¹ Fi guwomu de ligo munsubu tim, kubarina te dini na te dini al kubari me wazze me katiba me te megelase umon kulu wonusu rubutu Yesu, sulu uwo, wede uwo ne Pilato. ² Inni ya Pilato asadu uwo gaal, ita ya Sultani te nasi Yudaya? Bakan uwo jibisha gaali te wonusu. ³ Inni ya Kubari na te dini abu kubari ya umon asiku uwo kalama mulani. ⁴ Ya Pilato asadu uwo, uwo kelem gali ita ma gijibisha ladi sakari? Ayinu kalama milani ala gi ariki ita. ⁵ Lakini Yesu ma jibisha ladi sakari, Pilato me shanga uwo shanga. ⁶ Fi joju uwo gisibu no umon mobusi abu umon asadu uwo ⁷ Inni kan fi wayi ligo gi nadi uwo Balaba, abu ja abusu me umon gialisi, al gi katulu anasi fi alisi de. ⁸ Inni ya kum kore fo isi te fo abidu asadu je so je uwo kan giso. ⁹ Ya Pilato jibisha umon ligo uwo gi kelem gali itakum aju ana kesibu ne itakum Sultani te ita Yudaya. ¹⁰ Msani uwo fahamu kubarina te dini abu kubari wedi-uwo na kalam tyeli. ¹¹ Lakini Kubarina te dini al kubari Balaba ya kesibu noumon. ¹² Inni ya Pilato uwo jibisha maratani uwo kelem noumon gaali yala ana bi so uwo kefini abu itakum gi nadi Sultani te Yudaya? ¹³ Inni ya umon wonusu fi isi te fo ke kutu uwo fi musalaba. ¹⁴ Inni ya Pilato kelem noumon gaali sunu batali al uwo so? Lakini umon zidu wonusu fo gali kutu kum uwo fi musalaba. ¹⁵ Inno ligo Pilato uwo aju furisha kom uwo sibu noumon Balaba, uwo wede Yesu kekutu uwo fi musalaba ligo uwo kalasi dugu uwo. ¹⁶ Inni ya karia sulu uwo minijuwa fi midani al gi nadi Pulayitoliyo; umon nadi anasi kulu. ¹⁷ Umon labisi uwo gumasi te fulungu umon dufuru tagiya te so umon lebisi uwo; ¹⁸ Umon abidu selemu uwo gali taha Sultani te nasi Yudaya; ¹⁹ Umon dugu uwo lagada fi rasu, umon tubu no uwo buja, umon dugu rukuba umon abudu uwo. ²⁰ Inni ligo umon fesiya nouwo, umon amurugu min uwo gumasi te fulungu lebisi uwo gumasa to, umon sulu uwo, umon tala uwo bara kutu uwo fi musalaba. ²¹ Umon aba ajol al kan gi futu, Simoni te Kulene, ligo uwo gi tala fi bele; baba te Alegezanda me Luufo, me ruwa me umon fi arafa musalaba to. ²² Umon jibu uwo fi bakan Gologosa, fi fahamu to gaali bakan te kutu fi musalaba. ²³ Umon wedi nouwo melisa al ja kutu fogo dini; lakini uwo rudu ma. ²⁴ Inni ya kutu uwo fi musalaba, umon gesimu gumasa to ligo umon gi nigitu fogo, al kita ajol bi sulu. ²⁵ Ligo timu saa talata umon kutu uwo fi musalaba. ²⁶ Ya waraga te kasi to katifu fo gaali SULTANI TE'YUDAYA. ²⁷ Me harami tinini kutu umon fi musalaba bakani wayi me uwo; wayi fi ida to te yomini me tani fi suma. ²⁸ Yala al ja katifu ja lasulu al gi kelem gali bi isabu ana bakan wayi me al gi karabu. ²⁹ Al kan gifutu situmu uwo ligo umon gi wezu rasi to umon gi kelem; ya ita gi karasu kanisa ita abim fi yomu talata; ³⁰ Ponesha ita, tala fi musalaba. ³¹ Me kubari te dini al Kubari umon ataku uwo me Katiba barabara umon kelem gali uwo ponesha ligo umon gi ayinu; uwo weza ponesha uwo me bara. ³² Kristo Sultani te Isiraeri uwo ke tala fi musalaba, Ya inna ke ayinu ke inna rudu. Me umon abu ja kutu fi musalaba me uwo situmu uwo ³³ Ligo sawa tim sa sita, kunu duluma fi dunia kulu ladi sa tisa. ³⁴ Inna fi sa tisa Yesu kore isi kebiri gali Eroi, Eroi, Lama Sabakusaani? Fahamisha to gaali Rabana tayi, Rabana tayi, sunu ya kutu ita subu ana? ³⁵ Inni ya wayi umon al kan yegifu inni bakan umon asuma umon kelem gali ayinu, uwo ginadi Eriya. ³⁶ Inni wayi jere uwo asuru fogo nusu te godoro uwo kutu fi agada uwo wedi no uwo fi asurubu ligo uwo gi kelem gali sibu keinna ayinu ligo Eriya gi ja fi amurugu uwo. ³⁷ Inni ya Yesu Kore me isi kebiri uwo wedi afiya to. ³⁸ Inni ya me kateni te kanisa seretu fogo nusu tinini, tala fo ladi falata. ³⁹ Inni ya kebiri te askaria al kan yegifu inni ligo uwo gi ayinu uwo wedi afiya to jede, uwo-kelem gali, "fi haki ajol de nyereku te Rabana". ⁴⁰ Ne kan fi nus wani boyi ligo umon gi ayinu: fi umon kan fogo me Malyamu Magudalene, Me Malyamu mama te Yakobo abu duga me Yase, me Solome; ⁴¹ Dole ligo uwo fi fi Ggaliraaya umon futu no uwo ligo umon gi so no uwo; Me nusuwan tanini melani al panda mo uwo fi Yerusaalemi. ⁴² Inni ligo lasia tim kan yomu te adulu adulu ya yomu tawulan fi sabiti. ⁴³ Yusuf te Alimasaya, kebiri al gi wonusu to ishima ligo uwo gisteni uwo ridu mamlaka to Rabana, uwo geni gowu uwo dakal ne Pilato ligo uwo magi kafu uwo asadu meyiti te Yesu. ⁴⁴ Inni ya Pulato Shanga, je uwo mutu guwomu, uwo nadi kebiri te askaria uwo asadu uwo kan sa futu ligo uwo mutu. ⁴⁵ Inni ligo uwo asuma min kebiri te askaria, uwo wedi ne Yusuf meyiti. ⁴⁶ Uwo biyo gumasi (Olw'ekitaani), uwo amurugu uwo, uwo lifu uwo. fi gumasi te (Olw'ekitaani) uwo kuni uwo fi turuba abu afuta fi bakan al fogo lagera uwo ligu lager fi babu te turuba. ⁴⁷ Malyamu Magadaleeni, me Malyamu mama te Yose, umon ayinu je dofun no uwo.