1
. Do ango ako ngeno kaman ikoma be likabino dwogo bobon but u.
2
. Pi kama amio u ikwanu kisa ngai inonono ame mia ayoma iic, do en nono am amio okwao kisa pi ango?
3
. Kede awandiko kamanon ne u da be kur di ayaro bino apore bedo kede cwer cuny kayai ibut jo kapore mina ayomaiic bedo kedenwang cuny but un duc, be yom cunya obedo yom cuny u duc.
4
. Pien pi can atot kede cwer me cuny acoo neu kede pige wanga atot likame be ibedunu ke de par do be iporenu ngeno amara ame atie kede atot piru.
5
. Do kamoro okelo par likame emiango par, do idul: bekur aroinikino un duc eporere but icuononi can nono, kame bin omio jo katot.
6
Do kam jo atot ticano en kede udo rome
7
. Tetekeny itetucel ipore tikatika time kisa kede dino cunye, kur di cepak dano acel amanono pore bedo di omwony kede cwer cuny atot.
8
. Akwao u be kono inyutunu amara u bute.
9
. Pien pakana iatietinini acoo be aromo ngeo anyut amako u kame ibedo wor igidedede.
10
. But ngat kame itimo kisa iigi dedede, atimo kisa ada: Pien kame atimo kisa iigi duc but ngat atimo kisa pi un atimo kisa idano Kristo.
11
. Pi kur nga rac ud bero pir wa pi wan likame okwia eponeso mege.
12
. Dokon da di abino i Troas pi tito ejiri a Kristo kede okeko oko yabere pira me a Rwot.
13
. Oudo ali kede wei i tipo piento audo Titus omina li do ako yai i but gi, di ako ot i Makedonia.
14
. Nan pwoc bed but Rubanga ame miowa oloo i Kristo kede mio neno anga lar iniang mere yai i but wan ika duc.
15
. Pi wan otie i but Rubanga ngwece akur a Kristo iigin olakere kede iigin ame tiek.
16
. I but acel otio ngwece me too oot itoo; kede iace ngwece me kuo oot ikuo kede ngai opore pi gigi?
17
. Pien wan likame otot arubrubo kop ka Rubanga: do me ateni me a Rubanga, inyim Rubanga oyamo i Kristo.