¹ Bakam yom rasul uwo dakell fi Kaperunawunu, asuma uwo ligo uwo fi juwa. ² Umon lim milan, fu timu umon timu ma ladiya fi do baby umon alim njiri. ³ Umon ja abu jibu ayani alkani fi batal; ligo al fi anas alba. ⁴ Lakin gelib umon ja womba kalam anas milan, umon fata foo te juwa ligo uwo fi minjuwa: umon kutu fogo lufra nyengiri sida abuyani abukan onumu fogo. ⁵ Yesu bakan ayinu anim to, umon okelem loba yani, nyereku tayi, batal taki amrugu fi ita. ⁶ Lakini kan fi anas katiba ligo umon geni ligo umon gi fekeri fi gelba toumon gali. ⁷ Uwo sunu gi wonusu uwo jede? uwo gizalauwo munu ya agideri amrugu batal lakin wayi, uwo ya Rabbana? ⁸ fi gomu Yesu bakani faham fi roho to ligo umon gifekeri jede minjuwa te umon, uwo kelem sunu ya kutu to gifekeri doole fi gelba takum? ⁹ Al layisi feni, te kalem ne abayani batal taki amrugu fo getta, lakini tabu feni kelem ne abayan gumu alfa sida taki ke ita ruwa? ¹⁰ Lakin alfu kum nyereku te binadum endis wezo fi duniya amrugu batal fi anas, okelem ne abuyani gali; ¹¹ Ana gi kelem ne ita, gum, alfa sida taki, ke ita alja fi juoia taki. ¹² uwo gum, uwo alta gum sida, uwo tara bidam umon kulu, umon kulu sanga, umon abudu Rabbana ligo umon gikelem gali, lnna maja ayinu jede. ¹³ uwo tara malitan uwo ruwa fi torofu bahara, kom kulu ja ne uwo, uwo alim umon. ¹⁴ ligo kan uwo gifutu, uwo ayinu Levi nyereku te Alufaayo ligo uwo geni fi ggwoolezo, uwo kede ini ne uwo futu mana. uwo gum uwo futu me uwo. ¹⁵ lnni ligo uwo geni fi juwa te wede ligo uwo gi akul, al gilim sente milan endi batal milan umon geni bakani wayi me Yesu me swahaba to, kalam umon kan milan abu ruwa me uwo. ¹⁶ Katiba abu Falisaayo ayinu uwo ligo uwo gi akul me anas abu endi batal bakan wayi me abgili ini sente, umon kelem ne swahaba to gali, uwo gi akul me asurub bakani wayi me al gilim sente ma abu endi batal. ¹⁷ Bakani Yesu asma uwo kelem, abu hayi aju ma dakitari, lakin ayanina, ana majja finadi watakatif, lakin dole abu endis batal. ¹⁸ inni ya swahaba te Yokana me Falisaayo umon kan si sayimu, umo ja kelem sunu swahaba te Yokaana me swahaba Falisaayo sunu kutu itakum sayimu, swahaba taki De ma gi sayimu? ¹⁹ Yesu kelem gali te ajusu umon agideri kefin sayimu ojoju arusu ligo fi me umon? fi fileli kulu, ligo umon fi me uwo abu joju arusu umon agideri sayimu ma. ²⁰ Lakin yomu bijja rasul, abu joju arusu kani ja amrugu min itakum, ya itakum bijja sayimu fi yom de. ²¹ mata ajol al gi kutu nusu te gumasi abu jedidi fi gedimu. fi jede nade alfi fi gumasi gi seletu nade te gumasi abu gedimu lufra de zidu. ²² Lakin mafi ajol al gi kubu melisa abu hari fi baga tegiri al gedimu! kan fi jede melisa gi seletu laga tegiri, al gidemu, melisa kubu me baga tegiri gi kalabu, lakin melisa abuhari gi kubu fu baga tegiri al jedidi. ²³ Inni jaja ligo uwo gimasi fi samba fi yom te sabbiiti, swahaba to abidu ruwa amrugu matunda. ²⁴ Nas'Falisaayo kelem, ayinu, ke sunu yagi kutu itakum giso al aba fi yom te sabbiiti? ²⁵ Uwo kelem gali itokum ja galama abu Daudi jaso, ligo uwo asu jani so uwo me umon abu kan fi me uwo? ²⁶ Bakan uwo dakari fi juwa ta Rabbana, Abiya saali ligo ya kebir te kabona al gisinga fi kebir, uwo akul mukati al gi weri al me abba akul fogo nas kabona, uwo wedi me abu kan uwo fi me umon? ²⁷ Yesu kelem, "sabbiiti fi kalam ajol, ma ajol kalam sabbiiti. ²⁸ fi jede ya nyereku te ajol ya sidi te sabbiiti".