¹ YaYesu dakar malitan fi kanisa, ligo fogo ajol ligo idda to abbisi. ² Umon ayinu uwo kani biponyesha uwo fi yomu te sabbiiti, ya ke asiki uwo. ³ Yesu kelem ne ajol abu kan endi idda abu abbisi, ye gifu fi usutu inni. ⁴ ya uwo kelem gali seme fi yom sabbiiti so seme singa so batari? ponyesha hayi wala katuru? lakin umon asukutu. ⁵ uwo ayinu umon me ena hari, ligo gi asuma singa ligo gelba to umon gowu, uwo kelem na ajol gali midu idda taki. uwo alfa idda to pona. ⁶ fi gomu nas'Falisayo umon tara, umon wonusu me nas Kerodiyaani fi uwo, je bi katul uwo. ⁷ Yesu ne swahaba to umon ruwa fi bahari, komu milan fatiya uwo abu tara fi Galiraaya me Buyudaya. ⁸ Yerusalemu me Idumayo me fi saffa tani te Yoludaani, ma abu geri me Ttuulo me Sidoni, komu al kebir bakan asuma abu uwo giso umon ja ne uwo. ⁹ Uwo kelem ne swahaba to fuluka abu sakal ke geni geri jambu uwo komu ke ma asulu uwo. ¹⁰ Kalam uwo ponyesha milan, me oaga umon ogo a fi uwo, amsuku fi uwo kul abu kan endi tabu. ¹¹ Jini al batal bakan ayinu uwo, waga gidamu uwo ligo umon gi kore, ligo gi kelem, ita ya nyereku te Rabbana. ¹² Uwo adibu umon zaidi ke umon ma wonusu fogo fi anas. ¹³ Ligo uwo gi panda fi gala, uwo nadi umon ke ja ne uwo abu aju, umon ruwa ne uwo. ¹⁴ Uwo amrugu fogo itinashari geni me uwo bakan wayi, ya ke uwo rasul umon ke alim njiri. ¹⁵ Geni me wezo te turuju jini. ¹⁶ Simoni owedi nowo asuma Petero. ¹⁷ me Yakobo nyereku te Zebbidayo, me Yokana aku te Yakobo, me umon uwo wedi ne umon asuma Bowanerege, mana to tala te saga. ¹⁸ me Andereya, me filipo, me Battolomaayo, me Matayo, me Tomasi, me Yakobo nyereku te Arufaayo, me Saddayo, me Simoni te'Kanamaayo, ¹⁹ me Yuda Isakalyoti, abuja wedi uwo. uwo ja fi juwa. ²⁰ Komu limu malitan, me agi deri umon agideri ma akul akiri. ²¹ Ligo to asuma umon tara ke umon amsuku uwo, kalam umon kelem gali uwo mujununu. ²² Ligo katiba abu tara fi Yerusalemi umon kelem uwo endi Beruzebuli, ligo gali uwo gi turuju jini fi kebir te jini. ²³ Yesu nadi umon ne uwo okelem fi ja Kalama te mana, jini gituruju jini? ²⁴ mamlaka kan sibu badum, mamlaka wede agideri yedif ma. ²⁵ me juwa kan sibu badu bara, juwa de bi agideri ma yegif. ²⁶ Me kani sheitani gidusu mani uwo bara, sibu fogo, uwo agideri ma yegif, lakin gikarasu. ²⁷ Lakin mafi ajol abu agideri dakal fi juwa te ajol te gudra selegu sokalina to ligo uwo lisa ma robuto gowu wede abu tegudra ya uwo selegu. ²⁸ Fi haki ana gikelem ne itakum, yala te anal bija sama batal to umon kulu me zalawo te umon kulu. ²⁹ Lakin uwo albi zalawo Roho mutukatif uwo ma endi musama raha fi raha; lakin abu so makosa te batal te raha fi raha. ³⁰ Kalam ja wonusu gali uwo endi jini. ³¹ Ligo mama to me akwana to umon ja, rasul ne uwo nadi uwo ligo umon yegif bara. ³² me komu kan geni ligo uwo rifu uwo, kelem ne uwo; ayinu mama taki me akwana taki umon fi bara gigusu ita". ³³ Uwo jibisha ligo ogi kelem gali, mama tayi ya munu me akwana tayi? ³⁴ Uwo ayinu umon abu kan geni safta de kul ligo umon rifu uwo, kelem nowo gali, ayinu mama tayi me akwana tayi! ³⁵ misan kila ajol yoyote al biso sokol abu Rabbana aju uwo ya aku tayi, aku biniya, ya mama.