1
. Lubuni amara dokon mielaounu giamia me cuny do ame kato mere mewek ikarununu murao.
2
. Pien dano ame yamo kede leb alika ngiere likame etie yamo bujo, do but Rubanga: pien dano moro likame niang ikome. Do cuny en ayamo mung kalikame ngiere.
3
. Do ngat kame murao yamo but jo pi geerogi, tingo cunygi kede dino cunygi.
4
. Ngat kame yamo kede leb alikame ngiere gerere kene; do ngat kame murao gero cuny kanisa.
5
. Ango amito be koto wan duc iyamunu kede leb, do akato mere muraunu. Pien ngat kame murao piretek lono ngat kame yamo kede leb, kwayo kamedi egonyo. Me wek kanisa twer gerere.
6
. Nando imieguna, kame ango abino but wu di atie yamo kede leb ameda nyo ame wudo ango amio wu, ni kwanyo kame amotoko ayamo di beo, ingiec, arabo di beo iimurai arabo di beo ipwoc.
7
. Do koda akadi jamini ame likede kuo dodi ki woto dwan amotoko paipo, arabo adungu kalikame ko popoko dwan me gin ki woto pwone mene kame dwan kame kame kokuto kedekame kogoo bino niangere kede.
8
. Pien kame agwara mio koko alika me ngiere ngai en oyaro yikere me yii?
9
. Aso iye epone acel nono kame wun likame iyamunu kede lebu kope kame niang iye yoyot, epone mene en kame gikame tie yamere binongiere kede? Pien wudo iyanunu yamo ne yamo.
10
. Otwero bedo kede dwan atot atota iwilobo do likatie moro iye ame likede dwong mere.
11
. Pimano kame di ango likame angieo dwong me dwan, ango ayaro bedo abila alikame ngiere but dano kame tie yamo dokonda eda ngat kame etie yamo nono, eyaro bedo abila alikame ngiere butada.
12
. Aso wuda icalunu amanono bala kame itie nu kede imiela atek pi kop amako gia mia me cuny, mounu epone aber kame itwerunu gero kede cuny kanisa.
13
. Pimano wekunu ngat kamo yamo kede leb kalikame ngeereno legi tetekeny etwer gonyo
14
. Pien kame di ango alego kede leb kalikame ngiere, cunya en kame lego do adamna wudo liatie niang.
15
. Enyuto do nyo? Ango ayaro lego kede cuny di dokon ako lego kede niang naga. Ango ayaro wer kede cuny, di dokon ako wer kede niang nada.
16
. Benyo, kame iyaro mino winyo kede cuny epone mene en kame jo, kame liko opwonyere, kame tie bedo iyoti kanono bino waco kede be Amen. Ikom pwoc kane yin itie mino, di ineno be en likame eniang gikame yin itie waco?
17
. Pi yin ateteni imio pwoc kiber do dano ca likame ogerere.
18
. Ango apwoyo Rubanga, be ango ayamo kede leb lono wun dedede.
19
. Dodi iikanisa, ango koto owudo ayam kope kany kede niang na tetekeny weki apwony apwony jo icegun da kede dwana kalamo ango yamo kope tutumian tomon kede leb. Kalikame ngiere.
20
. Imiegu, kur ibedunu idwe kiiniang: do itim arac bedunu idwe do iniang bedunu jo adongo.
21
. Kiiswil owandiko be kede leb me joka papap dokon kede deldog kapapat ang oyaro yamo but jogi, gokon di kii mago dedede gin likame kiiyaro winya, Rwot en kowaco.
22
. Pimano leb obedo gianyuta likame but jokoyei do but jogo kame likame oyei: do imurai likame tie pijo kalikame yei do pigin jo kame yei.
23
. Kame dido kanisa dedede obino karacel ikabedo acel, di gin duc kiko yamo kede leb, di ikuno jo kame likame osomo arabo jokame likame gin kiyaro yamo be wun ipounu?
24
. Do kame jo dedede murao diikuno ngat kame lika yei kobino arabo ngat kame likame opwonyere, gin dedede kiyaro mulo kuo mere dokon
25
. Didodo amano omung me cunye oko mino wok kakaler amano di en eko riebere piny di eko woro Rubanga. Dido en eko mino ngec but jo apat be Rubanga me ateni tie iiwu.
26
. Ebedodo benyo imieguna? Kakame wun ibinunu karacel di ngat acelacel ikomu tie kede sabuti tie kede pwony, tie kede leb, tie kede yabere, tie kede gony. Wekunu jamini dedede timere pi gero.
27
. Kame dano moro yamo ileb kame likangiere wek ebed jo are arabo kamedi kitot kibed jo adek diki ilubere wek ngat acel gonyi.
28
. Dokame ngat kame gonyo likame tie, en epore ling iikanisa, di eko yamo ne kome kene kede but Rubanga.
29
. Wekunu inabino ame arabo adek yami di oceluca ngingico.
30
. Jokame gimoro oyabere but dano ace atie bedo kano, miunu dano me agege diire.
31
. Pien wun ikakununu imurai, acel acel tetekeny wek jo dedede twer pwonyere di gin dedede ko wudo kwei cuny.
32
. Dokon cuny me inabino winyo inabino.
33
. Pien Rubanga likame obedo Rubanga me atotolun, do me anapakin bala kitametie kede iikanisan me jo kacil.
34
. Miunu monu lingi kiikanisan pien likame koyeine gin yamo do ocikakino gi me bedo jo kame turere itien piny me pug bala kite kame iswil da yamo kede.
35
. Dokon kame digin kiyaro pwonyere iigimoro wek gin ki peny jo cwog ipaco pien etie gime lewic ne mon yamo likanisa.
36
. Benyo? Kop ka Rubanga owok ibutun? Arabo ebino butun kenekene?
37
. Kame dano moro tamo be en ebedo enabi, arabo eoto icuny wek en eyei be gikame ango awandiko butu obedo cik ka Rwot.
38
. Do kame dano moro tie kede kwic wek en ebed kede kwiic.
39
. Pimano imwegu kede amwegu, mielaunu imurai, dokon kur igengunu yamo kede leb.
40
. Wekunu jamini dedede timere iye opwone aber kede anapeta.