¹ . Imiegu kede amieguna ikom kop kame mako giamia me cuny kacil ango liamito ibedunu jo ame li kede ngec. ² . Un ingeunu be oudo bin riki itienu jo ame lia woro Rubanga bin koterou tenge woro cal jwogi kalika yamo. ³ . Pimano ango amiou niang be likame tie dano moro kame yamo kede cuny ka Rubanga ame waco be Yesu kolamo doko da liame tie dano moro kame waco be Yesu en a Rwot do kwanyo kede cuny kacil. ⁴ . Nataman giamia tie apapat do cuny tie acel nono. ⁵ . Doko tie iponeso me tice apapat do Rwot acel nono. ⁶ . Tie iponeso me tice apapat kame jo timo do Rubanga acel nono en kame tio igin dedede. ⁷ . Do nyutere me cuny omio but dano acel acel pi ameda. ⁸ . But dano acel cuny omit kop me rieko but dano ace cuny acel nono mie kop me ngec. ⁹ . But dano ace cuny acel nono mie yei but dano ace cuny acel nono mie giamia me cango jo. ¹⁰ . BUut dano acel emio timo tangu, but dano ace emo imurai, but dano ace emio popoko cunyere, but dano ace emio yamo kede leb apapat, but dano ace emio twero me gonyo leb. ¹¹ . Do tice nogi dedede cuny acel en kame timo di epopoko me dano acel acel bala kame en emito. ¹² . Pien bala kite kame kom tie acel di etie adulion atot do akadi bala adulion me kom acel nono tot do gin kitie kom acel bala Kiristo da. ¹³ . Pien kede cuny acel nono wan dedede kobatiso wa ikom acel akadi di obedo iyudayan amoto jo kalikame woro Rubanga. akadi di otie jo kotwere ara jo kogony di bin wan dedede bin oko mino wa icuny nono. ¹⁴ . Pien kom dano liame tie adul acel do etie adulion atot. ¹⁵ . Kame kono tien di ko waco be pien ango likame abedo bad likame abedo adul me kom benyo udo en likame edebo adul me kom? ¹⁶ . Kede ka kono it da di ko waco be pien ango likame abedo wang ango likame abedo adul me kom benyo udo likame en ebedo adul me kom? ¹⁷ . Kame di kono kom dedede obedo wang kono ewinyo kede nyo? doko da kame di kono kom dedede obedo it kono engweo kede nyo? ¹⁸ . Do nataman Rubanga oketo adulion acel acel ikom dano bala kame yomo cunye. ¹⁹ . Ka kono di kom dano dedede tie adul acel kono kom tie twai? ²⁰ . Do nataman kitie adulion katot do ikom acel. ²¹ . Doko da wang likame romo wcao ne cing be ango likame amiti amoto wie da waco ne tien be ango liamiti. ²² . akaka manono adulio me kom kame ineno bala kitek gida kimitere. ²³ . Do adulion mogo me kom kame wan otamo bala likame oworo gi twatwal en magonogo kame wan omio wor adwong kede adulion kame likame beco me anena en kame wan ogwoko kitek. ²⁴ . Pien gi kame adulion me kom wa kame koworo likamito do Rubanga oko coko kom karacel di eko mino woro amalo ikom adulion korem. ²⁵ . Me wek pore kur apokapoka bed ikom tetekeny pore adulion bed kede gwok but jo ocegun. ²⁶ . Doko da kame adul moro tie kede pekon adulion dedede bedo kede peko nono kede en amoto adul acel komio wor adulion dedede lelo kede en. ²⁷ . Nataman un ibedunu kom Kirisito kede adulion kikome. ²⁸ . Do Rubanga oko keto mogo ikanisa me agege joor me are inabin me adek jopwony ngei mano jo kame timo tangu jo kame tie kede giamia me cango jo, jo kame konyo jo jo pug, jo kame yamo kede leb apapat. ²⁹ . Benyo jo dedede obedo joor? Jo dedede obedo mabin? jo dedede obedo jo pwonye? jo dedede obedo jo tim tangu? ^{31 30} . Benyo jo dedede tie kede giamia me cango jo jo dedede yamo kede lebi? jo dedede obedo jo gony lebi? v 31. Do pimano ketinu tamu mano giamia abeco do di ango abino nyuto ne yongayo aber kato.