1
Fi wakti ab Yesu amla Roho ab nedif dukur warja ligo uwo gi arju min Jordan Roho dukur sulu
uwo fi bakan ab Pengele.
2
Okalas na yom 40 ligo sitan gi jaribu uwo. Lakin uwo ma akul sokol
yayate fi wakti naade, baakan wakti de kalas ji yan dukur abidu so uwo.
3
Sitani dukur kelem nowo gali jaa katifu min zaman, gal ajol ma agder kun hayyi me akil baraw.
4
Yesu dukur kelem nowo gali jaa katifu min zaman, gal ajol ma agder kun hayi me akil baraw.
5
Okutu kede uwo
panda gala oweeri nowo mamlaka to te duniya ab te wakti siya te duniya.
6
Sitani dukur kelem
nowo ana bi wedi neeta we ezo de kulu me heshima to kulu kalam ja wedi naana ana gi wedi ne
kila ajol ab ana aju.
7
Kan ita bi abudu fi gidam tayi sokolina dolde kulu bija kun taki.
8
Yesu arja noowu okelem gali jaa katifu gali kede ita gi abudu Rabana taki ligo ita gi so noowo bara.
9
Osulu uwo fi Yerusalem okutu uwo fi kututi te kanisa okelem noowo kan ita nyereku te rabana
yala kede ana sulu ita fi ras juwa te kanisa kan taasil ita nyereku te Rabana yala dusman kede
ita waga min fo ladi falata.
10
Kalam ja katifu gali ajol ab bija weri neeta malaika to kede uwo
chunga ita marawayi.
11
Yala gali bija arfa ita fi ida towmon kede ita maja adaku kura taki fi
laarger.
12
Ja wonusu gali mata jaibu Rabana taki.
13
Wakti sitaani kalas kila fitna dukur osibu
uwo wakti siya
14
ini ya Yesu tala min Galilaya me Gudra te Roho me arufu uwo dukur abidu fi ruwa fi torofu te duniya kulu ab fi geeri moowo.
15
Waalim umon fi bakan ab umon gi lim umon fogo mon kulu ligo umon gi wonusu asma.
16
Dukur oja fi Nazareth fi bakan ab uwo ja raba fogo
fi yom sebit odakal fi hafla ja kan kun adab to oyegifu ligo ogi agara.
17
Wedi nowo kittab te
nabbi Isaaya ofata kitab de uwo ayinu bakan ab katifu gali.
18
Roho te Rabana fi fugu ana kalam
uwo ja kuba fugu ana di kinta kede ana gi kelem ne miskinin kalama ab kuwesi orasul ana kede
ana ja awum anas ab kan nyakamu umon ligo umon kan fi jela, me fata ena te anas ab
amyaanin kede sibu anas ab azibu zaidi.
19
Me tala khabar te yom te Rabana te amin moowo.
20
Okati kitab to dukur uwo arja ne ajol ab gi awun uwo dukur ogen anas kulu ab kan fi hafla mon
kutu ena towmon fi uwo ab kan fi kanisa.
21
Dukur uwo abidu kelem noumon gali naare kalama
ab ja katifu de rasul fi adan takum.
22
Mon kulu dukur abidu ayinu uwo mon hayiru me kalama ab
te huruma ab tala min kasma to mon dukur kelem gali wedede ma, ya nyereku te Yusuf?
23
Okelem noumon gali tokum ma agder ma nesita kelem naana ija majako wede gali,daktari aw
tabib kede wedi matibabu noowo sidu kalama kulu abu ina ja asma ligo giso fi Kaperenown
kaman kede sowo ini fi karya ab ja weledu ita fogo.
24
Okelem noumon gali fi hakki ana gi kelem
ne etakum gali, mafi nebi ab abija wedi nowo heshima fi karya ab we ledu uwo fogo
25
Lakin fi hakki ana gi kelem neetakum gali fi nuswaana milan an rujala toumon mutu ab fi fi Israel fi
wakti te eriya samayi ligo goful sana talata me shaar sita ligo Jiyan milan ab waga fi duniya
kulu.
26
Eliya maja rasul uwo ne zjol wayi min umon ill Zelefaasi fi bele te Sidon ne mariya ab ragi
to ja mutu.
27
Kan fi anas milan ab ida toumon nusu nusu fi Israel fi wakti ta Erisa nebbi makan
wayi min umon ab aduju uwo Ela Nayaman bara ab te Suuri
28
Mon amla zalan umon kulu ab
kan fi hafla anas ab kan fi fi hafla wakti umon asma kalama dolde.
29
Mon kulu gum fo mon liju
uwo bara te medina dukur sulu uwo fi bakan ab ya umon abinu fogo medina toumon kede jada
uwo falata.
30
Ofutu fi ustu toumon dukur oruwa.
31
Dukur oserengeta fi Kaperenoun medina te
Galilaaya uwo alim umon fi yom te Sabbit.
32
Mon kulu hairu fi namna te taalim to kalam kalama
to endisi gudra.
33
Fi hafla kan fi ajol ab kan endisi dimond okore me sauti ab kebiri.
34
Gali yaaye
ita gi hukum ina me sunu Yesu te Nazareth ita ja kede ita ja keregi ina zana arufu ita ja kede ajol
ab nedif te Rabana.
35
Yesu ja hari ligo ogi kelem askutu wasa min uwo dimond wakti jada uwo fi ustu owasa min uwo.
36
Anas ab kan fi fi hafla umon kulu hairu amsuku umon mon abidu asadu umon kulu wayi me wayi ligo mon gi asadu kalam wede yatu jede de kalam ogi amrisha me gudra ladi diomond wasa min umon.
37
Dukur arufu to sidu fi kila bakan te duniya.
38
Ogum owasa min hafla odakal fi juwa te Simon ldukur mama te mariya te Simon ligo musuja amsuku
uwo zaidi mon asadu noumon ligo umon gi dugu rukuba nowo.
39
Oyegifu fi bakan ab Yesu kan
fi fogo otala sawti ne musujja dukur tala min uwo gwam marawayi ogum wabidu so noumon
kazi.
40
Fi wakti ab semsi kala gi kati anas kulu ab kan endisi ayanin ab te namna baraw baraw
jibu noumon kila wayi min umon okutu ida to fi ra to oponesha umon.
41
Me nas Dimond tala min
umon kulu milan ligo umon gi koore gali ita nebi te Rabana otala sauti oma aju kede umon
wonusu kalam umon ja faham ja uwo ya Kristo
42
Wakti ata saba otala oruwa fi bakan ab ma
fogo anas kawm dukur gusu uwo mon kulu ja jambu uwo mon ma aju kede uwo wasa min uwo.
43
Uwo kelem noumon gali gifaa naana wonusu wa athi te Rabana me fi beelana taanin kalam ya
sababu ab rasul ana fogo.
44
Ini ya uwo abidu gi alim fi killa hafla te Galilaaya.