¹ Bakani sabbiti ja futu fogo, Malyamu Magadalena me Malyamu mama te Yakobo me Solome umom biyo pafiyumu umon ja fi masa uwo. ² Bakani mini subu timu fi yom taulan fi wiki, ya ligo semusi lisa tara me tara umon ja fi turuba. ³ Umon kani gi asadu badu fi badumu mun ya be amurugu ne ina lageri fi babu te turuba. ⁴ Bakani umon ayinu to, umon ayinu ligo lageri amulugu ligo fi torogu me kani fi kebil. ⁵ Bakani umon dakalu fi turuba umon ayinu yuwere ligo uwo gayi fi dofa te yomini ligo uwo lebisi gumasi alnedifu umon kafu. ⁶ Uwo kelem noumon gaali, mafa kum kafu itakum gi gusu te Nazalessi, alja kutu fi Msalaba uwo tara, uwo tara fi mayitina! uwo ma ini, Ayinu kum bakani kutu uwo fogo. ⁷ Uwo kelem ne umon gaali ruwa kum kelem kum ne swahaba to me Petero gaali uwo ruwa fi Galilaya na ya itakum gu ruwa logo je uwo ja wonusu. ⁸ Umon tara fi turuba, umon ruwa ligo umon gi jere mesani kuwafu me legusi kani amusuku umon. Umon kelem ne ajol yoyote ma sokol yoyote lasa umon Kafu. ⁹ Bakani uwo kalasu tara fi mayitini fi yom tawulani fi yom saba, uwo abidu benu ne Malyamu Magadalena Ja turufu fogo jina saba. ¹⁰ Uwo ruwa kelem ne anasi kulu abu kani giduru me uwo mesani umon Kani gi kore. ¹¹ Bakani umon asuma gaali uwo fi hayi gali ne Malyamu Magadalena ayinu uwo umon ma ja ludu. ¹² Misho te dole uwo beni ne swahaba tinini fi picha taani ligo umon gi ruwa fi bele. ¹³ Dole tinini umon ruwa kelem ne akwana tanini lakini ludu umon ma. ¹⁴ Te misho uwo beni ne umon idashali ligo umon geni ligo umon ga akul uwon kelem ne umon gaali le itakum ma gi aminu, le itakum endisi gelba gowu Mesani umon ja amin ma able ja ayinu uwo gi tara fi mayitina. ¹⁵ Umon kelem noumon gaali, ruwa kum fi bele kulu ke itakum alim ngili abuja karagu kulu. ¹⁶ Abu rudu kubatiza uwo bija pona lakini agi rudu ma kesi bija singa uwo. ¹⁷ Alama dole bi ruwa dole abu amin umon bija turuju jini fi asuma tayi, umon bija unus lutani jedidi. ¹⁸ Umon bija amusuku fi debiba, Kan umon asulabu sokol abu gi katulu bija so umon ma batali, umon bija kutu ida fi ayanina me ayanina bija pona. ¹⁹ Ya bakani sidi tena Yesu kalasu wonusu dole suru uwo fi samayi, uwo geni fi ida te yomini te Rabana. ²⁰ Umon tala umon alim njiri fi beranakulu, sidi tena ligo gi so bakani wayi ne umon, ligo uwo gi so alama. Amina.