¹ Wakti yom taw lan fi yom te saba minsub mon jab fi kabri monjibu soko lina te kaloosa ab kan umon adul. ² Mon ayinu laager ligo gi masi min kabri. ³ Mon dakal fogo mon ma ligo meiti te Yesu. ⁴ Wakti tatim wakti umon hairu fi kalama dolde ayin anas tinen agi fu fi bakan ab kan umon fogo mon lebisi gumasa abugi walawala. ⁵ Wakti umon kafu ligo umon kutu ena towmon kelem nowmon gali sunu ya gi kutu kede itakum gusu ajol ab hayi min meitin ⁶ Ata uwo ma ini ila uwo gum min kabri kumbuka kum wakti uwo wonusu meeta kum ligo ofi fi gali laaya. ⁷ Ligo ogi kalem gali gifaa binadum kede wedi uwo je sadaqa fi ida te anas ab endisi batal me dugu uwo fi msalaba meyom (3) kede uwo gum. ⁸ Ini ya umon abidu kumbuka kalama to. ⁹ MON tala min kabir umon arja fibe dolde kulu umon kelem ne anas 11 ab kan fa dulu. Me anas taanin kulume anas taanin. ¹⁰ Umon kan mari yam mange dela, me yowana me mariyam mama te Yakobo, me nuswana taanin bakan wayi me umon mon kelem nebiya. ¹¹ kalama dolde beenu fi gidam towmon Jeta awiri mon ma amin. ¹² Lakin Petero gum dukur ohuru fi kabri Odugu rukuba kede uwo ayinu wayinu guma te bafta ligo fi barraw warja fi be to ligo uwo gi hairu me sokolina kulu ab kan fina. ¹³ Ayinu fi yom naada timen min umon kan umon gi ruwa fi bakan te sultan EMAWU ab kan boyi siya min Jerusalem masafa 60. ¹⁴ Mon wonusu umon barraw kulu kila sokol ab kan fina. ¹⁵ Wakti muda tim umon kan. ¹⁶ Lakin ena towmon sobutu kede umon ma faham umon. ¹⁷ Okelem nowmon kalam sunu ya itakum gi asadu nafsi takum ligo itakum gi masi umon yegi fu ligo gudra kalas now mon. ¹⁸ Wayi min umon asma to kulyoo pa warja fogo ligo og. Kelem gali ita gi num baraw fi Jerusalem ab ita ma arufu kalam yoyote fi kalama dolde. ¹⁹ Okelem nowmon kalam sunu mon kelem nowo kalama te yesu te nazareth ab kan nebi tegudra fi soko lina ab kan ogi so me kalama ab kan mow gi wonusu fi gidam te rabana me gidam anas kulu. ²⁰ Menas kubarina me anas kubarin te kanisa bakan umon gata nomo fi makosa to me kubarina te kanisa me anas taanin wakti wedi uwo kede katul uwo dukur dugu uwo fi msalaba. ²¹ Lakin ina kan ina gi teker gali uwo ya kan bija nafatu Israel me fu wede kulu yom talata dolde kalama dolde min abidu kin fi. ²² Me nuswana taanin min ina mon kutu ina hairu anas ab keera ruwa fi kabri. ²³ Wakti umon ma ligo meiti to mon dukur ja umon kelem gali mon ayinu malaika ab kelem gali uwo lisa hayyi. ²⁴ Me anas taanin ab kan fi bakan wayi mowo mon ruwa fi kabri mon kaman ligo jede je namna de kelem mon kaman ma ligo uwo ²⁵ Dukur uwo kelem nowmon itakum anas ab awiri abkislan fi gelba rudu me kalama kulu abnas nebiya de jawo nusu. ²⁶ Tokum kan ma gi teker gali gi timma ne kristo idab namna wede? Dukur kede uwo dakal fi heshma to? ²⁷ Uwo abidu fi musa me nebiya kulu dukur oweri nowmon fi kalama abja katifu kulu me kalama kulu abja katifu nowo. ²⁸ Mon Juru umon geeri me medina ab kan umon guruwa fogo dukur uwo to kan gi nadi umon Kede umon ruwa gidam. ²⁹ Mon Zidu gudra nowo gali geeni meena kalam lata gura kum filel me semsi kala dakal saade odaka ogeeni mowmon. ³⁰ Wakti tim ligo uwo gen mowmon ti akili dukur osulu mukati dukur oshukur dukur okasur fogo owedi nowmon. ³¹ Ena towmon fata dukur mon faham uwo dukur owodur min umon kede umon ma ayinu uwo. ³² Mon asadu umon mon kelem gelba teena kan ma gi kafur min juwa gelba? Wakti kan uwo kan gi wonusu me ena fi sika ligo ogi fata neena kalama abja katifu. ³³ Mon dukur gum mon arja fi Yerusalem mon ligo anas 11 me anas abkan umon fi mo mon lim umon bakan wayi. ³⁴ Ligo mon gi kelem gali sidi teena gumu obeenu ne simon. ³⁵ Mon kaman kelem nowmon kalama te sika me namna ab umon faham uwo noowo ti saa ab umon ka suru mukati. ³⁶ Wakti umon kan lisa gi wonusu uwo sidu ja oyegifu fi ustu towmon okelem gali amani kede kun me itakum. ³⁷ Mon kala umon kafu mon fekeri gali umon gi ayinu muzimu. ³⁸ Okelem nowmon gali sunu ya kutu kede itakum kafu mokun ligo itakum gi jibu wasi wasi fi gelba takum. ³⁹ Ayinu kum ida tayi me kura tayi ana yade ana sidu amsuku kum fogo kede itakum ayinu kalam muzimu magi endisi laam me laadum je namna ab itakum gi ayin ana fogo. ⁴⁰ Wakti uwo kala wonus mowmon oweri nowmon ida to me kura to. ⁴¹ Wakti umon lisa ma amin kalam furayi umon hairu okelem nowmon itakum endu sokot yoyote te akul. ⁴² Dukur wedi nowo samaga ab me haragu. ⁴³ Osulu uwo akul gidam umon. ⁴⁴ Okelem nowmon wede ya kalam tayi ab ana ja kelem neitakum ligo ana kan lisa fi meetakum abgi faa kulu kede ma kulu timiza ab kulu ja katifu uwo fi shariya te musa me nas ne biya kulu me zaburi. ⁴⁵ Dukur ofata agil towmon kede uwon faham kalama kulu abja katifa. ⁴⁶ Okelem nowmon ya jede namna abja katifa mu kristo ligo taabu, me gum min meitin fi yom ta (3). ⁴⁷ Belana kulu kede kulu ligo injil kede anas kulu taya me amurugu batal fi asma to abidu me Yerusalem. ⁴⁸ Itakum Ya shahidin towmon. ⁴⁹ Ayinu ana gi wede neetakum ahadi te sidi tayi lakin gen kum fi medina ladi Yom kan bitim te lebisi itakum me gudra ab abija tala min samayi. ⁵⁰ Osulu umon bara orasul umon ladi be samiya uwo arfa ida to owedi nowmon Baraka. ⁵¹ Wakti lisa uwo lisa gi wedi nowmon karaka owoduru min umon sula uwo fi samayi. ⁵² Dukur umon abidu shukur nowo umon arja fi Yerusalem me furayi milan. ⁵³ Mon gen min juwa te kanisa umon gi shukur ne rabana.