1
Wakti bakan tim ligo kawm abidu asuru uwo mon abidu asma kalama te Rabana fi wakti ab
uwo kan agifu fi bahari Ganesleti.
2
Uwo ayinu fuluka tinen ligo fi fi bahari ligo anas ab gi
amsuku samaga kala tala min fogo mon gi kasul katimba toumon.
3
Opanda fogo fuluka wayi ab
kan ya te Simon okelem noumon kede umon juru siya kede amurugu minn gaba ogen uwo alim
kawm fi fuluka.
4
Fi wakti kala uwo wonusu okelem ne Simon kede juru uwo fi tey kede ita jada
katimba takum kede itakum abidu amsuku samaga.
5
Simon arja fogo okelem ragi ina gen na
lakin ina ma amsuku sokol labi wayi lakin fi kalam taki ana kede jada katimba.
6
Wakti umon so
jede umon amsuku samaga milan ladi katimba toumon aju seretu.
7
Dukur umon kelem ne anas
toumon ab fi fi fuluka taanin kede umon ja awun umon dukur umon ja mon amla fuluka de kulu
ladi taanin kan aju waga min juwa.
8
Lakin wakti Simon Petero ayinu jede asujudu fi kura te Yesu okelem noumon gadi seebu ana kalam ana ajol ab endisi kidima ab batal.
9
Dukur Petero hairu
me anas kulu ab kan fi moowo kalam samaga milan ab umon amsuku.
10
Me Yakobo me
Yokana mon kulu hairu me yala te Zebedaayo ab kan gi wafiki me Simon Yesu dukur Simon gali
mata kafu min asede ita kala bi amsuku anas.
11
Anas ab kan kala rasulu fuluka toumon fi torofumon seebu kila sokol kulu mon ruwa moowo
12
Wakti umon kan fi beelana wayi min dolde ayinu
ajol ab kan amla ida to me gata nusu, nusu wakti uwo ayinu Yesu osujudu falata dukur uwo
asdu nowo musamah okelem kan ita aju ita agder tagder adul ana.
13
Uwo arfa ida to uwo awum
uwo okelem ana aju adul ita dukur ida to ja seme.
14
Dukue okelem noowo kede uwo ma kelem
neajol taani lakin ruwa kede ita ruwa kede ita ruwa weeri nafsi taki ne kebir te diini kede ita wedi
nouwo namna te hidaaya taki je namna ab Musa ja amrisha umon kun ajol ab gura wedi shahidi
ben toumon.
15
Lakin kalam to dukur zidu ruwa gidam me fadaya kawm kulu zidu ja milanme
ponyesha ayan toumon.
16
Lakin uwo to geeru uwo dukur oruwa fi bakan ab pengele kede uwo
ruwa womba.
17
Wakti tim fi yom wayi min dolde okan gi alim me nas Falisaayo me anas te
shariya kan gen ini ab kan wasa min medina te Galilaaya me Yudaaya me Yerusalem me gudra
te Rabana ab kan uwo kutu te ponyesha anas.
18
Ayin anas je jibu ajol fi sida ab kan ma agder
masi mon gataagil te kutu uwo fi gidam to.
19
Mon ma ayinu bakan te dakal uwo ley ajol te
kaawm mon panda fi rasu juwa mon futu uwo fi matafari dukur kutu uwo gidam Yesu.
20
In ya Yesu abidu faham Iman toumon okelem ne ajol batal taki amurugu min ita.
21
Anas te katifu me
nas Falisaayo mon abidu juru laabil ligo mon gi kelem gali wede ya munu ab gi wonus kalama
te alisi? Munu ya agder amurugu batal illa Rabana baraw?
22
Lakin Yesu wakti faham juru laabil
toumon warja fogo ligo ogi kelem noumon itakum gi juru laabil tessun fi gelba takum?
23
Ab,
rayisi fuweni? Wonusu gali batal taki amurugu min ita aw kelem gal gum kede ita masi.
24
Lakin
faham kum gali nyereku te binadum endisi gudra illa besi so batal dukur okelem ne ajol ab kan
te bi genge ana gi kelem neeta gali ajum kede ita arfa bakanum taki kede ita arja fi beetaki.
25
Gwam bimara agum gidam toumon warfa sokol ab kan uwo num fogo oruwa fi beeto ligo uwo
gi arfa foo heshima te Rabana.
26
Hairu amsuku umon kulu mon kulu abidu abudu Rabana mon
kafu zaidi ligo umon gi kelem gali ina ayinu kalama te hairu naare.
27
Baada te kalama dolde kulu
otaala wayinu ajol ab gi lim sente ab asma to Leevi ligo ogen fi sokol ab gi adul fogo degi
ngano, dukur okelem noumon gadi taali masi maana.
28
Oseebu kulu ogum mon kede masi
moowo.
29
Leevi dukur rakab noowo jooju ab kebir fi juwa to makaman kan fi kawm ab kebiri ab
te anas ab gi lim sente me taanas taanin ab kan gen mowofi akil.
30
Anas te Falisaayo me anas
te katifu toumon, mon hairu ne swahaba, to ligo ogi kelem noumon sunu ya gi kutu kede itakum
gi akulu bakan wayi me anas ab gilim sente? me anas ab endisi batal.
31
Yesu arja fogo okelem
noumon gali anas ab hayi mon ma aju dactaari illa ayanin.
32
Ana ma ja fi nadi anas ab adil illa
anas ab endisi batal kede umon taya.
33
Mon kaman kelem nowo gali nas swahaba te Yokaana umon gi sayimin mmara milan umon gi womba me nas falisaayo kaman jede lakin taki giakul
umon gi asurubu.
34
Yesu dukur kelem noumon gali, itakum agder kutu yala te ajol ab jooju kan
okun ligo ofi mowmon?
35
Wakti bija rasul ajol ab jooju arusu yom ab bija sulu uwo min uwo
dukur mon bija sayimu fi wakti wede.
36
Owedi nowmon ijja, majako gali ma fi ajol yoyote ab agder seretu fi gumas ab jedidi dulgan dukur okeetu fi gumasi ab gedim kalam kan uwo so jede,
ab jedidi bija seretu ab gedim, me dulgan ab uwo seretu fi jedidi ma agder kun wayi me ab
gedim
37
Mafi ajol ab agder kubu merisa ab jedidi fi jeba te gili ab gedim kalam merisaab jedidi
gi seretu hakiba te gili ladi kubu me hakiba ab te gili gi kun mata taida.
38
Lakin gi faa merisa ab
jedidi kubu fi hakiba te gili ab jedidi.
39
Mafi ajol ab lisa asurubu fi merisa ab kala karabu ab aju
ab sakar kalam ogi kelem ab kebiri ya seme.