me ateni, kede twer ka Rubanga, kede gi yii me poore, icing tu cam kede tungodali.
8
. Kede wor kede lime wor ko cao wa, kii rwonge arac kede rwonge aber bala jo angalo dodi jo me ateni.
9
. Bala jo kalikame kongeo dodi wan ongeere twatwal. bala jo ko too do nenunu wan okou, bala jo kame ko tidilo do likame koneko wa.
10
. Bala jo kame tururo dodi wan olelo itek. bala jo can dodi wan omio jo atot baro: bala jo kame li kede gimoro dodi wan otie jame dedede.
11
. Okwe wun jo me korinti, oyabo dogwa butwu, onyao neu cuny wa da.
12
. Likame wun iridakinnunu iyi wan do kwanyo wun iridakinunu kenu, wun likame iridakinunu iwan do wun iridakinunu iwu kenu.
13
. Nan pi culo neu iyore acel nono (ango ayamo kede wu bala idue na) uda nyaare unu.
14
. Kur itweere unu i ayoko acel kede jo kaliko yei pien epone mene en kame poore ribere kede li me poore? Arabo, nywak nyo kame tie idiere me lero kede colo?
15
. Kede winyere nyo en kame tie idiere ka Kurisito kede Belial? Arabo dul mene en kame lokoyei ribo kede lo alikame oyei?
16
. Elagano nyo en kame tie diere me kanisa ka Rubanga kede cal jwogi? Pien wun en kame kanisa kar Rubanga akuo, bala kame Rubanga oyamo kede be; Ango ayaro bedo iyi gi di aka latao kiyi diere wu, Ango abedo Rubanga gi di gin kiko bedo jo na,
17
. Pimano, Rwot owaco be, Yaunu tenge idiere gi, ikounu pokere, kur imulunu gi kalika cil, Di ango ola ako gamo wu,
18
. Di ango ako bedo papau, dido wun kounu bedo iduwe aobe na kede iduwe anyira na, Rwot me akarinikin en ko waco