¹ . Ango amio kop ni but jo adongo kame tie diere wu, bala adwong wad gi. Kame bobo da obedo mujura me can kame Kuristo obeo iye, kede ngat kame nywako deyo kame bino nyutere. ² . Kwaunu romini ka Rubanga kame tie diere wu, gwoko gi abongo adiadia, do kede mit wu kenu. Likame pi mito ud moro, do itam oikere. ³ . Kur ibedunu bala jo pug me tetek ne jo ka Rubanga, do bedo anyut kame ber ne romini. ⁴ . Tetekeny kame ngakwat adwong oneno ibinunu udo ocoro me deyo kalikame dubere. ⁵ . Kamanono da wun jo katino mwolere nu, but jo adongo. Di iwinyerenu kenu kenu di ikonu ngapo cone pi Rubanga piemo kede jo kame wakere do emio kisa but jo kame cone. ⁶ . Pi mano mwolerenu itwer wu malo ka Rubanga di eko tingo wu malo kame kare oromo. ⁷ . Ketunu par wu dedede bute piento en eparo piru. ⁸ . Bedunu di iriekunu, di ikiunu piny, ngakwor wu Sitani tie rimo bala engu kame dorano, di emo ngatamoro eko Camaro. ⁹ . Pienunu kede, di icungunu kitek iyei wu, doko di ingeunu be imiegu kede amiegu wu ipiny lung tie beo iepone me can nogo. ¹⁰ . Do Rubanga me kisa dedede kame olwongo wu ideyo mere kakuo kibut Kuristo Yesu, en ebino mino wu idokunu konyo wu, di eko sipakino wu. ¹¹ . Deyo kede twer bed bute nakanaka Amen. ¹² . Ango awandiko ne wu balwa acecek kede kony kame sila omia omin kame genere, di ango adio cunyu doko di amio wu ijura be, man en kisa ka Rubanga me ateni cungunu iye kitek. ¹³ . Kanisa kame tie Babilon, kame oyero karacel kede wu omoto wu marako woda da moto wu. ¹⁴ . Moterenu kenu kenu kede amot me amara, mulem bed kede wu dedede wun jo kame tie ikurisito Yesu Amen.