¹ Kawn kulu gum dukur mon wedi uwo ne kebir te kanisa. ² Mon abidu asiki uwo mongi kelem gali ina ayinu uwo wayi min anas abu gi meelu bele teena dukur ogi aba wedi ne sultan usuru. Ligo ogi wonusu maro wayi sultan. ³ Kebir te din asadu uwo ligo ogi kelem ita ya sultan te nas yudaaya waja fogo gal ayi. ⁴ Kebir te din dukur kelem ne kubarina te din me kaawm gali ana ma gi ayinu sokol yo yote fi ajol wede. ⁵ Lakin umon ruwa gidam fi taaru mon kelem gal ogi kutu anas kede hairu ligo ogi olim fi yudaaya kulu wabidu fi gali laaya ladi orasul ini. ⁶ Lakin bada kebir te din asma wasadu gali ajol wede ajol te galilaaya. ⁷ Wakti ofa ham gali nowmon bele te kerode dukur oliju uwo ne kerode kalam uwo kaman kan fi Jerusalem fi wakti dolde. ⁸ Wakti kerode ayinu Yesu ofurayi zaidi kalam wakti towil okam aju ayin uwo kalem uwo ja asma kalama to dukur uwo kan gi sten kede uwo so alama. ⁹ Uwo asadu uwo kalama milan lakin kulu uwo ma arja noowo fogo kalam yo yote. ¹⁰ Kubarin tedin me nas kataba mon agifu mon zidu zaidi asiki uwo. ¹¹ Ini ya kerode me askeri ya mon ab si uwo ligo umon gi wonus noowo batal dukur umon lebisi uwo me gumas te sente mi lan dukur arja nwo ne Pirato. ¹² Kerode me Pirato dukur umon wafiki fi yom naade kalam fi abidu kalam fi awu lan kan umon ferteku. ¹³ Pirato dukur kubirina te din me kubarin te bele me anas. ¹⁴ Okelem nowmon tokum Jibu naana ajol wede gali uwo geeru anas ayin ana kan Bi wedi noowo lmti haan gidan takum ana ma ayinu makosa fi ajol wede tika lama abu itakum asiki uwo. ¹⁵ Sala kan kerode kalam uwo arja uwo ne ina, ayinu mafi sokol taani abu owo bi so al gi fi faa kede katul uwo fogo. ¹⁶ Yala kan ana kala Izabu uwo ana bija fiku uwo. ¹⁷ Yafi jede gifaa noowo kede uwo gi fikin mobusu wayi fi jooju ¹⁸ Mon juru laabil bakan wayi mon gikelem sulu wede kede ita fiku neema balaba. ¹⁹ Ya ajol ab kutu fi jela kalam ma aasi abukan fi fi medina me katul. ²⁰ pirato wonus nowmon martan ligo uwo aju fiku Yesu. ²¹ Lakin umon wonus me sauti fo mon gi kelem gali dugu uwo fi msalaba. ²² Okelem nowmon mara talata tey osobatal yatu ana ma ayinu fugu uwo sokol abu kede kutu kede katul uwo kan ana kala izabu uwo ana bifiku uwo. ²³ Mon zidu dugu kilele nowo me sauti ab kebiri mongi dugu rukuba kede dugu uwo fi msalaba. Sauti to umon dukur so kazi. ²⁴ Pirato dukur gata wayi fi kalama abu umon asadu de. ²⁵ Odukur sebi ajol ab kan fi fi jeela kalam ma aasi me katul wakti womba nowo lakin dukur owedi Yesu kede so nowo je umon aju. ²⁶ Wakti kan gi sulu uwo mon amsuku Krane Simon abkan gitala min kaiya kutu kede uwo arfa msalaba kede uwo arfa ligo Yesu gi tala wara to. ²⁷ Kawm te anas ab milan dukur abidu masi wara uwo me nuswana ab kan gir koore nowo dukur umon ayinu huruma to. ²⁸ Lakin Yesu ayinu wara okelem gali nuswana te Yerusalem mata kum koore naana, koore kum neitakum me yala takum. ²⁹ Kalam ayin yom gija wakti bija kelem gali mon endisi bahati anas ab ma giweledu me batina ab ma giweledu me sudur ab magi rada yala. ³⁰ Mon dukur abidu kelem ne gala gal waga kum fugu ina me gala kede kati ina. ³¹ Wakti umon so jede fi lakata ab neeyi fi al abisi bija kun kefin? ³² Dukur sulu uwo me anas taanin tinin ab so batal kede katul umon bakan wayi moowo. ³³ Wakti umon rasul fi bakan abgi nadi kianga dukur dugu uwo fi msalaba me anas taanin ab so batal wayi fi ida yemin taani fi ida simal. ³⁴ In ya Yesu kelem sidi tayi sama umon kalam umon ma arfu sunu ya umon giso mon gesimu gumasa to ligo ligo umon furai. ³⁵ Anas kulu agifu ligo umon gi ayinu kubarina kulu ataku uwo mon gi kelem uwo kan gi hadi anas taanin asede kede uwo hadi uwo barawu kan taasil uwo ya christo ta rabana ab me mgitu ³⁶ Askeriya kaman abidu alisi uwo mongi ja fi bakan ab kan uwo fogo mongi wedi noowo mensa ab me karab. ³⁷ Mon kelem gali kan ita ya sultan tenas yudaaya hadi ita bara. ³⁸ Dukur kitu warage fi vasu to gali Wede YA SULTAN TENAS YUDAAYA. ³⁹ Wayi min anas ab so batal ab kutu fi msalaba dukur ositim uwo ligo ogi kelem gal ita ma ya kristo hadi ita bara bakanwayi meena. ⁴⁰ Te Tinen arja fogo ligo ogi lanom uwo okelem ladi kafu rabana kulu neeta ma kalam ita fi azab wayi moowo? ⁴¹ Taasil ina gata neena kalam sokolina ab ina ja so yagi lipa neena lakin wede uwo ma gi so kalam ab ma rudu ⁴² Okelem gal yesu kede ita kum buka ana kan ita bija arja fi sultan taki. ⁴³ Yesu dukur kelem noowo taasil ana gi kelem neeta naare ita bikun bakan wayi maana fi sanba te rabana. ⁴⁴ Wakti muda rasul sa sita dukur kun duluma fi duniya kulu ladi sa tisa. ⁴⁵ Semsi magi wala me carten te kanisa seretu fustu. ⁴⁶ In ya Yesu wonusu me sawti ab kebini gali sidi tayi amagi kutu roho tayi fi idda taki bakan okala wonus jede owedi hayi to. ⁴⁷ In ya kebir te kawn wakti uwo ayin sunu ya kan fi osifa rabana ligo ogi kelem gali taasil ajol wede kan ajol ab nedifu. ⁴⁸ Me kawm kulu ab kan li, fi ja ayinu wakti umon ayinu sunu ya kan fi mon arja ligo umon gi duju fi dusu. ⁴⁹ Me Sabiyana to kulu me nuswana kulu abtala mowmon min galilaaya monagifu boyi ligo umon gi ayinu kalama dolde. ⁵⁰ Ayinu ajol ab asma to yusufu ab kan kebiri ajol ab kuwesi ab adili. ⁵¹ Wede ata ma kan fi fu wafaku towmon sale min kalama ab umon so ajol te alimansa medina te nas yudaaya ab kan gisten mam laka te rabana. ⁵² Dukur oruwa ne Pirato uwo asadu meiti te Yesu. ⁵³ Uwo amurugu uwo dukur lifu fi gumasi te bafta dukur okutu uwo fi turuba ab adul min laager ab kan lisa ma kutu fogo ajol. ⁵⁴ Yala kan de yom te tayirisha sabit ligo kan gura kun saba. ⁵⁵ Me nuswana ab uwo kan ja tala mowmon fi Galilaaya mon ruwa ladi umon zuru kabri de me meiti to sika ab kutu fogo. ⁵⁶ Mon arja mon adul kalosa me din te mgavu me yom te sabit mon amla safa Je namna ab shariya aju.