¹ . Bedunu jo kame luba, bala kame ango alubo kede Kirisito. ² . Na ango apwoyo u imiegu kede amiegu, be un iyutuno nu ango i jame dedede, ikounu gwoko iswilia, bala kame amio gi kede butu. ³ . Do amito ingeunu be, Kristo tie wi jo dedede do icuo tie wi dako, do Rubanga en wi Kristo. ⁴ . icuo moro dedede kame Lego, ara amurao, do eboo ie udo likame eworo wie. ⁵ . Do dako moro dedede, kame lego, ara amurao, di likame eboo wie, udo likame eworo wie, mano tie icel, di ecal kede bala koto oudo di elielo yer wie. ⁶ . Pieno kame dako likame oboo wie, mito do eko nyaro, do kame lewic mako dako kame enyaro yer wie, ara bo liebo, eboi do wie. ⁷ . Piento iye ateni mere, icuo likame pore kede bono wie atwatwal mere kite kame en ebodo kede cal, kede deyo ka Rubanga, do dako en etie deyo me icuo. ⁸ . Piento icuo likame owok ibut dako, do dako en owok kibut icuo. ⁹ . Doko da likame oudo ocweo icuo ne dako, do dako en kame ocweo ne icuo. ¹⁰ . Pi tien kop ni, dako pore ido twero iwie, pi imalaikan. ¹¹ . Kame tie amano da, likame icuo tie apire kene abongo dako, ara dako pire kene abongo icuo i Rwot. ¹² . Piento bala kite kame dako owok kede ibut icuo kamanono da icuo abino di ebeo ibut dako, do jame dedede me ka Rubanga. ¹³ . uda ngonunu kop ni ikomu, kom ewok kiber kame dako lego but Rubanga di likame eboo wie? ¹⁴ . Kom likame kite kame ocweo wa kede pwonyo u be, kame icuo tie kede yer wie aliroliro, tie me lewic bute? ¹⁵ . Do kame dako tie kede yer wie abocoboco tie ne gi me deyo, piento yer go onie me umo wie. ¹⁶ . Do kame dano moro tie kede piem, iye, wan oli bobo kede itok ace apat, ara kanisa ka Rubanga. ¹⁷ . Na i kop ni, kame ango awaco neu ni, likame tie gi aber iye do jame areco kenekene. ¹⁸ . Pien me agege mere, kame ibinunu ikanisa karacel ango awinyo be itie nu kede apokapoka idiere uu ango da amo yei kede kop nono. ¹⁹ . Pien apokapoka miero bed tie idiere u, tetekeny jo kame timo kiber miero ngere idiere u. ²⁰ . Pimano kame un icokerenu karacel, udo likame pi camo cam ka Rwot me otieno. ²¹ . Piento kame itie nu cam dano acelacel geo camo mere kene, dano moro ace kec oneko, ngatamoro otieko mer. ²² . Nyo bo? un iliunu kede ude ame icamunu kede kame imatunu iye? ara bo icacaunu kanisa ka Rubanga, ikounu mino lewic mako jo kame li kede gi moro. awace u do nyo? apore pwono u pi tim ni? Likame apwoyo u atwal. ²³ . Piento gi kame amiyo u go, Rwot en omio ada, tiebe, Rwot Yesu i wor acel nono kame bin orupao en iye, ekwanyo mugati. ²⁴ . Kame emio kede pwoc, eko tuturo, eko waco be gamunu, camenu, man koma, kame otuturo piru, timunu pi yutuno ango. ²⁵ . Epone acel nono do eko kwanyo ikopo kame do eko gubo, di ewaco be ikope ni me remo na, me isikan kanyen, timunu amanoni nakanaka di imate nu me yutuno ango kede. ²⁶ . Piento nakanaka kame icamunu mugati ni kede kame imatunu ikope ni, udo itie nu nyuto too ka Rwot, paka en dwogo. ²⁷ . Pimano dano moro kame bino camo mugati ni di eko mato ikopp ka Rwot ni, iyore kalika pore en ebino kelo ngolo kop ikome, pi kom kede remo ka Rwot. ²⁸ . Do ber dano ngicere apire kene, en amio dido eko camo mugati no, kede mato ikope no. ²⁹ . Piento ngat acamo kede amato, i epone ali opore, udo etie camo kede mato ngolo kop bute kene, udo likame eniang kom Rwot. ³⁰ . Pi kop ni jo atot u tie gorogoro mogo bedo tuotuo idiere u, mogo otoo da. ³¹ . Piento kame koto oudo wan ongolo kop ikom wa ken wa, koto do likame ongolo ne wa kop. ³² . Do kame ongolo ne wa kop, udo Rot bitaro wa, me wek kur ngol kop loi wa kede lobo. ³³ . Pi mano, imiegu na kede amiegu na, kame icokere nu pi cam, darunu ngati kede ngat ca da. ³⁴ . Kame dano moro kec oneko, ecam ber ipaco me wek kur icokere nu karacel iko udunu ngolo kop kede kope ace ace ango ayaro bino di ako keto gi i anapeta.